Efezyen 2:11 - Labib An Kreol Seselwa

¹¹ Alor rapel zot sa ki zot ti ete otrefwa: Zot pa bann Zwif de nesans. Bann Zwif i tret zot koman bann ensirkonsi, me zot apel zot lekor bann sirkonsi. Sa i zis akoz en loperasyon ki ganny fer dan zot laser.

Efezyen 2:11 Referans Kwoze

Kolosyen 2:11

Dan Kris zot in ganny sirkonsi, pa par en sirkonsizyon fer par lanmen zonm, me en sirkonsizyon ki sorti kot Kris e ki delivre nou kont pouvwar nou lekor peser.

Kolosyen 2:13

Otrefwa, zot ti spirityelman mor akoz zot pese, e par zot ensirkonsizyon. Me aprezan, Bondye in redonn nou lavi avek Kris. I'n pardonn nou tou nou pese.

Kolosyen 3:11

Alor, i nepli annan okenn distenksyon ant Zwif ek non-Zwif; sirkonsi ek ensirkonsi. I nepli annan etranze ek non-sivilize, lesklav ek dimoun lib, me se Kris ki tou e dan tou.

Kolosyen 1:21

Otrefwa, zot ti etranze e lennmi Bondye. Zot ti son lennmi akoz tou bann move aksyon ki zot ti mazinen e ki zot ti komet.

Filipyen 3:3

Nou ki'n resevwar vre sirkonsizyon, akoz nou ador Bondye par son Lespri e nou met nou lafyerte dan Zezi-Kri. Nou konfyans pa baz lo bann privilez imen.

Efezyen 5:8

Lontan zot ti viv dan fernwanr; me aprezan, zot in vin lalimyer ini avek Senyer. Alor, mars koman zanfan lalimyer,

Galat 6:12

Sa bann dimoun ki oule fors ou ganny sirkonsi, zot oule fer zot ganny byen war pour bann rezon imen. Zot zis pa oule ganny persekite akoz lakrwa Kris.

1 Korentyen 12:2

Zot konnen ki kan zot pa ti'n ankor konn Bondye, zot ti ganny antrennen ver bann zidol ki pa koze.

1 Korentyen 6:11

Konmsa ki serten parmi zot ti ete. Me zot in ganny lave, pirifye, zistifye devan Bondye, lo non Senyer Zezi-Kri e par Lespri nou Bondye.

1 Samyel 17:26

David ti dir avek bann zonm ki avek li, “Ki zot pou fer pour sa enn ki ava touy sa Filisten e tir laont lo Izrael? Lekel li sa Filisten, en non sirkonsi, ki oze provok bann troup Bondye vivan?”

Deterononm 16:12

Pa oubliye ki ou ti lesklav Lezip; obzerv e met an pratik sa bann regleman.

Deterononm 15:15

Pa oubliye ki ou osi, ou ti lesklav Lezip e ki SENYER, ou Bondye ti sov ou. Pour sa rezon ki mon pe donn ou ozordi sa komannman.

Deterononm 9:7

Fodre rapel e pa oubliye ki mannyer ou ti provok SENYER, ou Bondye dan dezer e ki ou ti fer li ankoler. Depi zour ou ti sorti Lezip, ziska ou ti ariv isi, ou ti revolte kont SENYER.

Deterononm 8:2

Ou ava rapel sa long semen kot SENYER, ou Bondye in akonpanny ou pandan 40 an dan dezer, pour li imilye ou, teste ou; pour li konnen ki ou annan dan ou leker, si ou pou gard son bann komannman oubyen non.

Galat 2:15

Nou, nou Zwif par nesans, e nou pa bann peser parey bann non-Zwif.

Ezekyel 36:31

Alor, zot ava rapel zot bann move lavi ek zot bann aksyon ki fer onte. Zot pou kanmi pour zot bann fot ek bann aksyon degoutan ki zot in komet.

Deterononm 5:15

Rapel byen ki ou ti en lesklav Lezip. Par son pwisans ek son lafors, SENYER, ou Bondye ti fer ou sorti. Pour sa rezon, SENYER, ou Bondye ti ordonn ou obzerv zour saba.

Ezekyel 20:43

La, zot ava rapel zot lavi pase, tou bann aksyon ki zot in fer pour rann zot enpir. Zot pou degout zot menm akoz tou zot bann move aksyon.

1 Samyel 17:36

Konmsa ki mon'n touy lyon ek lours; sa Filisten sa non sirkonsi pou pas parey enn ant zot, akoz in provok troup Bondye vivan.”

Romen 2:26

Alor, si en dimoun ki pa'n ganny sirkonsi i obei sa ki Lalwa i ordonnen, eski Bondye pa pou konsider li konmsi in sirkonsi?

Romen 2:27

Alor, sa enn ki pa'n ganny sirkonsi fizikman, me ki obei sa ki Lalwa i ordonnen, pou kondann ou, menm si ou posed Lalwa par ekri e ki ou'n ganny sirkonsi, akoz ou kas Lalwa.

Romen 11:17

Me si detrwa brans en pye zoliv in ganny koupe e si ou ki en brans zoliv maron, ou'n ganny grefe dan son plas, ou, non-Zwif, ou pou benefisye lasev ki mont depi rasin sa pye zoliv.

Efezyen 2:2

Zot ti pe viv dapre mannyer lemonn. Zot ti pe obeir sef bann pwisans dan lespas, sa menm lespri ki aprezan pe travay dan dimoun ki pe opoz Bondye.

Matye 20:7

Zot ti reponn, “Akoz personn pa'n anploy nou.” Sa zonm ti dir zot, “Zot osi, al travay dan mon plantasyon rezen.”