Efezyen 2:12 - Labib An Kreol Seselwa

¹² Rapel zot ki dan sa letan, zot ti separe avek Kris. Zot ti bann etranze ki pa ti fer parti pep Izrael. Zot pa ti annan okenn par dan lalyans baze lo promes Bondye. Zot ti pe viv dan lemonn san okenn lespwar e san Bondye.

Efezyen 2:12 Referans Kwoze

Galat 4:8

Lontan, zot pa ti konn Bondye e zot ti lesklav bann keksoz ki zot ti apel bondye me ki an realite, pa ti li.

Kolosyen 1:21

Otrefwa, zot ti etranze e lennmi Bondye. Zot ti son lennmi akoz tou bann move aksyon ki zot ti mazinen e ki zot ti komet.

1 Pyer 1:3

Annou loue Bondye e Papa nou Senyer Zezi-Kri! Dan son gran bonte, apre ki i ti resisit Zezi-Kri, i'n fer nou reviv pour en lesperans ki vivan,

1 Tesalonisyen 4:13

Mon bann frer ek ser! Nou pa oule ki zot reste dan linyorans konsernan bann ki'n mor, pour ki zot pa sagren parey bann ki napa lesperans.

Efezyen 4:18

Zot lespri i dan fernwanr. Zot napa okenn par dan sa nouvo lavi ki Bondye i donnen, akoz zot konpletman inyoran e zot refize ekoute.

Ezekyel 37:26

Mon pou fer en lalyans lape avek zot. Sa i en lalyans ki pou reste pour touzour. Mon pou beni zot la e fer zot vin nonbre. Mon pou etabli mon sanktyer parmi zot pour touzour.

1 Tesalonisyen 4:5

Pa les zot ganny dominen par bann move dezir parey bann ki pa konn Bondye.

Levanzil dapre Zan 15:5

Mwan pye rezen, e zot, zot bann brans. Sa enn ki reste ini avek mwan e mwan avek li, ava raport bokou fri. San mwan, zot pa kapab fer nanryen.

Ebre 6:18

Donk, sa de aksyon pa kapab zanmen sanze: Bondye pa kapab manti. Alor, nou ki'n kit tou, nou'n trouv dan li sa lasirans ek en gran lankourazman pour sezi sa lesperans ki i'n propoz nou.

Romen 9:8

Sa i vedir: Pa tou bann zanfan natirel Abrahanm ki zanfan Bondye, me zis bann zanfan ki dapre promes Bondye, ki ganny konsidere koman vre desandan Abrahanm.

2 Kronik 15:3

Pandan lontan, bann Izraelit pa'n konn vre Bondye, ni annan pret pour ansenny zot; zot pa ti konn lalwa.

1 Pyer 3:15

Me dan zot leker, rann glwar Kris koman zot Senyer. Zot devre touzour pare pour reponn bann ki demann zot leksplikasyon konsernan lesperans ki dan zot.

Akt de Zapot 28:20

Pour sa rezon ki mon'n demann pour war zot e koz avek zot. Se akoz lespwar pep Izrael ki mon dan sa lasenn.”

Akt de Zapot 3:25

Sa promes ki Bondye ti fer par bann profet i pour zot. Zot annan par dan sa lalyans ki Bondye ti fer avek zot bann zanset, kan i ti dir avek Abrahanm: Mon pou beni tou pep later atraver ou desandan.

Zeremi 17:13

SENYER! Izrael in met son lespwar dan ou. Tou sa bann ki abandonn ou pou onte. Tou sa bann ki pou pran zot distans avek mwan, ki sours lavi, pou disparet parey en non ki'n ganny ekri dan lapousyer.

Zenez 15:18

Sa zour, SENYER ti fer son lalyans avek Abranm. I ti dir, “Mon pou donn ou desandans, sa pei antye, depi larivyer Lezip ziska gran larivyer Efrat.

1 Zan 3:3

Tou dimoun ki annan sa lesperans dan Kris i vin pir, parey Senyer li menm i pir.

1 Pyer 1:21

Par li, zot krwar dan Bondye ki'n resisit li e ki'n donn li laglwar. Konmsa, zot met zot lafwa ek zot lesperans dan Bondye.

Ebre 11:34

tenny dife vyolan, evite ganny masakre par lepe. Menm si zot ti feb, zot ti repran lafors. Zot ti vayan dan konba e bat bann larme etranze.

1 Timote 1:1

Sa let i sorti kot Pol, zapot Zezi-Kri lo lord Bondye, nou Sover ek Zezi-Kri ki nou lesperans.

