Egzod 12:14 - Labib An Kreol Seselwa

¹⁴ Sa zour ava pour zot en memoryal. Zot ava selebre sa zour koman en lafet pour SENYER. Zot ava obzerv li koman en zour lafet pour touzour, pour tou zot bann zenerasyon.

Egzod 12:14 Referans Kwoze

2 Rwa 23:21

Lerwa ti donn sa lord avek lepep antye: Selebre Pak an loner SENYER, zot Bondye, parey in ekri dan sa liv lalyans.

Egzod 12:24

Zot devre obzerv sa rityel koman en regleman pour ou ek ou bann zanfan pour touzour.

Egzod 12:17

Zot ava obzerv lafet Dipen san lelven, akoz sa zour, mon ti fer sorti zot pep dan Lezip. Alor, zot ava obzerv sa zour koman en lalwa pour touzour pour tou bann zenerasyon.

Egzod 12:43

SENYER ti dir Moiz ek Aaron, “La regleman pour selebre Pak: Okenn etranze pa devre manz repa Pak.

Matye 26:13

Mon dir zot, sa i laverite: Partou kot sa Bonn Nouvel pou ganny anonse dan lemonn antye, sa ki sa fanm in fer, pou ganny rakonte an son memwar.”

Psonm 135:13

SENYER! Ou non pou reste pour touzour. SENYER! Ou pou ganny nonmen atraver bann zenerasyon; ou ki Bondye.

Psonm 111:4

I fer rapel son bann mervey. SENYER i bon e ranpli avek konpasyon.

Deterononm 16:11

Avek ou bann garson, ou bann fiy, ou bann serviter, ou bann servant, bann levit ki reste dan ou bann lavil, bann etranze, bann orfelen ek bann vev ki viv parmi zot, ou ava fer lafet dan landrwa kot SENYER ava swazir pour fer reste prezans son non.

Deterononm 16:1

Dan mwan Abib, ou ava selebre lafet Pak an loner SENYER, ou Bondye, akoz ti dan mwan Abib ki SENYER, ou Bondye ti fer ou sorti Lezip pandan lannwit.

Egzod 5:1

Apre, Moiz ek Aaron ti al kot Faraon. Zot ti dir li, “La sa ki SENYER, Bondye Izrael i deklare: Les mon pep ale pour li selebre en lafet an mon loner dan dezer.”

Levanzil dapre Lik 22:19

Apre, i ti pran dipen, e remersye Bondye. I ti kas dipen e donn zot. I ti dir, “Sa i mon lekor ki'n ganny ofer pour zot. Fer sa pour rapel zot mon prezans.”

Zakari 6:14

Kouronn ava servi koman en memoryal dan tanp SENYER, an souvenir Heldai, Tobiya ek Yedaya. I pou osi rapel labonte garson Sofoni.

Ezekyel 46:14

Tou le bomaten, zot ava osi ofer SENYER senk kilo lafarin melanze avek de lit delwil. Sa bann regleman pour lofrann tou le zour i valab pour touzour.

1 Samyel 30:25

Depi sa zour, sa ti vin en lalwa e en regleman pour pep Izrael.

Zozye 4:7

Zot ava reponn ki delo larivyer Zourden ti koup an de devan Kof Lalyans SENYER. Kan Kof ti pas dan larivyer Zourden, delo Zourden ti koup an de. Konmsa, sa bann ros ava vin en memoryal pour bann Izraelit.

Nonm 18:8

SENYER ti dir Aaron: Mon donn ou tou lofrann ki pep Izrael i anmennen. Mon donn ou tou sa bann lofrann koman en par e pour ou desandan pour touzour.

Nonm 16:40

Sa ti servi pour rapel pep Izrael, ki personn, apar bann desandan Aaron, pa vin ofer lansan devan SENYER, pangar zot pas koman Kore ek son group, parey sa ki SENYER ti'n dir par lentermedyer Moiz.

Nonm 10:8

Zis bann garson Aaron ek bann pret ki annan drwa soufle tronpet. Sa i ava en regleman pour zot ek zot desandans.

Egzod 12:6

Zot ava gard li ziska katorzyenm zour sa mwan kan pep Izrael antye ava rasanble pour egorz li soley kouse.

Egzod 23:15

Ou ava obzerv lafet Dipen san lelven. Ou ava manz dipen san lelven pandan set zour, parey mon'n ordonn ou, dan letan fikse dan mwan Abib, kan zot ti sorti Lezip. Personn pa pou vin devan mwan lanmen vid.

Levitik 23:6

Kenzyenm zour sa menm mwan, i ava lafet Dipen san lelven an loner SENYER. Pandan set zour, zot ava manz dipen san lelven.

Deterononm 6:8

Atas zot avek ou pwannyen koman en siny. Fikse zot koman en mark lo ou fron.

Egzod 27:21

Aaron avek son bann garson ava plas sa portlanp devan sa rido ki maske Kof lalyans, pour ki i alimen devan SENYER depi bomaten ziska aswar. Sa regleman ava pour touzour, pour tou zenerasyon bann Izraelit.

Nonm 15:15

Pou annan en menm regleman pour zot kominote e pour bann etranze ki parmi zot. Sa i pou en re-gleman pour touzour.