Efezyen 4:4 - Labib An Kreol Seselwa

⁴ I annan en sel lekor ek en sel Lespri, parey ki i annan en sel lesperans ver lekel Bondye in apel zot.

Efezyen 4:4 Referans Kwoze

Efezyen 2:18

Annefe, par Kris, nou tou, Zwif e non-Zwif, nou kapab prezant nou devan Bondye avek led sa menm Lespri Sen.

Efezyen 4:1

Mwan ki prizonnyen, akoz mon dan servis Senyer, mon sipliy zot: Viv zot lavi dapre sa lapel ki Bondye in fer zot.

Efezyen 1:18

Mon priye pour ki i ouver zot lizye ver lalimyer, pour ki zot konpran sa lesperans ki i'n ofer zot; grander larises sa leritaz merveye ki i'n rezerve pour bann kretyen;

1 Korentyen 12:20

An realite, i annan plizyer manm, me en sel lekor.

Kolosyen 1:5

Kan pour premye fwa mesaz laverite, Bonn Nouvel, ti ariv kot zot, zot ti ganny anonse lesperans ki ti rezerve pour zot dan lesyel. Se pour sa rezon, ki zot lanmour ek zot lafwa i fonde lo sa ki zot pe espere.

Efezyen 5:30

Annefe, nou tou, nou manm son lekor.

1 Zan 3:3

Tou dimoun ki annan sa lesperans dan Kris i vin pir, parey Senyer li menm i pir.

1 Pyer 1:21

Par li, zot krwar dan Bondye ki'n resisit li e ki'n donn li laglwar. Konmsa, zot met zot lafwa ek zot lesperans dan Bondye.

Let Pol pour bann Tit 2:13

Konmsa ki nou devre viv, an atandan sa gran Zour, kan laglwar nou gran Bondye ek nou Sover Zezi-Kri ava aparet.

Let Pol pour bann Tit 1:2

dan lesperans lavi eternel. Bondye ki pa zanmen manti, ti promet nou sa lavi avan konmansman letan;

2 Tesalonisyen 2:16

Mon demande ki nou Senyer Zezi-Kri li menm, e Bondye, nou Papa ki'n kontan nou, e ki, par son lagras, i donn nou en lankourazman eternel ek en bon lesperans,

Kolosyen 3:15

Mon swete ki lape Kris i diriz zot leker. Annefe, se ver sa lape ki Kris in apel zot kan i ti fer zot vin en sel lekor. Montre zot touzour rekonesan.

Efezyen 2:22

Ini avek li, zot osi, zot form parti sa konstriksyon pour ki ansanm avek tou lezot, zot vin en lakaz kot Bondye i kapab reste par son Lespri.

Efezyen 2:16

Par son lanmor lo lakrwa, Kris i'n reini sa de pep pour form en sel lekor e in rekonsilye zot avek Bondye. Par lakrwa, in detri laenn.

Matye 28:19

Al parmi zabitan bann nasyon, e fer zot vin mon bann disip. Batiz zot lo non Papa, lo non Garson e lo non Lespri Sen.

Zeremi 14:8

SENYER! Ou ki lespwar Izrael, ou ki son sover dan maler, akoz ou pas parey en etranze dan pei? Akoz ou konport ou parey en vwayazer ki pas zis en lannwit?

Let Pol pour bann Tit 3:7

Ensi, zistifye par son lagras, nou vin zeritye lavi eternel ki nou pe espere.

1 Timote 1:1

Sa let i sorti kot Pol, zapot Zezi-Kri lo lord Bondye, nou Sover ek Zezi-Kri ki nou lesperans.

1 Korentyen 10:17

Akoz i annan en sel dipen, menm si i annan en kantite nou, nou form en sel lekor, akoz nou partaz menm dipen.

2 Korentyen 11:4

Annefe, zot pare pour aksepte nenport ki, ki vin anons zot en lot Zezi ki sa enn ki nou'n anons zot. Zot osi pare pour resevwar fasilman en lespri ek en mesaz ki diferan avek sa Lespri ek sa Bonn Nouvel ki zot in resevwar avek nou.

Akt de Zapot 15:11

Nou krwar, o kontrer, ki par lagras nou Senyer Zezi, nou pou ganny sove, parey zot.”

Zeremi 17:7

Me mon beni sa zonm ki met son konfyans dan SENYER, e ki kont antyerman lo SENYER.

Romen 11:29

Annefe, don lagras ek swa ki Bondye i fer pa zanmen sanze.

Psonm 122:8

Pour lanmour mon bann frer ek mon bann zanmi, mon pou dir: Mon swet ou lape.