Egzod 20:17 - Labib An Kreol Seselwa

¹⁷ Ou pa pou anvi lakaz ou prosen; ou pa pou anvi fanm ou prosen, ni son serviter, ni son servant, ni son bef, ni son bourik, ni okenn keksoz ki pour ou prosen.

Egzod 20:17 Referans Kwoze

Romen 13:9

Komannman ki dir: Pa komet adilter, pa fer krim, pa vole, pa anvi keksoz ou prosen. Tousala ek lezot ankor, i enkli dan sa sel komannman: Kontan ou prosen parey ou prop lekor.

Levanzil dapre Lik 12:15

Alor i ti dir zot, “Fer atansyon lanmour pour larises, akoz lavi en zonm pa depann zis lo son larises.”

Ebre 13:5

Pa les lanmour pour larzan domin zot lavi. Me kontant zot avek sa ki zot annan, akoz Bondye li menm ti dir: Mon pa pou zanmen negliz ou, mon pa pou zanmen abandonn ou.

Kolosyen 3:5

Alor, met anmor bann dezir materyel ki dan zot: Limoralite seksyel, lenpirte, pasyon, move dezir, lavaris (lavaris se idolatri).

Efezyen 5:5

Zot devre konnen ki napa personn ki pe anmenn en lavi imoral, sal, e avar (lavaris se idolatri) ki pou ganny en plas dan Rwayonm Kris ek Bondye.

Romen 7:7

Ki nou pou dir alor? Eski Lalwa dan li menm i pese? Sertennman non! Me par Lalwa, mon'n konnen kisisa pese. Mon pa ti pou konnen kisisa dezir si Lalwa pa ti dir mwan: Pa annan move dezir.

Efezyen 5:3

Zot fer parti pep Bondye. Par konsekan, veye ki tou form imoralite seksyel, lavi dezordonnen ek lanvi, pa menm ganny mansyonnen parmi zot.

Matye 5:28

Me mwan mon dir zot: En dimoun ki get en fanm avek lanvi, i'n deza komet adilter avek li dan son leker.

1 Korentyen 6:10

voler, dimoun anvye, soular, dimoun ki kalonmnye, dimoun ki akapar sa ki pour son prosen, pa pou erit Rwayonm Bondye.

Habakouk 2:9

Maler lo sa enn ki fer profi malonnet pour son fanmir. I permet li plas son nik lao dan oter, pour ki maler pa tous li.

Mise 2:2

Kan zot anvi bann plantasyon, zot pran. Si zot anvi bann lakaz, zot sezi. Zot fer mizer en dimoun ek son fanmir e zot akapar son posesyon.

Zeremi 5:8

Zot ti parey bann seval byen gra, en saler! Sakenn pe renifle son dezir pour fanm son prosen.

Liv Zob 31:9

Si mon'n les mon leker ganny atire par en fanm, si mon'n get deryer laport mon prosen,

Akt de Zapot 20:33

Mon pa'n zanmen anvi ni larzan, ni lor, ni lenz personn.

Akt de Zapot 5:4

Avan ki ou ti vann li, sa propriyete ti pour ou, e apre ki ou ti'n vann li, larzan ki ou ti'n gannyen ti pour ou. Akoz alor, ki ou'n deside dan ou leker pour fer en tel aksyon? Pa avek zonm ki ou'n manti, me avek Bondye.”

Levanzil dapre Lik 16:14

Bann Farizyen ki ti kontan larzan, ti gognard Zezi kan zot ti antann tousala.

Matye 20:15

Eski mon napa drwa fer sa ki mon oule avek mon prop larzan? Oubyen, eski ou zalou, akoz mon bon?”

Ezekyel 33:31

Alor, mon pep pou rasanble e asiz devan ou. Zot pou ekout ou, me zot pa pou fer sa ki ou dir zot. Zot pou fer sa ki fer zot plezir e sa ki dan zot prop lentere.

Zeremi 22:17

Me ou, ou pe rod zis ou profi personnel. Ou fer touy sa enn ki inosan, ou kraz dimoun avek britalite.

Ezai 57:17

Mon ti ankoler akoz zot ti tro anvye. Alor, mon'n frap zot e mon'n kasyet anba mon lakoler. Me zot ti kontinyen swiv zot move semen dan revolt.

Ezai 33:15

Sa ki mars drwat e ki dir laverite, ki refiz bann lavantaz ki i'n gannyen par lafors, ki refiz pran gous, ki bous son zorey pour li pa ekout proze kriminel e ki ferm son lizye pour li pa war mesanste.

Eklezyas 4:8

En zonm i tousel; i napa ni zanfan, ni frer, me i travay san pozman. Son lizye pa zanmen fatige war larises. Alor, pour ki i pe travay e pe priv son lekor? Sa i vanite e en move sityasyon pour viv ladan.

Proverb 4:23

Sirtou, vey lo ou leker, akoz i sours lavi.

Psonm 119:36

Donn mwan sa dezir swiv ou bann lord e non pa rod mon prop lentere.

Psonm 10:3

I vant son lekor akoz son bann move dezir. Akoz in reisi, i gognard SENYER e mepriz li.

Liv Zob 31:1

Mon ti'n fer en promes avek mon lizye: Pour pa regard en zenn fiy avek dezir.

1 Samyel 15:19

Akoz ou pa'n ekout lavwa SENYER? Akoz ou'n bezwen tonm lo bann piyaz lager e fer sa ki depler SENYER?”

Zozye 7:21

Mon ti war parmi bann piyaz lager, en manto sorti Sinear, de kilo larzan ek en lengo lor ki ti pez en demi kilo, mon ti anvi; alor, mon'n pran. Mon'n anter dan mon latant; larzan i dan fon.”

Zenez 3:6

Sa fanm ti war ki fri sa pye dibwa ti zoli e bon pour manze. I ti donn li lanvi manze pour li ganny konnesans. I ti pran enn e i ti manze. I ti donn osi en morso son mari ki ti obor li, e i ti manze.

Filipyen 3:19

Zot pe al ver zot prop pert. Zot vant i zot bondye; zot fyer pour sa ki ti devre fer zot onte; zot mazin zis bann keksoz materyel.

Zenez 34:23

Eski tou zot bef, zot propriyete ek zot zannimo pa pou vin pour nou? Annou alor dakor avek zot e zot ava reste avek nou.”

Zenez 14:23

Mon pa pou pran ni en bren difil, ni en baret sandal, ni nanryen ki pour ou. Konmsa, ou pa pou kapab dir: Mwan ki'n fer Abranm ris.

Deterononm 5:21

Ou pa pou anvi fanm ou prosen, ni anvi lakaz ou prosen, ni son later, ni son lesklav, ni son bef, ni son bourik, ni okenn lobze ki pour ou prosen.

Deterononm 7:25

Ou ava bril zot bann stati ek zot bann bondye. Pa les ou ganny tante par larzan oubyen lor ki kouver zot, akoz zot kapab vin en pyez pour ou; zot degoutan devan SENYER, ou Bondye.

1 Samyel 12:3

La mon la. Akiz mwan devan SENYER e devan sa enn ki'n resevwar son lonksyon. Lekel ki mon'n pran son bef? Lekel ki mon'n pran son bourik? Lekel ki mon'n eksplwate? Lekel ki mon'n fer dimal? Lekel ki mon'n kraze? Avek lekel ki mon'n deza pran gous pour ferm mon lizye lo sa ki i'n fer. Dir mwan, e mon ava rann zot sa ki pour zot.”

Proverb 6:29

Sa i parey pour sa enn ki dormi avek fanm son prosen; sa enn ki tous li pour pey konsekans.