Egzod 20:23 - Labib An Kreol Seselwa

²³ Zot pa pou fer okenn bondye annarzan oubyen annor. Zot pa pou ador bann bondye apard mwan.

Egzod 20:23 Referans Kwoze

Ezekyel 20:39

La sa ki Senyer BONDYE i deklare: Pep Izrael, sakenn parmi zot, zot kapab al ador zot zidol; apre, zot ava oblize obei mwan. Zot pou nepli profann mon non sen e ofer lofrann devan zot bann zidol.

Sofoni 1:5

Mon pou fer disparet bann ki mont lo twa zot lakaz pour ador bann zetwal; bann ki prostern devan mwan, me ki anmenmtan pe pret serman lo non Molek.

2 Rwa 17:33

Alor, zot ti ador SENYER, me anmenmtan zot ti ador zot bann prop bondye, dapre koutim bann nasyon kot zot sorti.

Revelasyon 22:15

Me deor i annan tou bann dimoun degoutan, bann sorsye, bann prostitye, bann kriminel, tou bann adorater zidol, ek tou bann ki kontan e pratik mansonz!

Egzod 32:31

Moiz ti retourn kot SENYER. I ti dir, “SENYER! Ou pep in komet en pese grav. Zot in fer en bondye annor pour zot.

Danyel 5:23

Ou'n met ou kont SENYER lesyel. Ou'n fer anmenn bann istansil son tanp devan ou. Ou avek ou bann zofisye rwayal, ou bann fanm ek ou bann menazer, zot in bwar diven ladan. Ou'n loue bann bondye annarzan e annor, an bronz e an fer, an bwa e an ros, ki pa ni war kler, ni tande e ki napa konnesans. Ou pa'n rann glwar sa Bondye ki tenir ou lavi e ki kontrol tou ou bann aksyon dan son lanmen.

Danyel 5:4

Zot ti bwar diven e loue bann bondye annor e annarzan, an bronz e an fer, an bwa e an ros.

Ezekyel 43:8

Bann lerwa in plas lantre zot pale akote montan laport mon tanp. I annan en sel miray ki separ zot lale avek mon tanp. Zot in rann enpir mon non sakre par zot bann aksyon degoutan ki zot in komet. Pour sa rezon, dan mon lakoler mon'n detri zot.

2 Rwa 17:41

Alor, sa bann nasyon ti ador SENYER e anmenmtan zot ti ador zot bann stati. Ziska ozordi, zot bann zanfan ek tou zot desandans, pe kontinyen fer parey zot zanset ti fer.

Egzod 34:17

Ou pa devre fonn metal pour fabrik okenn bondye.

Levitik 19:4

Pa tourn ver bann fo bondye, ni fonn metal pour fabrik bann stati. Mwan menm SENYER zot Bondye.

Deterononm 27:15

Malediksyon lo sa enn ki fabrik en zidol oubyen ki fer en stati. Sa travay ki en artizan in fer, ki'n ganny plase dan en landrwa sekre, i en lobze degoutan devan SENYER. Lepep ava reponn: Amenn!

Deterononm 29:17

Zot in war zot bann lobze degoutan, zot bann stati an bwa, an ros, annarzan, annor.

Ziz 17:3

I ti rann son manman sa 1,100 pyes larzan. Son manman ti dir, “Mon pou donn sa larzan SENYER dan lentansyon mon garson, pour fer en stati an metal. Mon pou rann ou sa larzan.”