Egzod 25:16 - Labib An Kreol Seselwa

¹⁶ Ou ava met dan Kof Lalyans, plak temwannyaz ki mon pou donn ou.

Egzod 25:16 Referans Kwoze

1 Rwa 8:9

Dan Kof Lalyans, ti annan zis sa de plak ros ki Moiz ti met ladan depi montanny Horeb, kot SENYER ti fer lalyans avek pep Izrael, ler zot ti sorti Lezip.

Deterononm 31:26

Pran sa liv lalwa e met li dan Kof Lalyans SENYER, zot Bondye. I ava reste la koman en temwen kont ou.

Ebre 9:4

La, ti annan lotel annor kot ti bril lansan, ek Kof lalyans ki ti kouver antye avek lor. Ladan, ti annan en resipyan annor kot ti annan lamann, baton Aaron ki ti'n fleri, ek sa de plak ros kot lalyans in grave.

Egzod 16:34

Parey SENYER ti'n ordonnen avek Moiz, Aaron ti plas sa po lamann devan bann plak Temwannyaz pour ki i ganny konserve.

Romen 3:2

En gran lavantaz dan tou sans: Premyerman, se avek bann Zwif ki Bondye in konfye son bann promes.

Akt de Zapot 7:44

Nou bann zanset ti annan Latant Temwannyaz avek zot dan dezer. Sa Latant ti'n ganny fer egzakteman parey Bondye ti'n ordonn Moiz. Annefe, Bondye ti'n dir Moiz reprodwir sa model ki i ti'n war.

2 Rwa 11:12

Apre, i ti anmenn garson lerwa, plas kouronn lo son latet e donn li dokiman kouronnman. Zot ti proklanm li lerwa e vers delwil lo son latet. Zot ti bat lanmen e kriye: Viv lerwa!

Nonm 17:4

Pran sa bann baton e depoz zot dan Latant Rankont SENYER devan Temwannyaz kot mon rankontre ou.

Egzod 38:21

La lalis bann depans pour sanktyer, demer temwannyaz, ki ti ganny etabli lo lord Moiz, par bann levit, anba direksyon Itamar, garson pret Aaron.

Egzod 34:29

Moiz ti desann, sorti lo montanny Sinai. Ler i ti desann sorti lo montanny, sa de plak ros temwannyaz dan son lanmen, i pa ti remarke ki lapo son figir ki klate, akoz i ti pe koz avek Bondye.

Egzod 32:15

Moiz ti redesann, sorti lo montanny avek sa de plak ros lo ki bann komannman ti'n ganny grave, devan e deryer.

Egzod 31:18

Apre ki i ti'n fini koz avek Moiz lo montanny Sinai, Bondye ti donn li sa de plak an ros, bann komannman ki i ti'n ekri avek son ledwa.

Egzod 30:36

Ou ava kraz li e fer li vin anpoud e met li devan Kof Lalyans, dan Latant Rankont, la kot mon pour rankontre ou. Sa i devre en keksoz tre sakre pour zot.

Egzod 30:6

Ou ava plas sa lotel devan rido ki maske Kof Lalyans, anfas avek kouvertir sakre ki lo Kof, la kot mon pou rankontre ou.

Egzod 27:21

Aaron avek son bann garson ava plas sa portlanp devan sa rido ki maske Kof lalyans, pour ki i alimen devan SENYER depi bomaten ziska aswar. Sa regleman ava pour touzour, pour tou zenerasyon bann Izraelit.

Egzod 25:21

Ou ava met sa plak kouvertir lo Kof Lalyans e ou ava met dan Kof, temwannyaz ki mon pou donn ou.

Egzod 26:33

Ou ava atas sa rido avek bann zagraf; anndan, deryer sa rido ou ava plas Kof temwannyaz. Sa rido ava en separasyon ant Lasal Sen ek Lasal Tre Sen.

Egzod 40:20

Moiz ti pran plak ros lalyans e met dan Kof Lalyans; i ti met bann bar lo Kof e plas kouvertir lo Kof Lalyans.

Zozye 4:16

“Ordonn bann pret ki pe anmenn Kof lalyans pou sorti dan larivyer Zourden.”

2 Kronik 23:11

Alor, pret Yoyada ti fer sorti Zoas, garson lerwa; i ti plas kouronn lo son latet, prezant li avek dokiman Temwannyaz. Apre, ansanm avek son bann garson, zot ti konsakre li avek delwil e proklanm li lerwa. Lepep ti kriye: Viv lerwa!