Egzod 16:7 - Labib An Kreol Seselwa

⁷ e demen bomaten, zot pou war laglwar SENYER, akoz in antann zot pe mirmire kont li. Ki nou ete, pour zot mirmire kont nou?”

Egzod 16:7 Referans Kwoze

Ezai 40:5

Alor, laglwar SENYER ava ganny devwale; tou bann pep ava war. SENYER in dir par son prop labous.

Nonm 16:11

Pour sa rezon, ou ek ou group ki avek ou, zot pe revolte kont SENYER. Ki zot annan pour zot revolte kont Aaron?”

Levanzil dapre Zan 11:40

Zezi ti dir li, “Pa mon'n dir ou, si ou krwar, ou pou war laglwar Bondye?”

Levanzil dapre Zan 11:4

Kan Zezi ti antann sa, i ti dir, “Sa maladi pa pou anmenn lanmor. I ava servi pour laglwar Bondye: I ava servi pour montre mazeste Garson Bondye.”

Ezai 35:2

I pou kouver avek fler. I pou sote, i pou sante e kriye avek lazwa. I pou ganny laglwar Liban ek labote montanny Karmel ek laplenn Saronn. Zot pou war laglwar SENYER, labote e grander nou Bondye.

Egzod 40:34

Alor, en nyaz ti vin kouver Latant Rankont e laglwar SENYER ti ranpli sanktyer.

Egzod 16:10

Pandan ki Aaron ti pe koz avek pep Izrael antye, zot ti get ver dezer e zot ti war laglwar SENYER aparet dan nyaz.

Nonm 16:42

Apre ki zot ti'n rasanble kont Moiz ek Aaron, ler zot ti tourn zot ver Latant Rankont SENYER, nyaz ti desann e kouver latant e laglwar SENYER ti aparet.

Nonm 14:10

Kominote Izrael ti pe menase pour saboul zot avek ros, me en sel kou, laglwar SENYER ti aparet kot Latant, devan pep Izrael.

Nonm 14:27

Pour konbyen letan ankor mon pou siport konplent sa move kominote? Mon'n antann bann Izraelit pe proteste kont mwan.

Egzod 24:16

Lalimyer prezans SENYER ti reste lo montanny Sinai. En nyaz ti kouver montanny pandan sis zour. Setyenm zour, Bondye ti apel Moiz dan milye nyaz.

Egzod 24:10

Zot ti war Bondye Izrael. Anba son lipye ti annan keksoz ki ti resanble en pave an safir, kouler ble e kler parey lesyel.

Levitik 9:6

Moiz ti dir, “La sa ki SENYER in ordonnen pour fer, pour ki laglwar SENYER i aparet avek zot.”

Egzod 16:12

“Mon'n antann bann Izraelit mirmire. Dir zot: Soley kouse, zot pou manz lavyann e demen bomaten, zot pou rasazye dipen. Alor, zot ava konnen ki mwan menm SENYER zot Bondye.”

Egzod 16:8

Moiz ti dir, “SENYER pou donn zot lavyann pour manze tanto e demen bomaten i pou donn zot dipen, akoz i'n antann zot mirmire kont li. Pa kont nou ki zot pe konplent e mirmire, me kont SENYER.”

Nonm 17:5

Sa zonm ki mon pou swazir, son baton pou fleri. Konmsa, mon ava fer ansort ki pep Izrael ava aret konplent kont ou.