Efezyen 5:2 - Labib An Kreol Seselwa

² Viv dan lanmour, parey Kris in kontan nou e donn son lavi pour nou, koman en lofrann e en sakrifis ki fer plezir Bondye.

Efezyen 5:2 Referans Kwoze

Levanzil dapre Zan 13:34

Mon donn zot en komannman nouvo: Kontan kanmarad. Zot devre kontan kanmarad parey mwan mon'n kontan zot.

Galat 2:20

nepli mwan ki pe viv, me Kris ki pe viv dan mwan. Lavi ki mon annan aprezan, mon viv li par lafwa dan Garson Bondye ki'n kontan mwan. Li menm ki'n donn son lavi pour mwan.

Kolosyen 3:14

Pardesi tou, annan lanmour ki soud ansanm tou keksoz parfetman dan larmoni.

2 Korentyen 2:15

Annefe, pour Bondye, nou sa bon loder parfen Kris parmi tou bann ki pe ganny sove, koman pour bann ki pe al ver zot pert.

Let Pol pour bann Tit 2:14

Annefe, Zezi-Kri i'n donn son prop lavi pour nou, pour delivre nou dan tou mal e pirifye nou koman en pep ki pour li, en pep zele pour fer sa ki byen.

1 Korentyen 16:14

Fer tou keksoz avek lanmour.

Matye 20:28

Dan sa menm fason, Fis-de-Lonm pa'n vini pour ganny servi, me pour servi e donn son lavi koman pri pour liber bokou dimoun.”

1 Pyer 4:8

Avan tou, zot devre annan en gran lanmour pour kanmarad, akoz lanmour i akord pardon en kantite pese.

2 Korentyen 8:9

Annefe, zot konn lagras nou Senyer Zezi-Kri: Ris ki i ti ete, i'n fer li pov pour zot, pour ki zot vin ris par son povrete.

1 Zan 3:16

La koman nou konnen kisisa lanmour: Zezi-Kri in donn son lavi pour nou. Donk, nou osi, nou devre donn nou lavi pour nou bann frer.

Zenez 8:21

Loder son sakrifis ti fer plezir SENYER ki ti dir dan li menm: Mon pa pou zanmen modi later ankor akoz bann et imen. I vre ki depi son lazenes, leker zonm i move. Zanmen ankor mon pou detri bann vivan parey mon'n fer.

Revelasyon 1:5

e delapar Zezi-Kri, temwen fidel, premye ne parmi bann mor, sef parmi bann lerwa later. Zezi-Kri i kontan nou. Par son disan, i'n delivre nou avek tou nou bann pese.

Ebre 9:26

Otreman, i ti ava bezwen soufer plizyer fwa depi kreasyon lemonn. An realite, i'n aparet en fwa pour tou, la dan lafen letan, pour abolir pese, par ofer son prop lekor an sakrifis.

Ebre 9:14

Si i konmsa, eski disan Kris pa pou annan plis lefe? Par Lespri ki eternel, in ofer li menm avek Bondye, koman en sakrifis parfe. Alor, son disan ava pirifye nou konsyans kont bann move aksyon, pour nou kapab servi Bondye ki vivan.

1 Timote 2:6

ki'n donn son lavi pour liber tou bann imen. Dan letan fikse, in anmenn laprev ki Bondye i oule ki tou bann imen i ganny sove.

Efezyen 4:15

O kontrer, kan nou dir laverite avek lanmour, nou ava grandi dan tou fason ver Kris, nou sef.

1 Zan 3:23

La son komannman: Nou devre krwar dan non son Garson Zezi-Kri e nou devre kontan kanmarad parey Kris in ordonn nou.

1 Timote 4:12

Pa les personn mepriz ou akoz ou ankor zenn, me donn legzanp bann krwayan dan ou fason koze, dan ou mannyer viv, dan ou lanmour, ou lafwa ek en lavi pir.

1 Tesalonisyen 4:9

Konsernan lanmour parmi frer, i pa neseser ki personn i ekri zot lo sa size. Annefe, zot in deza ganny ansennyen par Bondye li menm, pour kontan kanmarad.

Efezyen 4:2

Viv touzour dan limilite, ladouser ek pasyans. Siport kanmarad dan lanmour.

Efezyen 3:17

e ki Kris ava reste dan zot leker par lafwa. Mon priye ki zot ava ganny anrasinen e byen etabli dan lanmour,

Galat 1:4

Kris in donn son prop lekor pour sov nou dan nou pese, pour delivre nou anba pouvwar sa lemonn aktyel e move, dapre lavolonte Bondye, nou Papa.

Levitik 1:17

I ava fann sa zwazo an de ant son lezel, me san separ li an morso. Apre, sa pret ava bril li lo dibwa ki lo lotel. Sa i ava en sakrifis konplet, brile dan dife, ki anvoy en loder ki fer plezir SENYER.

