Maryaz i devre ganny onore par tou dimoun. Mari ek fanm i devre reste fidel anver kanmarad. Bondye pou ziz bann ki anmenn en lavi dezordonnen e adilter.
Komannman ki dir: Pa komet adilter, pa fer krim, pa vole, pa anvi keksoz ou prosen. Tousala ek lezot ankor, i enkli dan sa sel komannman: Kontan ou prosen parey ou prop lekor.
Me pour bann las, bann enfidel, bann dimoun degoutan, bann kriminel, bann prostitye, bann sorsye, bann adorater zidol, ek tou bann manter, zot plas pou dan lak dife ek souf. Sa i dezyenm lanmor.
Kan dey ti'n fini, David ti anvoy sers li e anmenn li dan son lakaz. I ti vin son fanm, e i ti ganny en garson pour li. Sa ki David ti'n fer, pa ti fer plezir SENYER.
Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.
Bondye pa i'n fer zot en sel lekor e donn zot sa menm souf lavi? Son sel dezir se ki zot ganny zanfan ki vin vreman pep Bondye. Alor, fer atansyon ki personn pa kas promes fidelite ki i'n fer avek son fanm dan son zenes.
Dan sa lakaz, i pa pli gran ki mwan. I'n konfye mwan tou eksepte ou, akoz ou son fanm. Ki mannyer eski mon pou kapab fer en keksoz osi mal e komet en pese kont Bondye?”
