Egzod 26:31 - Labib An Kreol Seselwa

³¹ Ou ava fer en rido kouler ble, rouz vyolet, rouz kler e rouz fonse, e trese avek difil latwal linenn fen, brode avek bokou swen avek bann seriben ladan.

Egzod 26:31 Referans Kwoze

Matye 27:51

Alor, rido dan Tanp ti desir an de, depi anler ziska anba. Later ti tranble, bann gro ros ti fann.

2 Kronik 3:14

Bann artizan ti prepar rido Lasal Tre Sen avek latwal linenn e ti tenn li an rouz fonse, vyolet ek rouz kler, avek brodri bann seriben, zete en pe partou.

Egzod 36:35

Zot ti fer rido kouler ble, rouz kler e rouz fonse, e trese avek difil latwal linenn trese, avek bann seriben brode ladan avek bokou swen.

Levitik 16:2

SENYER ti dir Moiz: Dir ou frer, Aaron, pa antre nenport ler dan sanktyer, anndan par deryer rido separasyon, kot Kof Lalyans. Annefe, i kapab mor, ler mon aparet dan lafimen par lao kouvertir Kof Lalyans.

Egzod 36:8

Tou bann zonm avek talan ti kon-stri sanktyer avek dis roulo latwal an linenn trese, kouler ble, rouz kler e rouz fonse, avek bann seriben brode artistikman lo la.

Egzod 26:1

Ou ava fer latant sakre avek dis lez latwal fer avek linenn fen, kouler ble, rouz kler e rouz fonse, avek bann seriben brode ladan par bann artizan kalifye.

Efezyen 2:14

Annefe, Kris li menm ki'n anmenn lape pour nou an fezan bann Zwif ek bann non-Zwif en sel pep. Ler i ti sakrifye son lekor, i'n kraz sa miray ki ti separ zot e ki ti gard zot koman lennmi.

Mark 15:38

Rido Tanp ti desir an de, depi anler ziska anba.

Kantik Salomon 7:1

Prenses! Ou lipye i zoli dan sandal. Laform ou laans i parey en bizou, travay en artis profesyonnel.

Psonm 137:5

Si zanmen mon oubliy ou Zerizalenm, mon demande ki mon lanmen drwat i paralize.

Levitik 16:15

Apre, i ava egorz sa bouk pour sakrifis pardon pese lepep. I ava anmenn son disan lo lot kote rido, fer laspersyon lo kouvertir sakre e devan Kof Lalyans, parey i ti fer avek disan toro.

Egzod 40:21

I ti anmenn Kof dan sanktyer; i ti plas rido separasyon e kouver Kof Temwannyaz parey SENYER ti'n ordonn li.

Egzod 40:3

Ou ava met Kof Temwannyaz ladan e ou ava kouver li avek rido separasyon.

Egzod 38:23

Avek li, ti annan Oholiab, garson Ahisamak, sorti dan tribi Dann, en skilpter e artis ki ti osi fer bann rido kouler ble, rouz, rouz fonse ek latwal linenn fen.

Egzod 35:35

In rann zot abil pour fer toudsort travay skilptir artizanal, brodri e tenn zot kouler ble, mov ek vyole, linenn fen e fer toudsort kalite travay.

Egzod 35:25

Tou bann fanm abil ti fer difil avek zot lanmen; zot ti anmenn sa difil ki zot ti'n fer e ki zot ti'n tenn kouler vyolet, rouz, rouz fonse, ansanm avek latwal linenn fen.

Egzod 35:6

lalenn ki'n tenn kouler ble, rouz, rouz fonse, latwal linenn fen ek pwal kabri;

Egzod 28:15

Ou ava fer en pektoral pour ziz-man. Sa i ava en travay fer par bann artizan. Ou ava fer li dan menm fason, parey lefod: Avek lor, latwal kouler ble, rouz kler e rouz fonse, avek difil fen, fer avek latwal linenn trese.

Egzod 25:18

Ou ava fer de seriben annor ki'n ganny travay avek marto lo son de bout.

Egzod 25:4

lalenn ki'n tenn an ble, rouz kler e fonse, linenn fen, pwal kabri;

Levanzil dapre Lik 23:45

Soley ti'n disparet. Rido Tanp ti desir an de par milye.

Egzod 26:32

Ou ava met li anpandan lo kat kolonn fer avek dibwa akasya, kouver avek lor; zot ava ganny tenir avek zot zagraf annor, poze lo kat sipor annarzan.

Egzod 27:21

Aaron avek son bann garson ava plas sa portlanp devan sa rido ki maske Kof lalyans, pour ki i alimen devan SENYER depi bomaten ziska aswar. Sa regleman ava pour touzour, pour tou zenerasyon bann Izraelit.

Egzod 36:36

Zot ti fer kat kolonn avek dibwa akasya, kouver avek lor, ansanm avek zot krose annor, poze lo kat bar annarzan.

Egzod 27:16

Pour laport lakour, i ava annan en rido dis met longer, kouler rouz vyolet, rouz kler e rouz fonse, fer avek latwal linenn trese.

Egzod 35:12

Kof Lalyans, son bann bar, kouvertir Kof Lalyans, ek rido separasyon;

Nonm 4:5

Kan kanpman pou deplase, Aaron ek son bann garson ava dekros rido separasyon dan sanktyer e kouver Kof Lalyans.