Ebre 9:15 - Labib An Kreol Seselwa

¹⁵ Pour sa rezon, Kris i medyater en nouvo lalyans, pour ki sa bann ki'n ganny apele, ava kapab resevwar leritaz eternel ki'n ganny promet. Par son lanmor, ras imen in ganny pardonnen zot fot ki zot ti komet kan zot ti anba premye lalyans. Alor, sa bann ki Bondye ti'n apele, ti kapab resevwar leritaz eternel ki ti'n ganny promet e ki ankor egziste.

Ebre 9:15 Referans Kwoze

Romen 8:30

Bann ki Bondye in destinen davans, i'n osi apel zot. Bann ki i'n apele, i'n osi rann zot zis devan li. Bann ki i'n zistifye, i'n osi fer zot partisip dan son mazeste.

Romen 8:28

Nou konnen ki Bondye i fer tou pour byennet tou bann ki kontan li, pour tou sa bann ki i'n swazir dapre son plan.

Ebre 9:12

I'n antre en fwa pour tou dan sanktyer, non pa avek disan bouk ek toro, me avek son prop disan, pour fer nou ganny delivre pour touzour.

Ebre 10:36

Zot bezwen persevere pour akonpli lavolonte Bondye e resevwar sa ki i'n promet zot.

1 Timote 2:5

Annefe, i annan en sel Bondye e en sel medyater ant Bondye ek bann imen: En zonm, Zezi-Kri,

Ebre 12:24

Zot in apros avek Zezi, medyater nouvo lalyans, e avek son disan verse, ki koz dan en mannyer pli favorab ki disan Abel.

Ebre 7:22

Donk, par sa parol, Zezi i garanti nou en meyer lalyans.

1 Pyer 3:18

Annefe, Kris in osi mor pour nou pese en fwa pour tou. Li, sa enn ki ti inosan, i'n mor pour bann ki ti koupab, pour anmenn nou tou kot Bondye. Zot ti touy li dan son lekor fizik, me i ti revin vivan par Lespri Sen.

Ebre 13:20

Bondye ki sours lape, i'n resisit nou Senyer Zezi-Kri. Par disan son sakrifis ki garanti lalyans eternel, i'n vin gran berze bann mouton.

Romen 5:6

Annefe, kan nou ti ankor san okenn lafors, Kris dan letan fikse, ti mor pour bann peser.

Ebre 9:28

De menm, Kris i'n ofer son lekor en sel fwa pour detri pese en kantite dimoun: I pou aparet en dezyenm fwa, pa pour detri pese, me pour sov bann ki pe esper li.

Ebre 6:13

Kan Bondye ti fer son promes avek Abrahanm, ti napa personn pli gran ki li, par ki i pou fer son serman.

Ebre 3:1

Alor, mon bann frer ek ser ki sen e ki Bondye in apele! Fikse zot latansyon lo Zezi. I'n ganny anvoye koman zapot e Gran-Pret sa lafwa ki nou pe proklanmen.

Ebre 2:14

Alor, parey zanfan i annan an komen disan ek laser, Zezi osi, i'n partisip dan menm kondisyon. I'n pran natir imen, pour ki par son lanmor, i detri sa enn ki annan pouvwar donn lanmor, setadir dyab.

Revelasyon 5:9

Zot ti sant en nouvo kantik: Ou diny pour resevwar sa liv e kas son bann sele. Annefe, ou ti ganny egorze, e par ou disan, ou'n reaste pour Bondye, zonm dan tou ras, lalang, pep ek nasyon.

Ebre 8:13

Kan Bondye ti koz lo en nouvo lalyans, i ti fer sa enn premye vin ansyen. Alor, sa enn ki ansyen e ki'n vyeyi, i pre pou disparet.

Let Pol pour bann Tit 3:7

Ensi, zistifye par son lagras, nou vin zeritye lavi eternel ki nou pe espere.

Let Pol pour bann Tit 1:2

dan lesperans lavi eternel. Bondye ki pa zanmen manti, ti promet nou sa lavi avan konmansman letan;

2 Timote 2:10

Pour sa rezon, mon siport tou pour sa bann ki Bondye in swazir. Konmsa zot osi, zot ganny sove dan Zezi-Kri e zot ganny laglwar eternel.

Levanzil dapre Zan 10:28

Mon donn zot lavi eternel, zot pa pou zanmen mor. Personn pa pou zanmen repran zot avek mwan.

Matye 19:29

Tou bann ki'n kit zot lakaz, frer, ser, papa, manman, zanfan, propriyete akoz mwan, pou ganny 100 fwa plis e zot pou erit lavi eternel.

1 Zan 2:25

Promes ki i'n fer nou, se lavi eternel.

