Egzod 16:23 - Labib An Kreol Seselwa

²³ ki ti dir zot, “SENYER in donn lord: Demen i saba, en zour repo konsakre pour SENYER. Zot ava kwi sa ki fodre kwi e bwi sa ki fodre bwi. Tou sa ki reste, gard li pour lannmen bomaten.”

Egzod 16:23 Referans Kwoze

Levitik 23:3

Zot ava travay pandan sis zour. Me setyenm zour i saba, en zour repo konplet, en rasanbleman sakre. Zot pa pou travay sa zour; i en saba an loner SENYER partou kot zot ava pe reste.

Egzod 31:15

Pandan sis zour zot ava travay; me setyenm zour i saba, konsakre pour SENYER. Sa enn ki travay zour saba ava ganny touye.

Levanzil dapre Lik 23:56

Alor, zot ti retourn se zot e zot ti prepar bann aromat ek parfen. Zour saba, zot ti repoze, parey lalwa i ordonnen.

Egzod 23:12

Pandan sis zour ou ava fer ou travay. Me setyenm zour, ou devre repoze pour ki ou bef ek ou bourik i kapab repoze e ki zanfan ou bann lesklav ek bann etranze parmi zot ava kapab repoze.

Revelasyon 1:10

Zour Senyer, mon ti ganny sezi par Lespri. Mon ti antann en lavwa for deryer mwan parey son en tronpet,

Nonm 11:8

Lepep ti sorti pour al ranmase; i ti ganny moule e kraze dan pilon. Zot ti kwi e fer gato avek. Son gou ti parey gato ki'n kwi avek delwil doliv.

Egzod 16:19

Moiz ti dir zot, “Fodre pa ki personn i gard lamann ziska bomaten.”

Deterononm 5:12

Ou ava obzerv zour saba e gard li sakre, parey SENYER, ou Bondye ti ordonn ou.

Nehemi 9:13

Ou ti osi desann lo montanny Sinai. Depi lesyel, ou ti koz avek zot; ou ti donn zot bann regleman drwat, bann lalwa vre, bann lalwa ek bann komannman parfe.

Nehemi 9:14

Ou'n fer zot konn ou saba sakre e par lentermedyer Moiz, ou serviter, ou'n ansenny zot ou bann komannman, regleman ek lalwa.

Zeremi 17:22

Zot pa devre zour saba, sorti avek okenn pake. Zot pa devre fer okenn travay zour saba; zot devre rezerv sa zour zis pour mwan, akoz i en zour sakre, parey mon ti ordonn zot zanset.

Nonm 11:7

Lamann ti parey lagrenn koriyann, ki ti kouler blan tire lo zonn.