Efezyen 4:10 - Labib An Kreol Seselwa

¹⁰ Sa enn ki'n desann, li menm ki'n mont par lao dan lesyel, landrwa pli o pour ranpli tou liniver avek son prezans.

Efezyen 4:10 Referans Kwoze

Ebre 7:26

Zezi i sa Gran-Pret ki nou ti bezwen: I sen, inosan, san pese, separe avek tou bann peser e plase pli o ki lesyel.

Ebre 4:14

Alor, pandan ki nou annan en Gran-Pret siprenm, Zezi, Garson Bondye ki'n travers lesyel, annou tenir byen for lafwa ki nou proklanmen.

Kolosyen 2:9

Annefe, Kris i posed dan son lekor, tou natir konplet Bondye.

Kolosyen 1:19

Bondye i oule ki son natir antye i reste dan son Garson.

Matye 24:34

Mon dir zot, sa i laverite: Sa zenerasyon pa pou fini, avan ki tousala i arive.

1 Timote 3:16

Sertennman, ki mister nou lafwa i gran: I'n paret dan laform imen. I'n ganny zistifye par Lespri. Bann lanz in war li. I'n ganny anonse parmi bann nasyon. Atraver lemonn bokou in krwar dan li, i'n ganny anleve dan laglwar Bondye.

Efezyen 3:19

Mon demande ki zot kapab konn lanmour Kris pour nou, menm si i depas tou konnesans imen. Konmsa, zot ava ranpli avek tou larises Bondye.

Akt de Zapot 1:9

Apre sa bann parol, Zezi ti mont dan lesyel. Pandan ki zot ti pe get li, en nyaz ti maske li avek zot.

Ebre 8:1

Aprezan, la pwen pli enportan lo sa ki nou pe dir: Nou annan en tel Gran-Pret, enn ki'n asiz lo kote drwat tronn Bondye Toupwisan dan lesyel.

Akt de Zapot 3:18

Me Bondye in fer realize sa ki depi lontan i ti'n anonse par labous tou son bann profet, ki son Mesi pou soufer.

Akt de Zapot 2:33

I'n ganny plase lo kote drwat Bondye e in resevwar Lespri Sen avek son Papa parey i ti'n promet li. Sa ki zot pe tande e war la, sanmenm sa Lespri ki i'n devers lo nou.

Akt de Zapot 1:11

Sa de zonm ti dir zot, “Galileen! Akoz zot reste la pe get dan lesyel? Sa Zezi ki'n ganny anleve dan lesyel parmi zot, pou retournen dan menm mannyer ki zot in war li mont dan lesyel.”

Levanzil dapre Zan 19:36

Sa in arive pour ki sa pasaz Lekritir i akonpli: Okenn son lezo pa pou kase.

Levanzil dapre Zan 19:28

Apre sa, Zezi ti war ki tou keksoz ti'n fini realize, e pour akonpli Lekritir, i ti dir, “Mon swaf.”

Levanzil dapre Zan 19:24

Alor, bann solda ti dir ant zot: Pa bezwen desir sa rob, me plito, annou tir osor pour konnen lekel ki pou ganny li. Konmsa, sa parol Lekritir ti ganny akonpli: Zot in partaz mon lenz ant zot. Zot in tir osor mon rob. Sanmenm sa ki bann solda ti fer.

Levanzil dapre Zan 1:16

Annefe, dan son gran lanmour, nou tou nou'n resevwar lagras annabondans.

Levanzil dapre Lik 24:44

Apre, i ti dir zot, “Pa sanmenm sa ki mon ti dir zot kan mon ti ankor avek zot: Tou keksoz ki'n ganny ekri lo mon size dan Lalwa Moiz, dan liv bann profet e dan bann Psonm, i bezwen ganny akonpli.”

2 Korentyen 12:2

Mon konn en zonm kretyen ki, 14 an pase, ti ganny anmennen ziska trwazyenm lesyel. Si i ti mont avek son lekor oubyen san son lekor, sa mon pa konnen, Bondye ki konnen. Sa zonm ti monte ziska trwazyenm lesyel.