1 Pyer 5:10

Zot pou bezwen soufer pour ankor en pti pe letan. Me Bondye ki sours tou lagras, ki'n apel zot pour partisip dan son laglwar eternel ini avek Kris, i ava li menm rann zot parfe. I ava rann zot ferm; i ava fortifye zot, e etabli zot lo bann fondasyon solid.

Let Zak 1:12

I byennere sa enn ki reste ferm dan leprev. Annefe, apre ki i'n ganny teste, i pou resevwar kouronn laviktwar ki Bondye in promet tou bann ki kontan li.

Ebre 11:13

Zot tou, zot in mor dan lafwa, san ki zot ti'n resevwar sa ki zot ti'n ganny promet. Me zot in war li dan lwen e zot in rezoui. Zot ti deklare ki zot ti bann etranze e bann egzile lo later.

2 Tesalonisyen 2:14

Se pour sa osi ki Bondye in apel zot par Bonn Nouvel ki nou'n anonse, pour ki zot annan par dan laglwar nou Senyer Zezi-Kri.

Romen 6:23

Annefe, lapey pour pese i lanmor, me don gratwi ki Bondye i donnen, i lavi eternel dan linyon avek Zezi-Kri, nou Senyer.

Ebre 9:16

La kot i annan en testaman, laprev lanmor sa enn ki'n fer sa testaman i neseser.

2 Korentyen 3:6

Li menm ki'n fer nou vin bann serviter en nouvo lalyans ki pa depann lo en lalwa ekri, me lo Lespri Sen. Lalwa ekri i donn lanmor, me Lespri Sen li, i donn lavi.

Romen 9:24

Sa i konsern nou osi ki i'n swazir, pa zis parmi bann Zwif, me osi parmi lezot nasyon.

Romen 5:10

Kan nou ti ankor lennmi Bondye, nou ti ganny rekonsilye avek li par lanmor son Garson. A pli fort rezon, aprezan ki nou'n rekonsilye avek li, nou pou ganny sove par lavi son Garson.

Romen 5:8

Me la koman Bondye in prouve ki i kontan nou: Kris in mor pour nou kan nou ti ankor peser.

Levanzil dapre Lik 18:18

En sef Zwif ti demann Zezi, “Bon Met! Ki fodre mon fer pour mwan erit lavi eternel?”

Mark 10:17

Koman Zezi ti pe sorti pour li ale, en zonm ti tay kot li. I ti met li azenou devan Zezi e demann li, “Bon Met! Ki fodre mon fer pour ganny lavi eternel?”

Matye 25:36

Mon ti touni, zot ti donn mwan lenz. Mon ti malad, zot ti pran swen avek mwan. Mon ti dan prizon, zot ti vin vizit mwan.

Matye 25:34

Alor, lerwa pou dir avek sa bann lo son kote drwat: Vini, zot ki mon Papa in beni! Vin erit Rwayonm ki'n ganny prepare pour zot depi kreasyon lemonn.

Danyel 9:26

Apre sa 62 semenn, sa enn ki'n resevwar lonksyon pou ganny detri, san personn pour defann li. Sef en larme ki pou vini, pou detri lavil ek sanktyer, me i pou ganny detri, e lager pou kontinyen ziska lafen; pou annan gran destriksyon.

Psonm 37:18

SENYER i konn lavi bann dimoun ki kondwir zot byen. Zot later ava pour zot pour touzour.

Efezyen 1:7

Annefe, par disan Zezi-Kri, nou'n ganny sove, e par larises son lagras, nou bann pese in ganny pardonnen.

Matye 22:3

I ti anvoy son bann serviter pour al apel son bann envite pour lafet; me zot pa ti oule vini.

Levanzil dapre Lik 22:20

Demenm, apre repa, i ti osi pran lakoup. I ti dir, “Sa lakoup i nouvo lalyans dan mon disan ki'n ganny verse pour zot.”

Akt de Zapot 20:32

Aprezan, mon konfye zot avek Bondye, e avek parol son lagras. I annan pouvwar fer zot progrese dan lafwa. I kapab donn zot son bann byen ki i rezerv pour son pep.

Galat 3:20

Me en lentermedyer napa son rezondet kan i annan zis en sel dimoun, e Bondye li, i en sel.

Ebre 6:15

Ensi, apre ki i ti'n esper avek pasyans, Abrahanm ti resevwar sa ki Bondye ti'n promet li.

Ebre 10:34

Zot ti annan konpasyon pour bann prizonnyen; kan zot byen ti ganny sezi, zot ti aksepte sa avek lazwa, akoz zot ti konnen ki zot ti posed bann byen bokou meyer ki dire pour touzour.