Efezyen 2:8 - Labib An Kreol Seselwa

⁸ Annefe, par lagras ki zot in ganny sove, e akoz zot annan lafwa. Sa, pa rezilta zot prop zefor, me i en don Bondye.

Efezyen 2:8 Referans Kwoze

Efezyen 2:5

alor ki nou ti'n mor spirityelman akoz nou fot, Bondye ti fer nou reviv avek Kris. Par son lagras ki zot in ganny sove.

Romen 4:16

Pour sa rezon, sa promes i depann lo lafwa, pour ki i vin en don gratwi ki Bondye i fer, e pour ki i valab pour tou bann desandan Abrahanm. Non pa zis pour bann ki obei Lalwa, me pour tou dimoun ki krwar, parey Abrahanm ti krwar. Annefe, Abrahanm i papa nou tou.

Romen 10:17

Ensi, lafwa i vin dapre ki nou ekout nouvel ki ganny proklanmen e sa nouvel, sa lanons parol Kris.

Akt de Zapot 16:31

Zot ti reponn, “Kwar dan Senyer Zezi e ou ava ganny sove, ou, avek tou ou fanmir.”

Levanzil dapre Zan 6:37

Tou dimoun ki mon Papa in donn mwan pou vin kot mwan, e mon pa pou zanmen pous personn ki vin kot mwan.

Levanzil dapre Zan 5:24

Mon dir zot, sa i laverite: Tou dimoun ki ekout mon parol e krwar dan sa enn ki'n anvoy mwan, i posed lavi eternel. I pa pou ganny kondannen; i'n deza sorti dan lanmor e pas dan lavi eternel.

Levanzil dapre Zan 4:10

Zezi ti dir li, “Si ou ti konn kado Bondye, e lekel ki pe dir ou: Donn mwan en pe delo pour bwar! Ou menm ou ti ava demann li, e i ti ava'n donn ou delo ki donn lavi.”

Levanzil dapre Lik 7:50

Zezi ti dir avek sa fanm, “Ou lafwa in sov ou; al anpe.”

Mark 16:16

Sa enn ki ava krwar e ki ava ganny batize, pou ganny sove. Me sa enn ki pa krwar, pou ganny kondannen.

Levanzil dapre Zan 3:36

Sa enn ki krwar dan son Garson, i ganny lavi eternel. Sa enn ki pa obei son Garson pa pou ganny sa lavi, me i ekspoz li anba lakoler Bondye.”

Romen 4:5

Me kan en dimoun ki pa'n travay, i zis krwar ki Bondye i akey anbyen en peser, son lafwa ki fer li ganny konsidere koman en dimoun zis.

Efezyen 2:10

Annefe, Bondye ki'n form nou; i'n kre nou ini avek Zezi-Kri pour nou akonpli bann bonn aksyon ki Bondye in prepare davans, pour nou met zot an pratik.

Galat 3:22

Me Lekritir in dir ki pese i kontrol tou keksoz, pour ki promes i ganny akonpli par lafwa an Zezi-Kri, pour tou dimoun ki krwar.

Akt de Zapot 13:39

Par li, tou dimoun ki krwar i ganny libere avek tou sa ki Lalwa Moiz pa ti kapab liber zot.

Galat 3:14

Konmsa ki benediksyon ki ti'n ganny promet avek Abrahanm, in osi ganny donn avek bann non-Zwif, gras a Zezi-Kri. Alor, par lafwa, nou resevwar Lespri ki Bondye in promet.

Levanzil dapre Zan 6:40

Sa ki mon Papa i oule, se ki sa enn ki war son Garson e ki krwar li, ava ganny lavi eternel; e mwan, mon pou resisit li dan dernyen zour.”

Levanzil dapre Zan 6:35

Zezi ti dir zot, “Mwan menm dipen lavi. Sa enn ki vin kot mwan pa pou zanmen lafen, e sa enn ki krwar dan mwan, pa pou zanmen swaf.

Efezyen 1:19

sa pwisans ekstraordiner ki i annan pour nou ki krwar dan li. Sanmenm sa pwisans ki i ti manifeste avek bokou lafors,

Akt de Zapot 14:27

Kan Pol ek Barnabas ti ariv Antyos, zot ti reini Legliz e rakont tou sa ki Bondye ti'n fer atraver zot: Koman i ti'n ouver en laport pour ki bann non-Zwif osi ava kapab krwar.

Levanzil dapre Zan 6:65

I ti azoute, “La rezon akoz mon ti dir ki personn pa vin kot mwan si mon Papa pa'n donn li sa posibilite.”

Kolosyen 2:12

Annefe, kan zot ti ganny batize, zot ti'n ganny met dan tonbo avek Kris. Zot in krwar dan pwisans Bondye ki'n resisit li dan pouvwar bann mor.

Levanzil dapre Zan 6:44

Personn pa kapab vin kot mwan, si mon Papa ki'n anvoy mwan, pa atir li kot mwan, e mwan mon pou resisit li dan dernyen zour.

1 Pyer 1:5

Sa bann byen i pour zot, ki, par lafwa, in ganny garde par pwisans Bondye, ziska ki delivrans i arive, pare pour ganny revele dan lafen letan.

Filipyen 1:29

ki'n akord zot sa privilez pour servi Kris. Pa zis pour krwar dan li, me osi pou soufer pour li.

Romen 10:14

Me ki mannyer zot pou envok li, si zot pa krwar dan li? Ki mannyer zot pou krwar dan li, si zot pa'n antann koz lo li? Ki mannyer zot pou antann koz lo li, si personn pa anons li?

Matye 16:17

Zezi ti reponn li, “Ou ere, Simon, garson Zonas! Annefe, sa ki ou'n dir, pa en dimoun ki'n dir ou, me mon Papa ki dan lesyel.

Akt de Zapot 16:14

Parmi bann ki ti ekout nou, ti annan en fanm ki ti apel Lidi. I ti sorti dan lavil Tyatir e i ti en marsan latwal kouler rouz. I ti en fanm ki ti ador Bondye. Senyer ti ouver son lespri pour li ekout byen tou sa ki Pol ti pe dir.

2 Tesalonisyen 1:9

Zot pou sibir destriksyon eternel koman pinisyon, lwen avek prezans Senyer e avek laglwar son pwisans.

Akt de Zapot 15:11

Nou krwar, o kontrer, ki par lagras nou Senyer Zezi, nou pou ganny sove, parey zot.”

Romen 9:16

Alor, sa pa depann lo sa ki zonm i oule, ni lo son zefor, me zis lo Bondye ki pran pitye.

Ebre 6:4

Ki pou arive avek sa bann ki'n retonm dan zot vye mannyer viv? Zot in deza ganny eklere par lalimyer Bondye. Zot i'n gout bann don ki sorti dan lesyel; zot in ganny par dan don Lespri Sen.

Matye 20:9

Bann zonm ki ti konmans travay 5 er ti ganny sakenn en pyes larzan.