Egzod 26:32 - Labib An Kreol Seselwa

³² Ou ava met li anpandan lo kat kolonn fer avek dibwa akasya, kouver avek lor; zot ava ganny tenir avek zot zagraf annor, poze lo kat sipor annarzan.

Egzod 26:32 Referans Kwoze

Ester 1:6

Ti annan bann rido latwal koton kouler blan ek ble, atase avek bann kordon an linenn blan e vyolet, ki'n pas dan bann bag annarzan, fikse avek bann kolonn an marb. Ti annan osi bann divan annor e annarzan lo en pave mozaik an marb, nak ek marb nwanr.

Egzod 36:38

Zot ti fer son senk kolonn avek zot bann krose, e kouver latet bann kolonn ek bann treng avek lor; son bann senk bar ti an bronz.

Egzod 26:37

Pour bann rido, ou ava fer senk kolonn avek dibwa akasya ki ou ava kouver avek lor; ou ava met bann zagraf annor; pour sa, ou ava fer fonn senk sipor an bronz.

Egzod 25:5

lapo kabri mal ki'n tenn rouz, kwir fen, dibwa akasya;

Egzod 26:31

Ou ava fer en rido kouler ble, rouz vyolet, rouz kler e rouz fonse, e trese avek difil latwal linenn fen, brode avek bokou swen avek bann seriben ladan.

Egzod 26:33

Ou ava atas sa rido avek bann zagraf; anndan, deryer sa rido ou ava plas Kof temwannyaz. Sa rido ava en separasyon ant Lasal Sen ek Lasal Tre Sen.