Egzod 23:13 - Labib An Kreol Seselwa

¹³ Ekout byen tou sa ki mon'n dir zot. Pa zanmen envok non okenn lezot bondye; pa ni menm mansyonn zot non.

Egzod 23:13 Referans Kwoze

Zozye 23:7

Pa bezwen al melanz zot avek sa bann nasyon ki ankor reste obor zot. Zot pa pou servi non zot bann bondye e zot pa pou fer serman lo zot non; zot pa pou servi sa bann bondye, e zot pa pou prosternen devan zot.

1 Timote 4:16

Vey byen lo ou fason viv e fer atansyon ou lansennyman. Kontinyen persevere. Annefe, si ou azir konmsa, ou ava sov ou lekor ek tou bann ki ekout ou.

Zakari 13:2

La sa ki SENYER liniver i deklare: Mon pou debaras pei avek non bann zidol e personn pa pou mazin zot ankor. Mon pou osi debaras pei avek bann profet ek zot lanvi enpir.

Deterononm 4:9

Selman, fer atansyon! Vey byen lo ou menm tou le zour ou lavi, pour ki ou pa oubliy sa ki ou lizye in war; gard zot dan ou leker. Ansenny tousala ou bann zanfan ek ou bann pti zanfan.

Oze 2:17

Mon pou fer disparet non Baal dan son labous. Zot pa pou mansyonn sa non ankor.

Deterononm 12:3

Kas zot bann lotel, kraz zot bann ros sakre, bril bann poto sakre Asera, kas bann stati zot bann bondye. Konmsa, zot ava fer disparet non sa bann bondye dan tou sa bann landrwa.

Ebre 12:15

Fer atansyon ki personn pa mepriz lagras Bondye. Pa les okenn rasin anmer pouse e koz problenm ki afekte kominote.

Efezyen 5:15

Alor, fer byen atansyon ki mannyer zot viv. Pa viv koman bann dimoun inyoran, me koman bann ki saz.

Zeremi 10:11

La sa ki ou ava dir sa bann nasyon: Sa bann bondye ki pa'n kre ni lesyel ni later pou ganny detri lo later e zot pou disparet anba lesyel.

Psonm 16:4

Dimoun ki swazir en lot bondye pou konn en kantite soufrans. Mon pa pou pran par dan zot bann sakrifis disan. Zot non pa pou sorti dan mon labous.

Zozye 23:11

Fer atansyon! Kontan SENYER, zot Bondye!

Zozye 22:5

Selman, fer sir zot obzerv tou bann komannman ek lalwa ki Moiz, serviter SENYER, zot Bondye in ordonn zot. Kontan SENYER, zot Bondye e fer tou sa ki i demann zot. Obei tou son bann komannman; atas avek li e servi li fidelman avek tou zot leker e avek lafors zot et antye.”

Efezyen 5:12

I vreman fer onte, menm pour koz lo sa bann keksoz, ki serten i fer an sekre.

Psonm 39:1

Mon ti dir: Mon pou vey mon konportman, pour mwan pa fer pese avek mon lalang. Mon pou met en bayon lo mon labous tan ki i annan malfeter devan mwan.

Deterononm 4:15

Sirtou, fer byen atansyon lo zot menm: Zour ki SENYER ti koz avek zot lo montanny Horeb dan milye dife, zot pa ti war son laform.

Nonm 32:38

Nebo e Baal-Meonn e Sibma. Zot ti donn nouvo non bann lavil ki zot ti konstri.

Egzod 23:24

Ou pa pou prostern devan zot bondye, ni ador zot, ni swiv zot bann pratik. O kontrer, ou ava detri zot konpletman e kas zot bann pilye sakre an pti morso.

Egzod 23:32

Ou pa pou fer okenn lalyans avek zot, ni avek zot bann bondye.

Deterononm 4:23

Alor, fer byen atansyon: Pa oubliy lalyans ki SENYER, zot Bondye ti fer avek zot. Pa fer okenn stati dan okenn laform ki SENYER, zot Bondye in defann zot.

Deterononm 6:1

La bann komannman, regleman ek lalwa ki SENYER, zot Bondye i ordonn mwan pour ansenny zot, e ki zot ava obzerv dan sa pei ki zot pe al traverse pour pran posesyon.