Efezyen 4:16 - Labib An Kreol Seselwa

¹⁶ Kontrole par li, tou bann diferan parti lekor i byen rasanble ansanm, e lekor antye i tenir ansanm par bann zwentir. Alor, kan sak parti i travay koman i fodre, lekor antye i grandi e i devlop dan lanmour.

Efezyen 4:16 Referans Kwoze

Kolosyen 2:19

Zot pa reste atase avek Kris ki latet. Annefe, latet ki kontrol lekor antye e ki donn li tou sa ki neseser. Par li, tou i reste ini ansanm: Son bann zwentir, artikilasyon, ek misk, tou ansanm, Bondye ki fer li grandi.

Levanzil dapre Zan 15:5

Mwan pye rezen, e zot, zot bann brans. Sa enn ki reste ini avek mwan e mwan avek li, ava raport bokou fri. San mwan, zot pa kapab fer nanryen.

Kolosyen 2:2

Mon swete ki zot leker ava ranpli avek kouraz; ki zot reste ini dan lanmour, e posed tou bann larises konplet ki rezilta vre disernman. Konmsa, zot ava kapab konn sekre Bondye, setadir Kris li menm.

Efezyen 4:12

Konmsa ki i'n prepar pep Bondye pour akonpli son servis e fer grandir lekor Kris.

1 Korentyen 13:13

Aprezan, lafwa, lesperans ek lanmour i reste ansanm. Me lanmour i pli gran ki tou.

Efezyen 4:15

O kontrer, kan nou dir laverite avek lanmour, nou ava grandi dan tou fason ver Kris, nou sef.

1 Timote 1:5

Sa lord ki mon donn ou, i annan pour bi prodwir lanmour ki sorti dan en leker pir, en bon konsyans ek en lafwa senser.

1 Tesalonisyen 2:13

Nou pa arete remersye Bondye pour en lot rezon: Kan nou ti anons zot Parol Bondye, zot ti ekoute e aksepte li, pa koman en parol zonm, me koman Parol Bondye tel ki i ete, e ki aktif dan zot, bann krwayan.

Filipyen 1:9

La sa ki mon demann Bondye dan mon lapriyer: Ki zot lanmour i ogmante e vin pli gran ankor, avek en vre konnesans ek en konpreansyon parfe,

Efezyen 3:17

e ki Kris ava reste dan zot leker par lafwa. Mon priye ki zot ava ganny anrasinen e byen etabli dan lanmour,

1 Pyer 1:22

Zot, zot in ganny pirifye par zot lobeisans anver laverite, pour zot kontan kanmarad senserman koman bann frer. Donk, kontan kanmarad bokou avek en leker pir.

Efezyen 3:7

Mon'n vin serviter Bonn Nouvel par en don spesyal ki Bondye, dan son labonte, par laksyon son pouvwar, in donn mwan.

Efezyen 1:4

Avan ki i ti'n kree lemonn, Bondye ti swazir nou davans, par Zezi-Kri, koman son bann zanfan adoptif, pour ki nou sen e san repros devan li.

Galat 5:22

Me la bann fri ki Lespri i prodwi: Lanmour, lazwa, lape, pasyans, labonte, zenerozite, fidelite,

1 Zan 4:16

Nou, nou konn sa lanmour ki Bondye i annan pour nou, e nou krwar dan sa lanmour. Bondye i lanmour. Sa enn ki reste dan lanmour i reste dan Bondye e Bondye i reste dan li.

2 Tesalonisyen 1:3

Mon bann frer ek ser! Nou devre touzour remersye Bondye pour zot. Sa i byen, akoz zot lafwa in bokou progrese e lanmour ki zot posede pour kanmarad pe touzour ogmante.

1 Tesalonisyen 3:12

Mon demann Senyer ogmant lanmour ki zot annan pour kanmarad e pour tou dimoun, parey lanmour ki nou annan pour zot.

1 Tesalonisyen 1:3

Annefe, devan Bondye nou Papa, nou rapel zot lafwa ki efikas, zot lanmour ki aktif, e zot lesperans ki solid dan nou Senyer Zezi-Kri.

Galat 5:6

Annefe, ni sirkonsizyon, ni ensirkonsizyon pa enportan. Lafwa ki azir par lanmour ini avek Kris Zezi ki konte.

1 Korentyen 8:1

Lo size lavyann ki'n ganny ofer avek zidol, i vre ki parey zot dir, nou tou, nou annan konnesans. Me sa konnesans i fer nou vin vantar, tandis ki lanmour i konstri lakominote.

Romen 12:4

Dan nou lekor, i annan plizyer manm e sak manm i ranpli en fonksyon diferan.

1 Korentyen 10:17

Akoz i annan en sel dipen, menm si i annan en kantite nou, nou form en sel lekor, akoz nou partaz menm dipen.