Efezyen 1:12 - Labib An Kreol Seselwa

¹² Nou ki ti bann premye pour met nou lesperans dan Kris, annou loue Bondye dan son grander!

Efezyen 1:12 Referans Kwoze

Efezyen 1:6

Alor, annou loue Bondye pour son lagras, pour donn nou gratwitman sa kado, dan son Garson byenneme.

2 Tesalonisyen 2:13

Kanta nou, frer ek ser! Nou devre toultan remersye Bondye pour zot, ki Senyer i kontan. Annefe, Bondye in swazir zot an premye pour li sov zot, par Lespri ki rann zot lavi sen, e gras a zot lafwa dan laverite.

Efezyen 3:21

nou rann li glwar dan Legliz, e par Zezi-Kri, dan tou zenerasyon, e pour touzour! Amenn.

Zeremi 23:6

Pandan son renny, rwayonm Zida pou ganny libere e pep Izrael pou viv dan lape. I pou ganny apele: SENYER ki nou lazistis.

Ezai 45:23

Mon fer serman lo mwan menm: Sa laverite ki sorti dan mon labous i zis, mon annan en sel parol. Tou bann imen pou prostern devan mwan e tou nasyon pou pret serman.

Ezai 12:2

Bondye i mon sover. Mon pou fer li konfyans, mon pa pou per, akoz Senyer BONDYE i mon lafors e mon pwisans. Li menm ki sov mwan.

Let Zak 1:18

Par son prop volonte, i'n donn nou lavi par sa Parol ki laverite. Konmsa, nou ava vin koman bann premye fri son bann kreatir.

Ezai 11:10

Sa zour, desandan Zese pou debout koman en bannyer pour tou bann zabitan later; bann nasyon pou vin kot li e son demer pou ranpli avek son prezans.

Psonm 2:12

rekonnet son garson; pangar i pran lakoler e ki ou mor dan semen. Akoz son lakoler i mont fasilman. Byennere sa enn ki met son konfyans dan SENYER.

Efezyen 2:7

I ti fer sa pour montre pour bann syek plitar, larises ekstraordiner son lagras par labonte ki i'n montre pour nou dan Zezi-Kri.

Levanzil dapre Zan 14:1

Zezi ti dir zot, “Pa bezwen les zot leker trouble. Kwar dan Bondye e krwar osi dan mwan.

Ezai 45:25

Tou bann desandan Izrael ava ganny zistifye e zot ava met zot konfyans dan SENYER.

1 Pyer 1:21

Par li, zot krwar dan Bondye ki'n resisit li e ki'n donn li laglwar. Konmsa, zot met zot lafwa ek zot lesperans dan Bondye.

2 Timote 1:12

Pour sanmenm sa rezon ki mon pe soufer. Me mon pa onte, akoz mon konnen dan ki mon'n met mon konfyans. Mon osi sir ki i kapab gard sa ki i'n konfye mwan ziska sa Zour.