Egzod 22:22 - Labib An Kreol Seselwa

²² Ou pa devre maltret en vev, ni en orfelen.

Egzod 22:22 Referans Kwoze

Ezai 1:17

Aprann fer sa ki byen, rod lazistis, sov sa enn ki ganny kraze; defann bann orfelen, pran ka avek bann vev.

Deterononm 24:17

Ou pa pou priv en etranze ki reste kot ou oubyen en orfelen son drwa. Ou pa pou pran angaz lenz en vev.

Ezai 1:23

Ou bann sef in vin rebel; zot konplis avek voler. Zot tou zot kontan pran gous. Zot tou zot kontan kado. Zot pa defann bann orfelen. Zot pa ekout ka bann vev.

Let Zak 1:27

La sa ki Bondye Papa i konsider koman en relizyon pir e san defo: Pran swen bann orfelen ek bann vev dan zot detres; pa les ou ganny sali par salte sa monn.

Zakari 7:10

Pa eksplwat bann vev, bann orfelen, bann etranze oubyen bann pov. Pa mazin fer ditor kanmarad.

Ezekyel 22:7

Parmi zot, napa respe pour zot papa ek zot manman; bann etranze i ganny kraze avek lenzistis; bann orfelen ek bann vev i ganny eksplwate.

Ezai 10:2

Zot anpes dimoun ganny lazistis. Zot priv bann pov zot drwa. Zot vol bann vev e depouy bann orfelen!

Deterononm 27:19

Malediksyon lo sa enn ki priv en etranze, en orfelen e en vev zot drwa. Lepep ava dir: Amenn!

Deterononm 10:18

I defann drwa bann orfelen ek bann vev; i kontan bann etranze, i donn zot manze ek lenz.

Deterononm 24:18

Pa oubliye ki ou ti en lesklav Lezip e SENYER, ou Bondye ti delivre ou. Pour sa rezon, mon ordonn ou pour met sa komannman an pratik.

Liv Zob 31:16

Si mon'n refiz bann pov sa ki zot ti demande; si mon'n les bann vev dan dezespwar;

Proverb 23:10

Pa deplas bann vye taso balizaz; pa antre dan propriyete en orfelen,

Proverb 23:11

akoz son defanser i pwisan, i ava pled son ka kont ou.

Zeremi 7:6

Aret abiz lo febles bann etranze, bann orfelen, bann vev. Aret touy dimoun inosan dan sa pei. Aret tay deryer lezot bondye ki pou anmenn maler lo zot.

Zeremi 7:7

E mwan, mon ava les zot viv dan sa pei ki mon'n donn zot bann zanset depi touzour e pour touzour.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Deterononm 15:9

Fer atansyon ou pa gard dan ou leker bann move panse an dizan: Setyenm lannen, lannen pour efas bann det pe aprose. Pa get avek en move lizye ou prosen ki dan bezwen e refize donn li keksoz. Ou vwazen ava kriy ver SENYER kont ou e ou ava'n fer en pese.

Liv Zob 34:28

Alor, zot in pous bann pov pour kriy ver Bondye e i ti antann lapriyer sa bann malere.

Psonm 10:14

Me ou war tou sa ki pe pase: Ou war zot soufrans ek zot lapenn. Ou fer sir ki tou i dan ou lanmen. Malere i met son konfyans dan ou e se ou ki vin osekour bann orfelen.

Psonm 34:7

Lanz SENYER i kanp otour sa bann ki annan respe pour SENYER. I delivre zot dan tou danze.

Proverb 22:23

SENYER ava pled pour zot e pran lavi sa bann ki'n pran tou avek zot.

Matye 23:14

Maler lo zot bann profeser Lalwa ek bann Farizyen! Bann ipokrit! Zot eksplwat bann vev e pran posesyon zot lakaz. Anmenmtan, zot fer long lapriyer pour zot paret bon. Zot kondannasyon pou pli sever.