Efezyen 1:8 - Labib An Kreol Seselwa

⁸ Avek sazes ek lentelizans, i'n donn nou tousala annabondans.

Efezyen 1:8 Referans Kwoze

Revelasyon 5:12

Zot ti sante avek en lavwa byen for: Zenn Mouton ki'n ganny egorze, i diny pour resevwar pwisans, larises, lasazes, lafors, loner, laglwar ek louanz.

Kolosyen 2:3

Dan li, tou bann trezor lasazes ek konnesans Bondye in ganny kasyet.

Efezyen 3:10

Konmsa, gras a Legliz, bann lanz, bann lotorite ek pwisans dan lesyel ava kapab konn lasazes Bondye dan son diferan form.

Romen 5:15

Me nou pa kapab konpar don gratwi ki Bondye i fer, avek fot Adan. I vre ki bokou dimoun in mor akoz lafot en sel zonm. Me don gratwi ki Bondye in akord lo en gran nonm dimoun par en sel zonm, Zezi-Kri, i pli enportan ankor.

Let Zid 1:25

pour li, sel Bondye, nou Sover par Zezi-Kri nou Senyer, nou rann glwar, grander, pwisans ek lotorite, depi touzour, aprezan e pour touzour. Amenn!

Efezyen 1:11

Dan nou linyon avek Kris, nou'n resevwar par ki nou ti'n ganny promet. Annefe, dapre son plan, Bondye ti'n swazir nou davans, e Bondye i realiz tou, dapre sa ki i'n oule e ki i'n deside.

1 Korentyen 2:7

Mon pe anons lasazes sekre Bondye ki'n kasyet pour zonm. Depi avan kreasyon lemonn, Bondye ti'n deza swazir sa lasazes pour fer nou partisip dan son laglwar.

Romen 11:33

Larises Bondye i vreman gran! Son konnesans ek son lasazes i vreman profon! Lekel ki kapab eksplik son bann desizyon? Lekel ki kapab konpran son bann plan?

Ezai 52:13

Mon serviter pou prospere; i pou ganny egzalte, i pou monte e ganny gran loner.

Proverb 8:12

Mwan lasazes, mon viv avek pridans; mon dekouver konnesans avek refleksyon.

Psonm 104:24

SENYER! Ou'n fer tou keksoz; tou in ganny fer avek lasazes. Later i ranpli avek tou sa ki ou'n kree.

Matye 11:19

Fis-de-Lonm in vini; i manze e i bwar, e zot dir: Gete! I mazin zis manze e bwar, i zanmi bann kolekter taks ek dimoun ki annan move repitasyon. Me Lasazes i ganny zistifye par son bann aksyon.”

Efezyen 1:7

Annefe, par disan Zezi-Kri, nou'n ganny sove, e par larises son lagras, nou bann pese in ganny pardonnen.

Efezyen 1:9

I'n fer nou konn son plan sekre dapre ki dan son bonte, i ti'n deside pour akonpli davans, par Kris.