Egzod 14:14 - Labib An Kreol Seselwa

¹⁴ SENYER pou lager pour zot. Zot, zis reste trankil.”

Egzod 14:14 Referans Kwoze

Deterononm 3:22

Pa bezwen per zot, akoz SENYER, zot Bondye pou konbat pour zot.

Deterononm 20:4

akoz SENYER, zot Bondye i avek zot pour konbat bann lennmi e donn zot laviktwar.

2 Kronik 20:17

Zot pa bezwen atake; zis pran pozisyon e espere. Zot ava war kot SENYER i ranport laviktwar pour zot. Pep Zida ek pep Zerizalenm! Pa per. Pa bezwen per. Sorti demen e al atak zot. Mwan SENYER, mon pou avek zot.

Zozye 23:3

Zot menm, zot in war tou sa ki SENYER, zot Bondye in fer avek tou sa bann nasyon akoz zot. SENYER, zot Bondye ki'n konbat pour zot.

Deterononm 1:30

SENYER, zot Bondye ki pe mars devan zot. Li menm ki pou konbat dan zot plas, parey i ti fer devan zot, Lezip.

Zozye 23:10

En sel parmi zot ti fer taye mil, akoz se SENYER, zot Bondye ki ti pe konbat pour zot, parey i ti'n dir zot.

Ezai 30:15

La sa ki Senyer BONDYE, Bondye Sen Izrael i deklare: Ou delivrans i dan retour ver mwan e dan silans. Ou lafors i dan trankilite ek konfyans. Me ou'n refize.

2 Kronik 20:29

Kan tou bann rwayonm ti tande ki mannyer SENYER in konbat bann lennmi Izrael, zot ti ganny gran lafreyer pour Bondye.

Psonm 50:3

Nou Bondye pe vini, i pa pe gard silans. Devan li, en dife ki devor tou. Otour li, i annan en tanpet vyolan.

Egzod 15:3

SENYER i en gerye, Son non i SENYER.

Egzod 14:25

I ti blok larou zot kales lager; zot ti ganny difikilte pour avanse. Alor, bann Ezipsyen ti dir, “Annou sove pour sap bann Izraelit, akoz SENYER pe konbat kont Lezip pour zot.”

Nehemi 4:20

Depi landrwa kot ou ava antann son tronpet, vin rasanble pre avek nou. Nou Bondye ava konbat pour nou.”

Psonm 83:1

Mon Bondye! Pa gard silans. Mon Bondye! Pa reste trankil san nanryen fer.

Zozye 10:42

Zozye ti kaptir tou sa bann lerwa e pran posesyon tou zot teritwar en sel kou, akoz SENYER Bondye Izrael ti pe lager pour Izrael.

Zozye 10:14

Zanmen avan, ni apre, in deza annan en zour parey sa, kot SENYER in ekout en zonm. Annefe, SENYER ti pe lager pour Izrael.

Zozye 10:10

SENYER ti fer bann Amorit sove devan bann Izraelit ki ti bat zot dan Gabaon. Bann Izraelit ti pourswiv zot dan monte Bet-Horonn, e kontinyen ziska Azeka e Makeda.

Ziz 5:20

Bann zetwal dan lesyel ti konbat; depi zot larout, zot in konbat kont Sisera.

Egzod 14:15

SENYER ti dir Moiz, “Akoz zot pe apel mwan? Dir pep Izrael kontiny zot larout.

1 Samyel 4:7

Bann Filisten ti per. Zot ti dir: Bondye in ariv dan kan. Maler lo nou! Nanryen pa pou parey avan!

2 Kronik 20:15

Yazyel ti dir: Pep Zida ek zabitan Zerizalenm, e osi lerwa Zozafat! Ekoute! La sa ki SENYER i deklare: Pa bezwen per, pa les sa gran larme fer ou per, akoz Bondye ki pou konbat pour ou.

Nehemi 4:14

Apre ki mon ti'n egzamin bann pozisyon, mon ti dir avek bann sef, bann mazistra e lepep antye, “Pa bezwen per zot. Mazin SENYER ki gran e terib. Zot pe konbat pour zot bann frer, zot bann garson, zot bann fiy, zot bann fanm e pour zot prop lakaz.”

Nehemi 9:11

Ou ti ouver lanmer devan zot; zot ti travers lanmer lo later sek. Me bann ki ti pe pourswiv zot, ou ti anglouti dan profonder, parey en ros ki tonm dan fon lanmer.

Psonm 35:1

SENYER! Akiz sa bann ki akiz mwan. Atak sa bann ki atak mwan.

Lamantasyon 3:26

I bon ki nou esper an silans, delivrans ki sorti kot SENYER.