Efezyen 3:3 - Labib An Kreol Seselwa

³ Dan en revelasyon, Bondye in fer mwan konn son plan sekre. Mon'n deza ekri detrwa mo lo sa size.

Efezyen 3:3 Referans Kwoze

Galat 1:12

Mon pa ti ganny li oubyen aprann li avek en zonm, me mon'n resevwar li par en revelasyon Zezi-Kri.

Romen 16:25

Aprezan, annou rann glwar sa enn ki annan pouvwar pour rann zot for dapre Bonn Nouvel e dapre Zezi-Kri ki mon pe anonse, dapre revelasyon mister Bondye ki'n reste sekre pandan lontan.

Efezyen 3:9

Mon bezwen osi fer kler pour tou dimoun, ki mannyer Bondye pou realiz son plan mister. Bondye ki Kreater lemonn, in touzour gard sa mister.

Efezyen 3:4

Kan zot ava lir li, zot ava realize zot menm konnesans ki mon'n gannyen lo sa plan sekre konsernan Kris.

Akt de Zapot 22:17

Mon ti retourn Zerizalenm, e pandan ki mon ti pe priye dan Tanp, mon ti ganny en vizyon.

Akt de Zapot 22:21

Me Senyer ti dir mwan, “Ale! Mon pou anvoy ou lwen, ver bann non-Zwif.”

Efezyen 1:17

Mon demann Bondye nou Senyer Zezi-Kri, nou Papa merveye, donn zot Lespri lasazes ki ava revel avek zot e fer zot konn li vreman.

Romen 11:25

Mon bann frer ek ser! Pour zot pa tonm dan lorgey e pran zot pour bann saz, mon oule revel zot en mister: En parti pep Izrael, pou persiste dan son landirsisman, ziska ki tou lezot pep ava'n aksepte Bondye.

Akt de Zapot 23:9

Alor, zot ti konmans kriy pli for e serten profeser Lalwa, manm group Farizyen ti debout e proteste byen for, “Nou pa war nanryen mal avek sa zonm. Ki i fer si en lanz oubyen en lespri in kekfwa koz avek li?”

2 Korentyen 12:1

Mon bezwen vant mon lekor, menm si i pa itil. Me aprezan, mon pou koz lo bann vizyon ek bann revelasyon ki Senyer in donn mwan.

Efezyen 3:6

Sa sekre, se ki par mwayen Bonn Nouvel, bann non-Zwif i osi destinen pour ganny en par dan menm leritaz ki Bondye in rezerve pour son pep. Zot manm en menm lekor e zot osi, zot benefisye dan menm promes ki Bondye in fer dan Zezi-Kri.

Efezyen 6:19

Priy osi pour mwan, pour ki, kan mon ouver labous, mon ava ganny parol pour anons avek lasirans, sekre Bonn Nouvel.

Kolosyen 2:2

Mon swete ki zot leker ava ranpli avek kouraz; ki zot reste ini dan lanmour, e posed tou bann larises konplet ki rezilta vre disernman. Konmsa, zot ava kapab konn sekre Bondye, setadir Kris li menm.

Kolosyen 4:3

Anmenmtan, priy osi pour nou, pour ki Bondye i ouver en laport favorab pour nou proklanm son mesaz e anons sekre Kris. Annefe, pour sa rezon ki mon dan prizon ozordi.

Ebre 13:22

Mon bann frer! Mon demann zot pour siport avek pasyans sa bann parol lankourazman. Annefe, mon let pa long.

1 Pyer 5:12

Mon ekri zot sa kourt let avek led Silas, ki en frer fidel, pour ankouraz zot, e asir zot ki sa i vre lagras Bondye. Reste ferm ladan.

2 Pyer 3:15

Konsider pasyans nou Senyer koman en mwayen pour sov nou, parey nou frer Pol in ekri zot avek lasazes ki Bondye in donn li.