Efezyen 2:7 - Labib An Kreol Seselwa

⁷ I ti fer sa pour montre pour bann syek plitar, larises ekstraordiner son lagras par labonte ki i'n montre pour nou dan Zezi-Kri.

Efezyen 2:7 Referans Kwoze

Let Pol pour bann Tit 3:4

Me Bondye nou Sover, i'n vin revel son labonte ek son lanmour anver bann imen.

2 Tesalonisyen 1:12

Alor, non nou Senyer Zezi ava ganny glorifye par zot, e Senyer ava onor zot. Tousala i en don ki sorti kot nou Bondye, ek Senyer Zezi-Kri.

Efezyen 2:4

Me, dan son gran konpasyon e son gran lanmour pour nou,

Ezai 60:15

Otrefwa, ou ti'n ganny abandonnen, ai, deteste, san personn pas kot ou. Me aprezan, mon pou fer ou vin gran pour touzour, en rezon selebrasyon pour bann zenerasyon pour touzour.

Efezyen 3:5

Dan letan pase, en tel sekre pa ti ganny kominike avek bann imen. Me par son Lespri, Bondye in aprezan revel li avek son bann zapot ek son bann profet ki'n ganny konsakre pour Bondye.

Efezyen 3:21

nou rann li glwar dan Legliz, e par Zezi-Kri, dan tou zenerasyon, e pour touzour! Amenn.

Psonm 106:48

Loue SENYER, Bondye Izrael depi touzour e pour touzour! Lepep antye ava dir: Amenn! Loue SENYER!

1 Pyer 1:12

Zot ti ganny revele ki sa mesaz pa ti pour zot menm bann profet, me pour zot. Aprezan, zot in resevwar sa mesaz par bann predikater Bonn Nouvel. Zot in anons sa Bonn Nouvel par pwisans Lespri Sen sorti dan lesyel, ki menm bann lanz ti ava byen kontan konnen.

Psonm 41:13

Loue SENYER, Bondye Izrael pour touzour! Amenn! Amenn!

Romen 2:4

Oubyen, eski ou pa apresye gran labonte, pasyans ek zenerozite Bondye? Eski ou pa konnen ki labonte Bondye i devre anmenn sanzman dan ou lavi?

Efezyen 1:7

Annefe, par disan Zezi-Kri, nou'n ganny sove, e par larises son lagras, nou bann pese in ganny pardonnen.