Ebre 6:4 - Labib An Kreol Seselwa

⁴ Ki pou arive avek sa bann ki'n retonm dan zot vye mannyer viv? Zot in deza ganny eklere par lalimyer Bondye. Zot i'n gout bann don ki sorti dan lesyel; zot in ganny par dan don Lespri Sen.

Ebre 6:4 Referans Kwoze

Matye 5:13

Zezi ti kontinyen dir: Se zot disel later. Me si disel i perdi son gou, avek kwa ou pou redonn li son gou sale? I pa bon pour nanryen; i ganny zete deor, pour dimoun mars lo la.

Levanzil dapre Zan 15:6

Tou dimoun ki pa reste ini avek mwan, parey en brans, i ganny rezete e i sek. Brans sek, i ganny ranmase, zet dan dife e ganny brile.

Efezyen 2:8

Annefe, par lagras ki zot in ganny sove, e akoz zot annan lafwa. Sa, pa rezilta zot prop zefor, me i en don Bondye.

Levanzil dapre Zan 3:27

Zan ti reponn, “Personn pa kapab ganny nanryen si pa lesyel ki donn li.

Ebre 10:32

Rapel zot sa ki ti arive avek zot apre ki zot ti'n resevwar lalimyer Bondye: Zot in bokou soufer e zot in bezwen siport en gro konba.

Matye 12:45

Alor, i al rod set lezot lespri pli move ki li menm. Ansanm, zot antre e viv la. Leta sa dimoun i vin pli move ki avan. Sanmenm sa ki pou arive avek bann move dimoun sa zenerasyon.”

Galat 3:2

Dir mwan: Eski zot ti resevwar Lespri Bondye akoz zot ti pratik sa ki Lalwa i ordonnen, oubyen akoz zot ti antann e krwar dan Bonn Nouvel?

2 Timote 2:25

I devre ansenny son bann ladverser avek douser, dan lespwar ki Bondye ava donn zot lokazyon sanz zot fason viv e konn laverite.

1 Zan 5:16

Si en dimoun i war son frer pe komet en pese ki pa anmenn lanmor, fodre ki i priye, e Bondye ava donn li lavi. Mon pe koz lo bann pese ki pa anmenn lanmor. I annan pese ki anmenn lanmor; pa pour en tel pese ki mon pe dir zot priye.

Ebre 2:4

Anmenmtan, Bondye in konfirm sa temwannyaz par bann siny, bann levennman ekstraordiner ek toudsort mirak. I'n osi distribye bann don Lespri Sen dapre son lavolonte.

1 Timote 4:14

Pa negliz sa don spirityel ki dan ou, ki ou'n gannyen par mesaz bann profet, kan bann ansyen ti enpoz lanmen lo ou.

Akt de Zapot 11:17

Si Bondye in ofer zot menm kado ki i'n donn nou kan nou ti krwar dan Senyer Zezi-Kri, ki mwan mon ete pour kapab al kont Bondye?

Efezyen 4:7

Sepandan, sakenn parmi nou in resevwar en don spesyal dapre sa ki Kris in donnen.

Efezyen 3:7

Mon'n vin serviter Bonn Nouvel par en don spesyal ki Bondye, dan son labonte, par laksyon son pouvwar, in donn mwan.

Akt de Zapot 10:45

Bann krwayan Zwif ki ti'n vin akonpanny Pyer ti byen etonnen pou war ki Bondye ti'n devers son Lespri Sen lo bann non-Zwif osi.

Akt de Zapot 8:20

Me Pyer ti reponn li, “Ou larzan ava mor ansanm avek ou, akoz ou mazinen ki ou kapab aste kado Bondye avek larzan.

Levanzil dapre Zan 6:32

Zezi ti dir zot, “Mon dir zot, sa i laverite: Pa Moiz ki ti donn zot dipen ki sorti dan lesyel, me mon Papa ki donn zot vre dipen sorti dan lesyel.

Nonm 24:3

I ti pronons sa profesi: Parol Balaanm, garson Peor; parol en zonm ki war kler.

Galat 3:5

Sa enn ki donn son Lespri e ki fer bann mirak parmi zot, eski i fer sa akoz zot obei Lalwa, oubyen akoz zot annan lafwa dan sa Bonn Nouvel ki zot in tande?

Akt de Zapot 15:8

Bondye ki konn leker dimoun, ti vin temwanny an zot faver kan i ti aksepte zot e donn zot son Lespri Sen parey i ti'n donn nou.

Levanzil dapre Zan 4:10

Zezi ti dir li, “Si ou ti konn kado Bondye, e lekel ki pe dir ou: Donn mwan en pe delo pour bwar! Ou menm ou ti ava demann li, e i ti ava'n donn ou delo ki donn lavi.”

2 Timote 4:14

Aleksann, sa forzron, in fer mwan bokou ditor. Senyer ki pou rann li sa ki i merite.

Romen 1:11

Annefe, mon annan en gran dezir war zot pour donn zot en don Lespri Sen, ki pour rann zot for.

2 Korentyen 4:4

Pour bann ki pa krwar, bondye sa lemonn in avegle zot lentelizans; i'n anpes zot war lalimyer Bonn Nouvel mazeste Kris, ki resanblans Bondye li menm.

2 Korentyen 4:6

Annefe, Bondye ki'n dir: Lalimyer pour briye omilye teneb. Se li menm ki'n briye dan nou leker, pour donn lalimyer konnesans son laglwar ki ilimin vizaz Kris.

Efezyen 1:18

Mon priye pour ki i ouver zot lizye ver lalimyer, pour ki zot konpran sa lesperans ki i'n ofer zot; grander larises sa leritaz merveye ki i'n rezerve pour bann kretyen;

Levitik 13:55

Pret ava reegzamin sa lobze avek tas mwazi apre ki i'n ganny lave. Si sa tas i reste parey, menm si i pa'n agrandi, i enpir. I devre ganny brile dan dife, menm si sa tas mwazi i lo bon kote oubyen lo lanver.

Levitik 14:43

Si sa tas mwazi i aparet ankor dan sa lakaz, apre ki bann ros in ganny tire, e ki miray in ganny grate e rekrepi,