Egzod 23:27 - Labib An Kreol Seselwa

²⁷ Mon pou anvoy mon lafreyer par devan ou e mon pou senm konfizyon parmi tou bann nasyon kot ou pou pase. Mon pou fer ou bann lennmi sove devan ou.

Egzod 23:27 Referans Kwoze

Deterononm 2:25

Apartir ozordi, mon pou fer tou bann pep lo later, per ou. Ler zot ava antann koz lo ou, zot ava tranble avek lafreyer akoz ou.

Zenez 35:5

Pandan ki zot ti pe ale, lafreyer Bondye ti tonm lo bann lavil otour zot, e personn pa ti pourswiv bann garson Zakob.

Deterononm 7:23

Me, SENYER, ou Bondye ava livre sa bann nasyon dan ou lanmen e zot pou tonm dan en gran lafreyer, ziska ki zot disparet.

Deterononm 11:25

Personn pa pou kapab afront zot. Parey in promet zot, SENYER, zot Bondye ava senm laper ek lafreyer dan tou pei kot zot ava poz zot lipye.

Psonm 18:40

Ou fer mon bann lennmi sove devan mwan. Mon detri mon bann ladverser.

2 Kronik 14:14

Zot ti kaptir tou bann lavil ki ti pre avek Gerar, e bann zabitan ti ganny lafreyer pour SENYER. Zot ti depouy bann lavil akoz ti annan dekwa pour pran.

2 Rwa 7:6

Annefe, SENYER ti'n fer larme Siriyen antann tapaz kales lager, tapaz bann seval ek tapaz en gran larme e zot ti'n dir antre zot: Lerwa Izrael in pey bann lerwa Hitit ek bann lerwa Ezipsyen pour zot vin atak nou.

1 Samyel 14:15

Ti annan lafreyer dan kan, dan zalantour e parmi lepep antye. Bann zonm dan kan ensi ki bann ki ti pe atake, ti tranble avek lafreyer. Later ti tranble; ti annan lafreyer terib.

Deterononm 11:23

alor, SENYER ava sas devan zot tou sa bann nasyon, e zot ava pran posesyon teritwar bann nasyon pli gran e pli for ki zot.

Egzod 33:2

Mon pou anvoy lanz par devan ou e mon pou sas bann Kananeen, bann Amorit, bann Hitit, bann Perizit, bann Hivit ek bann Zebizit.

2 Samyel 22:41

Ou fer mon bann lennmi sove devan mwan. Mon detri mon bann ladverser.

Psonm 21:12

Ou ava tir ou bann fles kont zot, e fer zot sove.

Egzod 34:24

Mon pou sas tou bann nasyon devan ou e mon pou agrandi ou teritwar; personn pa pou esey pran ou later ler ou ava al prezant ou devan SENYER ou Bondye trwa fwa par an.

Nonm 22:3

Moab ti per kan i ti war sa pep avek en si gran kantite dimoun.

Deterononm 6:19

SENYER pou sas lwen, tou zot bann lennmi, parey in promet.