Egzod 16:15 - Labib An Kreol Seselwa

¹⁵ Pep Izrael ti gete e zot ti dir antre zot, “Kisisa sa?” Annefe, zot pa ti konnen kwa sa. Moiz ti dir zot, “Sanmenm dipen ki SENYER in donn zot pour manze.

Egzod 16:15 Referans Kwoze

Egzod 16:4

SENYER ti dir Moiz, “Mon pou fer dipen tonbe sorti dan lesyel pour zot. Tou le zour, lepep ava sorti e ranmas kantite neseser pour sak zour. Konmsa, mon pou teste zot pour war si zot pe obeir mon lalwa ou non.

Levanzil dapre Zan 6:58

Alor, la dipen ki'n desann sorti dan lesyel. I pa parey dipen ki zot zanset in manze e zot in mor apre. Sa enn ki manz sa dipen, ava viv pour touzour.”

Egzod 16:31

Pep Izrael ti apel sa manze lamann. I ti parey lagrenn koriyann; i ti blan e i ti annan gou biskwi fer avek dimyel.

Deterononm 8:3

In imilye ou; in fer ou konn lafen pour li apre nouri ou avek lamann ki ni ou, ni ou bann zanset pa ti konnen. I ti fer sa pour ou konpran ki zonm pa viv zis lo dipen, me lo tou parol ki sorti dan labous SENYER.

1 Korentyen 10:3

Zot tou, zot ti manz menm nouritir spirityel;

Nehemi 9:20

Dan ou bonte, ou ti donn zot ou lespri pour ansenny zot. Ou pa ti refize fourni zot lamann pour manze; ou ti donn zot delo kan zot ti swaf.

Nehemi 9:15

Kan zot ti lafen, ou ti donn zot dipen sorti dan lesyel; kan zot ti swaf, ou ti fer delo sorti dan ros, e ou ti dir zot al pran posesyon sa pei ki ou ti fer serman, pour donn zot.

Zozye 5:12

Lannmen ki zot ti manz bann prodwi pei, lamann ti aret tonbe. Bann Izraelit ti nepli ganny lamann. Sa menm lannen, zot ti manz bann prodwi Kanaan.

Levanzil dapre Zan 6:49

Zot zanset ti manz lamann dan dezer, me zot in mor.

Deterononm 8:16

Dan dezer ki ou bann zanset pa ti konnen, i ti donn ou lamann pour manze, pour li imilye ou e teste ou, e alafen, pour ou prop dibyen.

Nonm 21:5

Zot ti koz kont Bondye e kont Moiz: Akoz ou'n fer nou sorti Lezip pour nou vin mor dan dezer? Isi napa ni delo ni manze; nou'n degout sa kalite manze mizer.

Egzod 16:33

Moiz ti dir Aaron, “Pran en po e met de lit lamann ladan. Plas li devan SENYER pour prezerv li atraver bann zenerasyon.”

Revelasyon 2:17

Sa enn ki annan zorey! Ekout sa ki Lespri i dir avek bann Legliz. Sa bann ki ranport laviktwar, mon pou donn zot lamann ki'n ganny kasyet. E mon pou donn sakenn zot en pti ros blan. Lo sa ros, in ganny ekri en nouvo non ki personn pa konnen, eksepte sa enn ki resevwar sa non.

Ebre 9:4

La, ti annan lotel annor kot ti bril lansan, ek Kof lalyans ki ti kouver antye avek lor. Ladan, ti annan en resipyan annor kot ti annan lamann, baton Aaron ki ti'n fleri, ek sa de plak ros kot lalyans in grave.

Levanzil dapre Lik 12:30

Bann nasyon dan lemonn ki kontinyen rod tousala. Me zot, zot Papa i konnen kwa ki zot bezwen.

Proverb 9:5

Vin manz mon dipen; vin bwar diven ki mon'n prepare.

Psonm 78:24

I ti fer tonbe lamann depi lesyel. I ti donn zot dipen sorti dan lesyel pour nouri zot.

Psonm 105:40

Zot ti demann manze, e zot ti ganny zwazo; manze sorti dan lesyel ti annabondans.