Egzod 1:20 - Labib An Kreol Seselwa

²⁰ Bondye ti beni bann sazfanm e lepep ti vin pli nonbre e tre for.

Egzod 1:20 Referans Kwoze

Eklezyas 8:12

En malfeter i kapab mal azir plis ki 100 fwa e viv lontan. Me mon konnen ki i annan boner pour sa ki annan respe pour Bondye.

Ezai 3:10

Dir sa ki inosan koman i ere, akoz i pou rekolte fri son travay.

Proverb 11:18

En malfeter i travay pour nanryen; me sa enn ki senm lazistis i ganny en vre rekonpans.

Ebre 6:10

Bondye pa enzis. I pa pou oubliy travay ki zot in fer, ni lanmour ki zot in montre pour li par servis ki zot in rann e pe kontinyen rann anver lezot kretyen.

Psonm 111:5

I nouri sa bann ki annan respe pour li; i pa zanmen oubliy son lalyans.

Levanzil dapre Lik 1:50

I annan konpasyon pour tou dimoun ki obei li, atraver tou bann zenerasyon.

Matye 25:40

Lerwa pou reponn zot: Mon dir zot, sa i laverite: Sak fwa ki zot ti fer sa, pour enn bann pli pti parmi mon bann frer, se anver mwan, ki zot ti fer li!

Matye 10:42

En dimoun ki donn menm en ver delo fre sa enn ki pli pti parmi mon bann disip, akoz i mon disip, mon dir zot, sa i laverite: I pa pou perdi son rekonpans.

Proverb 19:17

Sa enn ki donn en pov, i pret SENYER; i ava ganny rekonpanse pour tou.

Psonm 145:19

I realiz dezir tou dimoun ki annan respe pour li. I osi ekout zot kan zot apel son sekour e i sov zot.

Psonm 103:11

Son fidelite pour sa bann ki obei li, i osi gran ki lesyel i lwen avek later.

Psonm 85:9

SENYER i pare pour sov sa enn ki obei li, pour ki son laglwar i reste dan pei.

Psonm 61:5

Mon Bondye! Ou'n egzos mon bann swe e donn bann ki ador ou, zot leritaz.

Egzod 1:12

Me pli zot ti ganny kraze, plis popilasyon Izraelit ti ogmante e fannen dan Lezip antye. Bann Ezipsyen ti per bann Izraelit.

Egzod 1:7

Bann Izraelit ti annan bokou zanfan. Zot ti ranpli Lezip e vin deplizanpli tre for.

Egzod 1:19

Bann sazfanm ti reponn Faraon, “Bann fanm Ebre pa parey bann fanm Ezipsyen; zot bokou pli for. Alor, zot zanfan in fini ne avan ki nou arive.”