Egzod 15:17 - Labib An Kreol Seselwa

¹⁷ Ou pou anmenn zot e etabli zot lo montanny ou posesyon, en landrwa ki ou'n prepare pour ou reste, SENYER, dan sa sanktyer ki ou lanmen in prepare, SENYER.

Egzod 15:17 Referans Kwoze

Psonm 44:2

Avek ou lafors, ou ti sas bann nasyon pour etabli nou zanset. Ou'n kraz bann nasyon pour fer ou pep grandi.

Psonm 80:8

Ou'n pran en plan rezen Lezip. Ou'n sas son bann zabitan e ou'n replant li.

Zeremi 32:41

Mon pou pran plezir fer zot dibyen. Mon pou met tou mon leker e mon et antye pour ki zot enstal zot definitivman dan sa pei.

Zeremi 31:23

La sa ki SENYER liniver, Bondye Izrael i deklare: Kan mon ava'n fini retabli lepep koman i ti ete avan dan pei Zida e dan son bann lavil, zot pou rekonmans dir sa bann parol: Kolin sakre kot lazistis i reste! SENYER ava beni ou.

Zeremi 2:21

Pourtan, mon ti'n plant ou koman en pye rezen bon kalite, en plant bon kalite e sir. Ki mannyer ou'n dezenere pour vin en pye rezen sovaz ki son bann fri i eg?

Egzod 15:13

Dan ou fidelite, ou ti kondwir sa pep ki ou ti sove. Par ou lafors, ou ti gid zot ver ou demer sen.

Egzod 23:20

Mon pe anvoy en lanz devan ou, pour li gard ou lo semen e pour li anmenn ou dan sa landrwa ki mon'n prepare pour ou.

Egzod 32:34

Aprezan, ale! Al diriz mon pep dan sa landrwa ki mon'n dir ou. Mon lanz pour al par devan. Me zour mon pou entervenir, mon pou pini zot pour zot pese.”

Deterononm 33:19

Zot pou konvok bann pep lo montanny. La, zot ofer bann sakrifis parey lalwa i demande, akoz zot eksplwat labondans lanmer ek bann trezor ki kasyet dan disab.

2 Samyel 7:10

Mon pou swazir en landrwa pour mon pep Izrael e etabli zot pour ki zot ganny en pei pour zot menm, san ki zot kontinyen ganny deranze. Bann malfeter pa pou rekonmans kraz zot parey avan.

1 Rwa 8:13

Mon'n konstri en gran rezidans pour ou, en landrwa kot ou ava reste pour touzour!

Psonm 2:6

Mwan ki'n etabli mon lerwa lo Siyon, mon montanny sen.

Psonm 68:16

Akoz sa montanny ki annan en kantite latet i zalou montanny kot Bondye i'n swazi pour li reste, la kot SENYER pou reste pour touzour?

Psonm 76:2

In etabli son latant dan Zerizalenm. Son demer i dan Siyon.

Psonm 80:15

Protez sa plantasyon rezen ki ou'n plante, sa zenn garson ki ou'n fer grandi.

Psonm 114:2

Zida ti vin sanktyer Bondye, Izrael son propriyete.

Egzod 25:8

Zot ava konstri en sanktyer pour mwan, e mon ava reste parmi zot.

Zozye 22:19

Alor, si zot teritwar i enpir, travers dan pei ki propriyete SENYER, la kot sanktyer SENYER in ganny etabli, e vin propriyeter parmi nou. Me pa revolte kont SENYER, pa revolte kont nou osi, pour konstri en lot lotel akote lotel SENYER, nou Bondye.

Ezekyel 37:26

Mon pou fer en lalyans lape avek zot. Sa i en lalyans ki pou reste pour touzour. Mon pou beni zot la e fer zot vin nonbre. Mon pou etabli mon sanktyer parmi zot pour touzour.

Ezekyel 37:28

Kan mon ava'n plas mon sanktyer parmi zot pour touzour, bann nasyon ava konnen ki mwan menm SENYER; mon'n konsakre Izrael pour mon servis.