Efezyen 4:6 - Labib An Kreol Seselwa

⁶ I annan en sel Bondye e Papa tou dimoun, ki renny lo tou, ki azir par tou e ki reste dan tou.

Efezyen 4:6 Referans Kwoze

Romen 11:36

Annefe, tou i sorti kot li; tou i egziste par li e pour li. Bondye i merit laglwar pour touzour! Amenn!

1 Korentyen 8:6

pour nou, i annan en sel Bondye, Papa, kot tou keksoz i sorti, e pour ki nou egziste. I osi annan en sel Senyer, Zezi-Kri, par ki tou keksoz i egziste e par ki nou egziste.

Malasi 2:10

Nou tou, pa nou annan en sel papa, en sel Bondye ki'n kree nou? Alor, akoz nou tronp kanmarad e kas lalyans ki Bondye in fer avek nou bann zanset?

Levanzil dapre Zan 20:17

Zezi ti dir li, “Pa tous mwan, akoz mon pa ankor mont kot Papa. Me al kot mon bann frer, dir zot ki mon pe al kot mon Papa ki osi zot Papa, mon Bondye, ki osi zot Bondye.”

1 Zan 3:24

Sa enn ki obei komannman Bondye i viv dan Bondye, e Bondye i prezan dan li. Nou konnen ki Bondye i prezan dan nou, gras a Lespri Sen ki i'n donn nou.

Matye 6:9

La ki mannyer zot devre priye: Nou Papa ki dan lesyel! Nou demande ki ou non sen i ganny glorifye,

2 Korentyen 6:16

Ki Tanp Bondye i annan an komen avek bann zidol? Annefe, nou menm ki tanp Bondye vivan. Parey Bondye in deklare: Mon pou mars parmi zot; mon pou vin zot Bondye e zot ava vin mon pep.

1 Korentyen 12:6

plizyer sort aktivite, me menm Bondye ki prodwi tou dan zot tou.

Nonm 16:22

Moiz ek Aaron ti tonm ater la fas ater. Zot ti dir, “Mon Bondye! Ou sa Bondye ki donn lavi tou kreatir! Akoz pour pese en sel dimoun, ou met ou ankoler anver kominote antye?”

Zenez 14:19

I ti beni Abranm an dizan: Bondye Treo, ki'n kree lesyel ek later! Beni Abranm.

Efezyen 6:23

Mon demande ki Bondye ek son Garson Zezi-Kri i donn tou bann frer dan Kris, lape, lanmour ek lafwa.

Efezyen 3:17

e ki Kris ava reste dan zot leker par lafwa. Mon priye ki zot ava ganny anrasinen e byen etabli dan lanmour,

Efezyen 2:22

Ini avek li, zot osi, zot form parti sa konstriksyon pour ki ansanm avek tou lezot, zot vin en lakaz kot Bondye i kapab reste par son Lespri.

Levanzil dapre Zan 17:26

Mon'n fer zot konn ou. Mon pou kontinyen fer li. Konmsa, sa lanmour avek lekel ou'n kontan mwan, ava dan zot, parey mwan menm mon dan zot.

Levanzil dapre Zan 14:23

Zezi ti reponn, “Sa enn ki kontan mwan, pou obei mon bann parol. Mon Papa pou kontan li. Nou pou vin kot li e nou pou reste avek li.

Matye 6:13

Pa les nou tonm dan tantasyon. Me delivre nou kont ladverser. Akoz ou ki posed larwayote, pwisans ek mazeste pour touzour. Amenn.

Ezai 63:16

Pourtan, menm si Abrahanm pa konn nou e Izrael pa rekonnet nou, se ou ki nou papa; Ou menm SENYER ki nou Papa; ou menm nou Sover; sa i ou non depi touzour.

Psonm 95:3

SENYER i en gran Bondye; i en gran Lerwa par lao tou bann bondye.

Efezyen 1:21

La, Kris in ganny plase par lao tou pouvwar, lotorite, pwisans, dominasyon. In ganny plase par lao tou tit ki egziste pa selman dan lemonn aktyel, me osi dan lemonn lavenir.

Deterononm 6:4

Izrael! Ekoute. SENYER, nou Bondye i sel SENYER.