Egzod 18:16 - Labib An Kreol Seselwa

¹⁶ Kan zot annan en dispit, zot vin kot mwan pour rezoud. Mon ziz sa zafer ant sa de parti, e mon fer konn bann regleman Bondye ek son bann lalwa.”

Egzod 18:16 Referans Kwoze

Egzod 24:14

I ti'n dir avek bann ansyen: Esper nou isi ziska ki nou retournen. Aaron ek Hour ava reste avek zot. Si okenn parmi zot i annan en problenm pour regle, al war zot.

1 Korentyen 6:1

Kan enn parmi zot i annan problenm avek en frer, konman i oze al rod lazistis devan bann non-Zwif, olye demann avek bann manm dan kominote?

2 Samyel 15:3

Absalon ti dir li, “Ou zafer i bon, e ou dan ou drwa, me personn kot lerwa pa pou ekout ou.”

Deterononm 5:1

Moiz ti rasanble pep Izrael antye. I ti dir zot: Izrael! Ekout bann lalwa ek regleman ki mon pe donn zot ozordi. Aprann zot e fer sir ki zot ganny met an pratik.

Deterononm 4:5

Gete! Parey SENYER mon Bondye in ordonn mwan, mon'n ansenny zot bann regleman ek bann lalwa, pour ki zot obzerv zot dan pei kot zot pe ale pour pran posesyon.

Matye 28:20

Ansenny zot pour obei tou sa ki mon'n komann zot. Pa oubliye: Mwan, mon pou avek zot tou le zour, ziska lafen lemonn.”

Liv Zob 31:13

Si mon ti rezet drwa mon bann travayer ler zot ti met en konplent kont mwan,

1 Samyel 12:23

Mon pa pou zanmen aret priy SENYER pour zot e fer pese kont li. Mon pou ansenny zot semen ki bon e drwat.

Deterononm 6:1

La bann komannman, regleman ek lalwa ki SENYER, zot Bondye i ordonn mwan pour ansenny zot, e ki zot ava obzerv dan sa pei ki zot pe al traverse pour pran posesyon.

Nonm 15:35

SENYER ti dir Moiz: Sa zonm devret ganny met anmor e kominote antye ava saboul li avek ros an deor kan.

Levitik 24:15

Ou ava dir bann Izraelit: Sa enn ki ensilte son Bondye ava responsab son pese.

Egzod 23:7

Pa vin konplis dan mansonz; pa touy en dimoun inosan, oubyen sa enn ki annan rezon, akoz mon pa pou soutir en koupab.

Egzod 2:13

Son lannmen, i ti sorti ankor e i ti war de Ebre ki ti pe lager. I ti dir avek sa zonm ki ti annan tor, “Akoz ou bat ou frer?”

Egzod 18:17

Boper Moiz ti dir li, “Ou fason fer, pa bon.

2 Kronik 19:10

Kan en ka i ganny anmenn devan ou, par enn ou frer, sorti dan son lavil konsernan en krim oubyen laplikasyon lalwa, komannman, regleman, ou koutim, ou ava averti li pour pa rann ou koupab devan SENYER. SENYER pa pou pran lakoler kont ou, ni kont ou frer.