Efezyen 3:16 - Labib An Kreol Seselwa

¹⁶ Mon priy Bondye ki, dan larises son laglwar, i fortifye zot par pwisans son Lespri,

Efezyen 3:16 Referans Kwoze

Kolosyen 1:11

Nou demann Bondye pour fortifye zot par pwisans son mazeste, pour ki zot ava kapab siport tou avek pasyans.

Filipyen 4:13

Mon kapab fer fas avek tou difikilte gras a Kris ki donn mwan lafors.

Ezai 41:10

Pa bezwen per, akoz mon avek ou. Pa bezwen enkyet, akoz mwan menm ou Bondye. Mon pou rann ou for, mon pou ed ou, mon pou soutenir ou avek mon lanmen ki donn laviktwar.

Zakari 10:12

Zot pou met zot lafors dan SENYER e zot pou mars anba son non. SENYER ki deklare.

2 Timote 4:17

Me Senyer in ed mwan e i'n fortifye mwan. Konmsa, mon'n kapab anons son mesaz e fer tou bann nasyon tande e ganny delivre dan lagel lyon.

2 Korentyen 4:16

Pour sa rezon ki nou pa perdi kouraz. Menm si nou lekor pe dousman ganny detri, lo kote spirityel nou pe ganny renouvle de zour an zour.

Efezyen 6:10

Anfen, pran ou lafors dan linyon avek Senyer e dan son gran pwisans.

2 Korentyen 12:9

Me i'n reponn mwan, “Mon lagras i tou sa ki ou bezwen; mon pwisans i azir kan ou feb.” Alor, mon prefere vant mon lekor dan mon febles, pour ki pwisans Kris i repoz lo mwan.

Filipyen 4:19

Dan son larises, mon Bondye ava donn zot tou sa ki zot bezwen, par Zezi-Kri.

Psonm 28:8

SENYER i lafors son pep; i defann li e i sov sa enn ki i'n konsakre.

Romen 7:22

Dan mwan menm, koman en zonm, mon ganny plezir dan Lalwa Bondye.

1 Korentyen 16:13

Veye! Reste ferm dan lafwa. Pran kouraz e fortifye zot!

Psonm 138:3

Letan mon ti apel ou, ou ti reponn mwan; ou ti donn mwan plis kouraz.

Romen 9:23

Me i'n osi oule montre larises son mazeste pour bann anver ki i'n annan pitye, bann ki i'n prepare davans pour partisip dan son laglwar.

Kolosyen 1:27

Annefe, Bondye in oule fer konn sa plan sekre ki ris e manifik e ki i'n prepare an faver tou bann pep. E sekre sa plan, se ki Kris i dan zot; i donn zot lasirans ki zot ava pran par dan laglwar Bondye.

Efezyen 3:8

Mon pli pti parmi tou bann krwayan. Pourtan, Bondye in donn mwan sa privilez pour anons bann non-Zwif, larises Kris ki san limit.

Efezyen 1:18

Mon priye pour ki i ouver zot lizye ver lalimyer, pour ki zot konpran sa lesperans ki i'n ofer zot; grander larises sa leritaz merveye ki i'n rezerve pour bann kretyen;

Matye 6:13

Pa les nou tonm dan tantasyon. Me delivre nou kont ladverser. Akoz ou ki posed larwayote, pwisans ek mazeste pour touzour. Amenn.

Efezyen 1:7

Annefe, par disan Zezi-Kri, nou'n ganny sove, e par larises son lagras, nou bann pese in ganny pardonnen.

Ebre 11:34

tenny dife vyolan, evite ganny masakre par lepe. Menm si zot ti feb, zot ti repran lafors. Zot ti vayan dan konba e bat bann larme etranze.

Zeremi 31:33

La koman pou ete, sa nouvo lalyans ki mon pou fer avek mon pep, SENYER i deklare: Mon pou met mon bann lalwa dan zot leker. Alor, mon ava vin zot Bondye, e zot ava vin mon pep.

1 Pyer 3:4

Me zot labote i devret en labote enteryer, dan leker, kot i pa kapab disparet. Labote en lespri bon e trankil ki annan en gran valer devan Bondye.

Efezyen 2:7

I ti fer sa pour montre pour bann syek plitar, larises ekstraordiner son lagras par labonte ki i'n montre pour nou dan Zezi-Kri.

Romen 2:29

Me en vre Zwif, i sa enn ki'n sirkonsi son leker, par en sirkonsizyon enteryer ki sorti kot Lespri Bondye; pa zis eksteryer dapre Lalwa. Sa vre Zwif i ganny felisite non pa par zonm, me par Bondye.

Liv Zob 23:6

Eski i pou akiz mwan avek tou son lafors? O kontrer, i pou ekout sa ki mon annan pour dir.

Efezyen 3:15

kot ki tou fanmir dan lesyel e lo later zot tir zot non.

Kolosyen 2:2

Mon swete ki zot leker ava ranpli avek kouraz; ki zot reste ini dan lanmour, e posed tou bann larises konplet ki rezilta vre disernman. Konmsa, zot ava kapab konn sekre Bondye, setadir Kris li menm.