Egzod 14:11 - Labib An Kreol Seselwa

¹¹ Zot ti dir Moiz, “Pa ti annan ase latonm dan Lezip pour ki ou anmenn nou isi pour mor dan dezer? Ki ou'n fer avek nou?

Egzod 14:11 Referans Kwoze

Nonm 11:15

Si ou pou tret mwan konmsa, plito ou touy mwan, fer mwan en faver e pa les mwan war tou mon bann maler ki ou pe anvoy lo mwan.

Nonm 11:1

Lepep ti konmans konplent kont SENYER. Sa ti fer lakoler SENYER monte. Dife SENYER ti desann e bril en bout kan.

Nonm 16:41

Son lannmen, lepep ti vin konplent ankor kot Moiz ek Aaron. Zot ti dir: Zot in touy pep SENYER.

Egzod 5:22

Moiz ti retourn kot SENYER. I ti dir li, “SENYER, akoz ou pe fer ou pep pas tou sa martir? Akoz ou'n anvoy mwan?

Zenez 43:6

Izrael ti dir, “Akoz zot in tret mwan konmsa e dir sa zonm ki zot annan en lot frer?”

Egzod 5:21

Zot ti dir Moiz ek Aaron, “SENYER i war sa ki zot in fer, e i ava ziz zot. Zot in fer Faraon avek son bann serviter deteste nou. Ou'n met en lepe dan zot lanmen pour touy nou.”

Egzod 13:17

Kan Faraon ti'n les pep Izrael ale, Bondye pa ti kondwir li dan direksyon pei Filisten, menm si sa larout ti pli direk. Annefe, Bondye ti mazinen ki si lepep i devre fer fas avek lager, i ava kapab regrete e deside retourn Lezip.

Egzod 32:1

Bann Izraelit ti war ki Moiz ti pe tarde desann sorti lo montanny; zot ti rasanble otour Aaron. Zot ti dir li, “Fer pour nou, bann bondye ki mars devan nou. Annefe, nou pa konnen ki'n arive avek sa Moiz, sa zonm ki ti fer nou sorti Lezip.”

Nonm 14:22

tou sa bann ki'n war mon laglwar ek bann siny ki mon'n fer dan Lezip e dan dezer, ki'n provok mwan deza dis fwa e ki pa'n obeir mwan,