Levitik 1:13

I ava lav trip ek bann lapat avek delo. Answit, en pret ava prezant tou e fer brile lo lotel. Sa i ava en sakrifis konplet, brile dan dife, ki anvoy en loder ki fer plezir SENYER.

Revelasyon 5:9

Zot ti sant en nouvo kantik: Ou diny pour resevwar sa liv e kas son bann sele. Annefe, ou ti ganny egorze, e par ou disan, ou'n reaste pour Bondye, zonm dan tou ras, lalang, pep ek nasyon.

Ebre 9:23

I ti neseser ki sa bann model ki reprezant realite dan lesyel, i ganny pirifye dan sa fason. Me sa bann realite dan lesyel, ti bezwen en meyer sakrifis.

Efezyen 3:19

Mon demande ki zot kapab konn lanmour Kris pour nou, menm si i depas tou konnesans imen. Konmsa, zot ava ranpli avek tou larises Bondye.

Romen 8:3

Bondye in fer sa ki Lalwa Moiz pa ti kapab, akoz febles natir imen ti rann lalwa enpwisan. Bondye in anvoy son prop Garson dan en natir parey natir pese. I'n kondann pese dan natir imen.

Amos 5:21

Mon deteste zot bann pelrinaz; Mon pa siport zot bann rasanbleman. Mon nepli kapab siport zot bann rasanbleman.

Levitik 1:9

Trip ek bann lapat ava ganny lave avek delo. Apre, en pret ava bril tousala lo lotel. Sa, i ava en sakrifis konplet, brile dan dife, ki anvoy en loder ki fer plezir SENYER.

Efezyen 5:25

Zot, bann mari! Kontan zot fanm parey Kris in kontan Legliz, e in donn son lavi pour li.

1 Korentyen 5:7

Pirifye zot alor: Fer disparet sa vye lelven, pour ki zot vin en nouvo lapat san lelven. Anfet, zot deza sa nouvo lapat, depi ki Kris, nou Zenn Mouton Pak in ganny sakrifye.

Romen 4:25

Zezi ti ganny livre anmor akoz nou bann pese. Me Bondye i'n resisit li pour rann nou zis devan li.

Levanzil dapre Zan 6:51

Mwan menm mwan sa dipen vivan ki sorti dan lesyel. Sa enn ki manz sa dipen ava viv pour touzour. Dipen ki mon pou donn li, se mon laser ki mon donnen pour ki lemonn i viv.”

Romen 8:37

Pourtan, dan tousala, nou sorti gran venker, gras a sa enn ki'n kontan nou.

Levitik 3:16

En pret ava bril sa bann morso lo lotel koman en lofrann brile par dife, ki anvoy en loder ki fer plezir. Tou lagres i ganny rezerve pour SENYER.

Egzod 29:18

Ou ava bril sa mouton antye lo lotel. Sa i en sakrifis konplet pour SENYER, en lofrann ki donn en loder ki fer plezir SENYER.

Egzod 29:25

Apre, ou ava pran tousala avek zot e bril zot lo lotel, par lao sakrifis konplet. Sa, ava donn en loder ki fer plezir SENYER.

Romen 15:16

pour fer mwan vin serviter Zezi-Kri pour bann pep ki non-Zwif. Mon pe fer en servis sakre, anonsan Bonn Nouvel Bondye, pour ki bann non-Zwif i vin en lofrann agreab pour Bondye, konsakre par Lespri Sen.

2 Korentyen 2:14

Nou loue Bondye ki'n fer nou ranport laviktwar ini avek Kris. Par nou, i fer ki Kris i ganny konnen partou e ki i repann parey loder en parfen.

Efezyen 1:4

Avan ki i ti'n kree lemonn, Bondye ti swazir nou davans, par Zezi-Kri, koman son bann zanfan adoptif, pour ki nou sen e san repros devan li.

Efezyen 5:15

Alor, fer byen atansyon ki mannyer zot viv. Pa viv koman bann dimoun inyoran, me koman bann ki saz.

Filipyen 4:18

Mon sertifye donk, ki mon ti ganny tou sa ki zot ti anvoy mwan; e sa ti plis ki sifizan. Aprezan ki Epafrodit in anmenn mwan zot bann kado, mon annan tou sa ki neseser. Sa bann kado i koman en sakrifis ki Bondye i aksepte e ki fer li plezir.

Ebre 8:3

Annefe, tou Gran-Pret i ganny etabli pour prezant bann lofrann ek bann sakrifis. Alor, i neseser ki li osi, i annan keksoz pour ofer.

Nonm 7:21

en toro, en mouton mal adilt, en zenn mouton aze enn an pour sakrifis konplet;

Deterononm 27:6

Annefe, lotel ki ou ava konstri an loner SENYER, ou Bondye i devre ganny konstri avek bann ros brit. Apre, ou ava ofer lo sa lotel, en sakrifis konplet an loner SENYER, ou Bondye.