Ebre 7:18 - Labib An Kreol Seselwa

¹⁸ Sa i fer ki en vye regleman i'n ganny met de kote. Akoz i pa parfe, i'n vin initil.

Ebre 7:18 Referans Kwoze

Romen 8:3

Bondye in fer sa ki Lalwa Moiz pa ti kapab, akoz febles natir imen ti rann lalwa enpwisan. Bondye in anvoy son prop Garson dan en natir parey natir pese. I'n kondann pese dan natir imen.

Akt de Zapot 13:39

Par li, tou dimoun ki krwar i ganny libere avek tou sa ki Lalwa Moiz pa ti kapab liber zot.

Ebre 7:19

Annefe, Lalwa Moiz pa ti kapab rann nanryen parfe. Aprezan, nou'n ganny en lesperans meyer ki permet nou apros kot Bondye.

Galat 4:9

Me aprezan ki zot konn Bondye, ou plito, ki Bondye i konn zot, ki mannyer i posib pour zot anvi retourn kot sa bann eleman san valer e revin zot lesklav?

1 Timote 4:8

I vre ki legzersis fizik i itil, me i napa en gran valer konpare avek fidelite anver Bondye ki pli itil. Annefe, sa enn ki fidel anver Bondye i posed promes lavi dan letan prezan e dan lavenir.

Ebre 13:9

Pa les zot ganny antrennen par toudsort lansennyman bizar. I bon ki nou leker i ganny ankouraze par lagras, e non pa par bann regleman konsernan manze. Dimoun ki'n obzerv sa bann regleman pa'n tir okenn benefis.

Galat 3:17

La sa ki mon oule dir: Bondye in etabli en testaman. Lalwa ki'n vin an viger 430 an plitar, pa kapab anil li, ni kas promes Bondye.

Galat 4:21

Dir mwan, zot ki oule ganny kontrole par Lalwa, eski zot pa tande sa ki Lalwa i dir?

Galat 3:15

Mon bann frer ek ser! Les mwan servi en legzanp dan lavi tou le zour: Personn pa kapab kas testaman en dimoun, ni azout nanryen, enn fwa ki i'n ganny ratifye.

Romen 3:31

Donk, kan nou annan lafwa, eski sa i vedir ki nou rann lalwa initil? Non! O kontrer, nou pe donn lalwa son vre valer.

Galat 3:21

Eski sa i vedir ki Lalwa i kont promes Bondye? Sertennman non! Si Bondye ti'n donn en lalwa ki kapab prodwir vre lavi, alor dimoun ti ava ganny zistifye par sa lalwa.