Efezyen 4:1 - Labib An Kreol Seselwa

¹ Mwan ki prizonnyen, akoz mon dan servis Senyer, mon sipliy zot: Viv zot lavi dapre sa lapel ki Bondye in fer zot.

Efezyen 4:1 Referans Kwoze

Kolosyen 1:10

Konmsa, zot ava kapab viv en lavi ki Bondye i aprouve e ki fer li plezir dan tou sa ki zot fer. Konmsa, par zot bann bon aksyon, zot ava prodwir fri e progrese dan konnesans Bondye.

Filipyen 1:27

Me i enportan ki zot konport zot dan en fason diny anver Bonn Nouvel Kris. Alor, ki mon vin war zot, oubyen ki mon pa vini, mon swete tande ki zot pe reste ini solidman dan en menm lespri; ki ansanm, avek en menm leker, zot pe konbat pour lafwa ki baze lo Bonn Nouvel.

1 Tesalonisyen 2:12

Nou'n ankouraz zot, konsey zot e ensiste pour ki zot anmenn en lavi ki fer plezir Bondye. Annefe, li menm ki'n apel zot pour antre dan son Rwayonm e partisip dan son laglwar.

2 Pyer 1:3

Annefe, dan son pwisans, Bondye in donn nou tou sa ki nou bezwen pour viv en lavi vreman dapre son lavolonte. In fer nou konn sa enn ki'n apel nou pour partisip dan son prop laglwar ek son bann mervey.

2 Timote 1:9

Li menm ki'n sov nou e ki'n apel nou pour vin son pep, pa akoz nou bann bon aksyon, me akoz son prop plan ek son lagras. Depi touzour, i'n akord nou sa lagras par Zezi-Kri.

1 Korentyen 4:16

Alor, mon sipliy zot, swiv mon legzanp.

2 Tesalonisyen 1:11

Pour sa rezon ki nou priy toultan pour zot. Nou demann Bondye pour rann zot diny pour sa lavi ki i ofer zot. Nou demande ki par son pwisans, i realiz tou zot dezir pour fer sa ki byen e rann zot lafwa aktif.

Efezyen 4:17

Mon sipliy zot lo non Senyer: Aret viv koman sa bann ki pa konn Bondye. Zot mannyer reflesir pa vo nanryen.

Zenez 17:1

Kan Abranm ti annan 99 an, SENYER ti aparet avek li. I ti dir li, “Mwan Bondye Toupwisan; mars touzour dan mon prezans e fer sa ki byen.

Romen 12:1

Alor, mon bann frer ek ser! Pour tou sa bonte ki Bondye in manifeste anver nou, mon ankouraz zot pour ofer zot lekor koman en sakrifis vivan, sen e agreab, devan Bondye. Sa i ava zot ladorasyon spirityel.

Kolosyen 2:6

Alor, parey ki zot in aksepte Zezi-Kri koman Senyer, kontinyen reste atase avek li.

1 Pyer 3:9

Pa rann lemal pour lemal, ni lensilt pour lensilt. Okontrer, reponn par loue Senyer, akoz pour sanmenm sa, ki Bondye in apel zot, pour resevwar son benediksyon.

2 Korentyen 6:1

Akoz nou bann kolaborater Bondye, nou sipliy zot pour pa negliz sa lagras ki zot in resevwar avek li.

2 Zan 1:5

Aprezan, Madanm! La sa ki mon demann ou: Kontan kanmarad. Sa pa en nouvo komannman ki mon pe ekri; me sa enn ki nou'n resevwar depi o konmansman.

1 Pyer 5:10

Zot pou bezwen soufer pour ankor en pti pe letan. Me Bondye ki sours tou lagras, ki'n apel zot pour partisip dan son laglwar eternel ini avek Kris, i ava li menm rann zot parfe. I ava rann zot ferm; i ava fortifye zot, e etabli zot lo bann fondasyon solid.

1 Pyer 2:11

Mon bann zanmi! Mon demann zot ki bann etranze e bann vwayazer: Gard zot kont bann dezir natir imen ki fer lager kont zot menm.

Ebre 13:21

Mon demande ki i rann zot kapab pour pratik tou sa ki byen. Konmsa, zot ava akonpli son lavolonte. Ki i realiz dan nou tou, sa ki fer li plezir, par Zezi-Kri ki merit laglwar pour touzour. Amenn.

Filipyen 3:14

Mon taye pour mwan ariv lo bit, pour ganny sa pri ki Bondye, par Zezi-Kri, in apel nou pour resevwar depi lao.

Efezyen 5:2

Viv dan lanmour, parey Kris in kontan nou e donn son lavi pour nou, koman en lofrann e en sakrifis ki fer plezir Bondye.

Efezyen 4:4

I annan en sel lekor ek en sel Lespri, parey ki i annan en sel lesperans ver lekel Bondye in apel zot.

Efezyen 3:1

Pour sa rezon, mwan Pol, mon prizonnyen Zezi-Kri pour zot, bann non-Zwif.

Galat 4:12

Mon bann zanmi! Mon sipliy zot, vin parey mwan, akoz mwan osi mon'n vin parey zot. Zot pa'n fer mwan okenn ditor.

Zenez 5:24

I ti mars avek Bondye tou son lavi e apre i ti disparet, akoz Bondye ti pran li.

Ebre 3:1

Alor, mon bann frer ek ser ki sen e ki Bondye in apele! Fikse zot latansyon lo Zezi. I'n ganny anvoye koman zapot e Gran-Pret sa lafwa ki nou pe proklanmen.

2 Korentyen 10:1

Mwan Pol, mon ankouraz zot par ladouser ek labonte Kris, avek limilite ki zot dir mon annan kan mon parmi zot e avek lardyes kan mon lwen avek zot.

Zeremi 38:20

Zeremi ti reponn, “Non, ou pa pou ganny livre avek ou bann prop zanmi. Mon demann ou ekout sa ki mon pe dir ou e ki sorti kot SENYER. Si ou ekout mwan, tou pou al byen e ou ava reste vivan.

Let Pol pour bann Tit 2:10

Fodre pa ki zot vole. O kontrer, ki zot montre zot touzour bon e fidel. Konmsa, dan tou sa ki zot fer, zot fer loner lansennyman Bondye, nou Sover.

Kolosyen 4:12

Epafras osi ki sorti kot zot i fer zot salanm. Sa serviter Zezi-Kri pa zanmen aret lite pour zot dan lapriyer, pour ki zot reste solid, koman bann dimoun matir, dan lobeisans lavolonte Bondye dan tou.

2 Korentyen 5:20

Nou'n vin bann anbasader anvoye par Kris. Atraver nou, Bondye li menm in apel zot. O non Kris, nou sipliy zot, les zot ganny rekonsilye avek Bondye.

Akt de Zapot 9:31

Antretan, Legliz dan Zide, dan Galile e dan Samari antye, ti pe viv anpe. I ti vin solid; i ti devlope, e soumi dan respe pour Senyer; i ti ogmante gras a led Lespri Sen.

Romen 11:29

Annefe, don lagras ek swa ki Bondye i fer pa zanmen sanze.

Efezyen 2:10

Annefe, Bondye ki'n form nou; i'n kre nou ini avek Zezi-Kri pour nou akonpli bann bonn aksyon ki Bondye in prepare davans, pour nou met zot an pratik.