Egzod 20:13 - Labib An Kreol Seselwa

¹³ Ou pa pou komet okenn mert.

Egzod 20:13 Referans Kwoze

Romen 13:9

Komannman ki dir: Pa komet adilter, pa fer krim, pa vole, pa anvi keksoz ou prosen. Tousala ek lezot ankor, i enkli dan sa sel komannman: Kontan ou prosen parey ou prop lekor.

Deterononm 5:17

Ou pa pou komet okenn krim.

Egzod 21:14

Me si dan lakoler, en zonm i atak en lot par riz e i touy li, ou ava aret li, menm akote mon lotel pour li ganny touye.

Let Zak 2:11

Annefe, sa enn ki'n dir: Pa komet adilter, i'n osi dir: Pa komet okenn krim. Si ou pa komet adilter, me ou komet en krim, ou dezobei Lalwa.

Matye 19:18

Sa zonm ti demande, “Lekel komannman?” Zezi ti reponn, “Pa fer krim; pa komet adilter; pa fer fo lakizasyon; pa vole;

Levitik 24:21

Sa enn ki touy en zannimo ava ranplas li. Me sa enn ki touy en et imen ava li osi ganny touye.

Egzod 21:20

Si en zonm i tap son lesklav, zonm oubyen fanm, avek en baton e touy li, i ava ganny vanze.

Let Zak 2:13

Annefe, Bondye pou san pitye kan i pou ziz sa enn ki pa'n pran pitye pour lezot. Me sa enn ki annan pitye, napa nanryen pour li per zizman.

1 Timote 1:9

Annou rapel an partikilye ki Lalwa pa'n fer pour bann ki zis, me pour bann malfeter ek bann rebel; pour bann dimoun mesan ek bann peser; pour bann ki napa respe pour Bondye, ni pour sa ki sen; pour bann ki touy zot manman oubyen zot papa; pour bann kriminel;

Ezai 26:21

La SENYER pe sorti kot i ete pour li pini bann zabitan later pour zot bann forfe. Later ava les war disan ki'n koule; i pou nepli kasyet son bann viktim.

Galat 5:21

groker, parti bwar ek manze, ek lezot aksyon parey ankor. Mon averti zot parey mon'n deza fer li: Bann ki pratik sa bann keksoz parey, pa pou erit Rwayonm Bondye.

Proverb 1:18

Me sa bann zans i poz en latrap pour zot prop maler; zot zet en lasenn kont zot prop lavi.

Proverb 1:11

Si zot dir ou: Vin avek nou, annou al kasyet pour fer disan koule; annou atak bann inosan dan sekre.

Akt de Zapot 28:4

Kan bann zabitan ti war sa serpan anpandan avek son lanmen, zot ti dir, “Sirman sa zonm i en kriminel. Menm si i'n sap lanmer, lazistis Bondye pa'n permet li viv.”

Zeremi 26:15

Me en keksoz i sir: Si zot touy mwan, zot, ansanm avek lepep, zot pou responsab lanmor en zonm inosan, akoz SENYER in vreman anvoy mwan pour dir zot sa bann parol.”

2 Kronik 24:22

Lerwa Zoas ti oubliy bonte Yoyada, papa Zakari anver li. I ti touy son garson ki, an mouran ti dir: SENYER pou fer ou rann kont pour sa.

2 Rwa 21:16

Manase ti osi fer koule bokou disan inosan ziska ki i ti ranpli Zerizalenm antye, san kont bann pese ki i ti fer Zida komet. Annefe, i ti pous pep Izrael fer sa ki mal devan SENYER.

Egzod 21:29

Me si sa toro ti annan labitid donn koudkorn, e ki son met ti'n ganny averti, me i pa'n pran prekosyon; si sa toro i touy en zonm oubyen en fanm, i ava ganny saboule avek ros; son propriyeter osi ava ganny touye.

Mark 10:19

Ou konn bann komannman: Pa fer krim, pa komet adilter, pa vole, pa donn fo temwannyaz, pa fer ditor personn, annan respe pour ou papa ek ou manman.”

Levanzil dapre Lik 18:20

Ou konn bann komannman: Pa komet adilter, pa fer krim, pa vole, pa vin donn fo temwannyaz, respekte ou papa ek ou manman.”

Egzod 21:12

Sa enn ki tap en zonm e touy li, i devre ganny touye.

Egzod 23:7

Pa vin konplis dan mansonz; pa touy en dimoun inosan, oubyen sa enn ki annan rezon, akoz mon pa pou soutir en koupab.

Levitik 24:17

En dimoun ki touy en et imen ava li osi ganny touye.

Akt de Zapot 16:28

Me Pol ti kriye avek tou son lafors, “Pa bezwen fer ou okenn dimal. Nou tou nou la.”