Egzod 23:11 - Labib An Kreol Seselwa

¹¹ Me setyenm lannen, ou ava les ou later repoze. Bann pov parmi ou pep ava kapab ganny dekwa manze, e bann zannimo sovaz ava manz sa ki zot kite. Ou ava fer parey avek ou bann plantasyon rezen ek ou bann plantasyon zoliv.

Egzod 23:11 Referans Kwoze

Levitik 25:22

Ler zot ava senm legren dan wityenm lannen, zot ava pe manz sa ki zot ti'n rekolte lannen avan. Zot ava manz vye rekolt ziska ki rekolt nevyenm lannen i arive.

Levitik 25:20

Zot ava petet demande: Ki nou pou manze pandan setyenm lannen si nou pa kapab senm okenn legren ni ranmas nou rekolt?

Egzod 23:10

Pandan 6 an, ou ava senmen lo ou later e ou ava rekolte son prodwi.

Egzod 23:12

Pandan sis zour ou ava fer ou travay. Me setyenm zour, ou devre repoze pour ki ou bef ek ou bourik i kapab repoze e ki zanfan ou bann lesklav ek bann etranze parmi zot ava kapab repoze.

Nonm 16:14

Ou pa'n anmenn nou dan en pei kot i koul dile ek dimyel. Ou pa'n donn nou an leritaz bann plantasyon legim, bann plantasyon rezen. Eski ou krwar ki sa bann zonm pa war kler? Non, nou pa pe vini.

Nehemi 10:31

pour pa aste okenn marsandiz oubyen legren ki bann zabitan sa pei ti anmennen pour vann zour saba, oubyen okenn lezot zour lafet. Nou pa pou fer okenn rekolt e nou pa pou egziz peyman okenn det tou le 7 an.

Deterononm 15:11

Akoz pou touzour annan dimoun ki dan bezwen lo sa later, alor, mon ordonn ou: Ouver ou lanmen anver ou prosen pov e anver sa enn ki dan bezwen dan ou pei.

Nehemi 10:32

Nou ti osi fikse en lareg konmkwa sak lannen, nou pou donn en pyes larzan kat granm pour servis tanp nou Bondye.