2 Tesalonisyen 2:16

Mon demande ki nou Senyer Zezi-Kri li menm, e Bondye, nou Papa ki'n kontan nou, e ki, par son lagras, i donn nou en lankourazman eternel ek en bon lesperans,

Kolosyen 1:27

Annefe, Bondye in oule fer konn sa plan sekre ki ris e manifik e ki i'n prepare an faver tou bann pep. E sekre sa plan, se ki Kris i dan zot; i donn zot lasirans ki zot ava pran par dan laglwar Bondye.

Kolosyen 1:5

Kan pour premye fwa mesaz laverite, Bonn Nouvel, ti ariv kot zot, zot ti ganny anonse lesperans ki ti rezerve pour zot dan lesyel. Se pour sa rezon, ki zot lanmour ek zot lafwa i fonde lo sa ki zot pe espere.

Levanzil dapre Zan 10:16

Mon annan ankor mouton ki pa dan sa berkay. Mon bezwen anmenn zot osi. Zot ava antann mon lavwa. Alor, i ava annan en sel troupo avek en sel berze.

Levanzil dapre Zan 4:22

Zot, zot pa konnen ki zot adore; me nou, nou konnen sa ki nou adore, akoz delivrans i vin atraver bann Zwif.

Levanzil dapre Lik 1:72

In montre son bonte anver nou bann zanset e i pa'n oubliy son lalyans sen.

Oze 3:4

Pep Izrael pou reste lontan san en lerwa, san sef, san sakrifis, san ros sakre, ni rob pret, ni pti stati.

Ezekyel 13:9

Mon pou montre mon pwisans kont sa bann profet ki envant vizyon e fer prediksyon bann mansonz. Pa pou annan plas pour zot dan lasanble mon pep; zot pa pou form parti pep Izrael; zot pa pou ni antre lo later Izrael. Konmsa, zot ava konnen ki mwan menm Senyer BONDYE.

Zeremi 14:8

SENYER! Ou ki lespwar Izrael, ou ki son sover dan maler, akoz ou pas parey en etranze dan pei? Akoz ou konport ou parey en vwayazer ki pas zis en lannwit?

Ezai 45:20

Rasanble! Zot sirvivan bann nasyon. Aprose! Met zot ansanm. Zot pa konn nanryen, sa bann ki pronmnen avek zot zidol an bwa. Zot kontinyen sipliy en bondye ki pa kapab sov zot.

Ezai 44:6

La sa ki SENYER, lerwa Izrael son Sover, SENYER liniver i deklare: Mwan menm premye, mwan menm dernyen. Apard mwan, napa okenn lot Bondye.

Esdras 4:3

Me Zorobabel, Zozye ek leres bann sef lafanmir Izrael ti reponn zot, “Konstriksyon en tanp pour nou Bondye pa konsern zot. Zis nou tousel, ki pou konstri en tanp pour SENYER, Bondye Izrael, parey lerwa Siris, lerwa Lapers in ordonn nou.”

Nonm 18:19

Mon donn ou, ou bann garson ek ou bann fiy tou sa bann lofrann ki pep Izrael i ofer devan SENYER. I ou drwa pour touzour; i dan kondisyon lalyans konsakre avek disel fer avek ou e tou ou bann desandan pour touzour.

Ezai 61:5

Bann etranze pou gard e pran swen ou troupo; zot pou kiltiv ou later e okip ou bann plantasyon rezen.

Ezai 14:1

Me SENYER pou pran konpasyon pour Zakob e swazir Izrael ankor; i pou fer li viv anpe lo son prop later. Bann etranze ava zwenn avek li pour form parti desandan Zakob.

Ezekyel 47:22

Zot ava pran koman zot posesyon e pour bann etranze ki viv parmi zot e ki'n ganny zanfan dan pei. Zot ava konsider zot koman Izraelit. Zot ava ganny en par later parmi bann tribi Izrael.

Akt de Zapot 2:39

Annefe, promes Bondye in ganny fer pour zot tou, pour zot bann zanfan, e tou bann ki lwen, ki Senyer nou Bondye ava apele.”

Efezyen 2:19

Par konsekan, zot bann non-Zwif, zot nepli bann etranze, ni bann egzile. Me zot aprezan bann konsitwayen, manm pep Bondye, e zot form parti lafanmir Bondye.

Ebre 8:6

An realite, Kris in ganny etabli dan en servis bokou pli siperyer ki pour lezot pret. Annefe, i lentermedyer dan en meyer lalyans, akoz i'n ganny fonde lo bann pli gran promes.

Egzod 12:45

Okenn etranze, ni travayer salarye pou napa drwa partisipe.