Efezyen 1:16 - Labib An Kreol Seselwa

¹⁶ mon pa zanmen aret remersye Bondye lo zot size. Mon mazin zot dan mon lapriyer.

Efezyen 1:16 Referans Kwoze

Kolosyen 1:9

Pour sa rezon, depi ki nou'n antann koz lo zot, nou'n kontinyen priy pour zot. Nou demann Bondye pour fer zot konn plennman son lavolonte, avek lasazes ek disernman ki son Lespri i donnen.

Kolosyen 1:3

Kan nou priy pour zot, nou touzour remersye Bondye, e Papa nou Senyer Zezi-Kri.

2 Tesalonisyen 1:3

Mon bann frer ek ser! Nou devre touzour remersye Bondye pour zot. Sa i byen, akoz zot lafwa in bokou progrese e lanmour ki zot posede pour kanmarad pe touzour ogmante.

1 Tesalonisyen 1:2

Nou touzour remersye Bondye lo zot size e nou touzour mansyonn zot dan nou lapriyer.

1 Samyel 12:23

Mon pa pou zanmen aret priy SENYER pour zot e fer pese kont li. Mon pou ansenny zot semen ki bon e drwat.

1 Tesalonisyen 5:17

Priy toultan!

Ezai 62:6

Zerizalenm! Mon'n plas bann santinel lo miray; lizour koman lannwit zot pou veye san poze. Fer SENYER rapel son bann promes; napa repo pour zot.

1 Samyel 7:8

Pep Izrael ti dir Samyel, “Kontinyen priy SENYER, nou Bondye pour nou, pour ki i sov nou dan lanmen bann Filisten.”

Zenez 40:14

Mazin mwan kan ou pou dan byen. Mon demann ou mansyonn mwan; ganny labonte koz avek Faraon pour mwan e fer mwan sorti dan sa prizon.