Egzod 23:15 - Labib An Kreol Seselwa

¹⁵ Ou ava obzerv lafet Dipen san lelven. Ou ava manz dipen san lelven pandan set zour, parey mon'n ordonn ou, dan letan fikse dan mwan Abib, kan zot ti sorti Lezip. Personn pa pou vin devan mwan lanmen vid.

Egzod 23:15 Referans Kwoze

Levanzil dapre Lik 22:7

Lafet Dipen san lelven ti'n arive. Sa i zour kan zot ofer sakrifis zenn mouton pour repa Pak.

Egzod 34:20

Ou ava reaste premye ne en bourik kont en mouton. Si ou pa reaste li, ou ava kas son likou. Ou ava reaste tou premye ne parmi ou bann zanfan. Personn pa vin dan mon sanktyer lanmen vid.

Deterononm 16:16

Trwa fwa par an, pour lokazyon lafet dipen san lelven, lafet Rekolt ek lafet Latant, tou bann zonm ava prezant zot devan SENYER, ou Bondye, la kot i ava swazir. Zot pa pou vin devan SENYER lanmen vid.

Mark 14:12

Premye zour lafet Dipen san lelven, zour ki bann zenn mouton ti ganny sakrifye pour repa Pak, bann disip Zezi ti demann li, “Kote oule nou al fer preparasyon pour repa Pak?”

Levitik 23:10

Dir avek pep Izrael: Kan zot ava antre dan sa pei ki mon pe donn zot, ler zot ava fer rekolt, zot ava anmenn kot pret, premye tiz dan sa rekolt.

Egzod 34:18

Ou ava obzerv lafet dipen san lelven. Pandan set zour, dan moman fikse, dan mwan bann zepi, ou ava manz dipen san lelven, parey mon ti ordonn ou, akoz ti pandan mwan bann zepi ki ou ti sorti Lezip.

Egzod 13:4

Zot pe sorti ozordi, dan mwan Abib.

Levanzil dapre Lik 2:41

Toulezan, Zozef ek Mari ti annan labitid al Zerizalenm pour lafet Pak.

Akt de Zapot 12:3

Kan i ti war ki tousala ti fer plezir bann Zwif, i ti osi fer aret Pyer. Sa ti pas pandan lafet Dipen san lelven.

Egzod 12:2

Sa mwan, ava pour zot konmansman lannen. I ava pour zot premye parmi bann mwan dan lannen.

Egzod 22:29

Fodre pa gard avek ou lofrann fri oubyen rekolt ek prodwi ou plantasyon rezen. Ou ava donn mwan premye ne parmi ou bann garson.

1 Samyel 6:3

Zot ti dir, “Si zot fer retournen Kof Bondye Izrael, pa retourn li san rekonpans, omwen ofer en don. Konmsa, zot ava ganny gerizon e zot ava konnen akoz i'n kontinyen pini zot.”

Egzod 13:3

Moiz ti dir lepep: Mazin byen sa zour kan zot ti sorti Lezip, kot zot ti dan lesklavaz. Par lafors son lanmen ki SENYER ti fer zot sorti Lezip. Zot pa devre manz okenn dipen avek lelven.

Mise 6:6

Avek kwa mon pou prezant devan SENYER, kan mon pou ador Bondye ki lao dan lesyel? Eski mon devre ofer li sakrifis konplet, avek zenn toro enn an?