Egzod 15:15 - Labib An Kreol Seselwa

¹⁵ Bann sef Edonm i boulverse. Bann dirizan Moab i tranble. Tou zabitan Kanaan in perdi kouraz.

Egzod 15:15 Referans Kwoze

Zozye 5:1

Kan tou bann lerwa Amorit ki ti reste dan Was, lot kote larivyer Zourden, ek tou bann lerwa Kananeen ki ti reste lo bor lanmer Mediterane ti'n tande ki SENYER ti'n fer sek delo larivyer Zourden, ziska ki bann Izraelit ti'n fini traverse, zot ti per e perdi kouraz devan pep Izrael.

Zozye 2:11

De ki nou ti aprann sa nouvel, nou ti perdi kouraz, nou lebra ti tonbe akoz zot. Annefe, SENYER, zot Bondye i sa Bondye lao dan lesyel, e anba lo later.

Zozye 2:9

I ti dir zot, “Mon konnen ki SENYER in donn zot sa pei, e lafreyer in tonm lo nou, e tou zabitan sa pei pe tranble devan zot.

Deterononm 2:4

Donn lepep sa lord: Zot pou pas pre avek teritwar desandan zot frer Ezai ki reste Seir. Sa bann zans pou per zot. Alor, fer byen atansyon.

Zenez 36:40

La non bann sef dan desandans Ezai, dapre zot fanmir ek zot pei: Timna, Alva, Yetet,

Habakouk 3:7

Mon war bann latant Kousann ki'n aplati, pep Madyanit pe tranble avek lafreyer.

Nahoum 2:10

Tou in ganny vole; tou in kase; tou in ganny kraze! Bann leker in perdi kouraz, zenou i tranble, lafors in afebli, bann figir in vin pal!

Ezekyel 21:7

Kan zot demann ou akoz ou pe plennyen, dir zot: Akoz mon'n ganny move nouvel. Bann leker pou brize, lebra pou tonbe avek dekourazman; pou nepli annan lafors dan zenou. Ler in arive pour sa realize, Senyer BONDYE i deklare.

Ezai 19:1

En mesaz konsernan Lezip: Gete! SENYER in mont lo en nyaz rapid. I pe vin Lezip. Bann zidol dan Lezip pou tranble devan li; bann Ezipsyen pou paralize e zot pou perdi kouraz.

Ezai 13:7

Pour sa rezon, tou lebra pou tonbe, tou dimoun pou tonm dan dekourazman.

Psonm 68:2

Parey lafimen, ou fer zot disparet. Parey lasir devan dife, ou fer zot fonn. Bann malfeter pou disparet devan Bondye.

2 Samyel 17:10

Alor, menm bann ki pli vayan, bann ki kouraze koman en lyon, pou dekouraze, akoz pep Izrael antye i konnen ki ou papa i en gerye, e ki bann vayan gerye ki avek li.

1 Samyel 14:16

Bann gard Sail depi Gibea dan teritwar Benzamen, ti war lafoul dimoun pe fannen partou dan tou kote.

Zozye 14:8

Mon bann frer ki ti'n mont avek mwan ti dekouraz lepep. Me mwan, mon ti obei SENYER, nou Bondye avek tou mon leker.

Zozye 2:24

Zot ti dir Zozye, “Nou asire ki SENYER in donn nou sa pei. Tou bann zabitan pe tranble devan nou.”

Deterononm 20:8

Bann zofisye ava kontinyen adres bann troup. Zot ava demande: Eski i annan ki per oubyen ki napa kouraz? I devre retourn kot li, akoz i riske dekouraz son bann kanmarad.

Zenez 36:15

La bann sef parmi bann garson Ezai: Bann garson Elifaz, lene garson Ezai: Temann, Omar, Sefo, Kenaz,

Psonm 48:5

Ler zot ti war SENYER, zot ti sezi; zot ti per e zot ti sove.

Zeremi 49:23

Lo size Damas, la sa ki SENYER ti deklare: Zabitan bann lavil Hamat ek Arpad i onte. Zot dan traka akoz zot in antann en move nouvel. Zot trouble parey en lanmer demonte ki enposib kalme.

Zenez 36:16

Kora, sef Gaetanm, ek sef Amalek. Sa bann sef dan fanmir Elifaz dan pei Edonm; zot bann garson Ada.

Habakouk 3:6

Kan i arete, later i tranble. I get bann nasyon, zot tranble. Bann montanny ansyen i fann an de; bann kolin ek bann santye ki la depi lontan, zot afese; zot ki otrefwa ti son semen.