Ebre 6:13 - Labib An Kreol Seselwa

¹³ Kan Bondye ti fer son promes avek Abrahanm, ti napa personn pli gran ki li, par ki i pou fer son serman.

Ebre 6:13 Referans Kwoze

Levanzil dapre Lik 1:73

Par serman ki i ti fer avek nou zanset Abrahanm,

Mise 7:20

Ou pou montre ou fidelite anver Zakob e ou lanmitye anver Abrahanm, avek ki otrefwa, par en serman, ou ti promet nou bann zanset.

Zeremi 22:5

Me si ou pa swiv mon bann konsey, mon promet ki sa pale pou tonm anrin, SENYER i deklare.

Ezai 45:23

Mon fer serman lo mwan menm: Sa laverite ki sorti dan mon labous i zis, mon annan en sel parol. Tou bann imen pou prostern devan mwan e tou nasyon pou pret serman.

Ezekyel 32:13

Mon pou detri tou son bann zannimo ki viv pre avek larivyer. Okenn lipye zonm pa pou brouy delo ankor, ni menm sabo bann troupo

Zeremi 49:13

SENYER i deklare: Mon fer sa serman: Lavil Bosra pour vin en sit degoutan, en ta debri. I pou vin en proverb malediksyon, en mokri. Tou bann vilaz dan zanviron pour ganny devaste pour touzour.

Egzod 32:13

Mazin Abrahanm, Izaak ek Izrael, ou bann serviter avek ki ou menm, ou ti fer en serman: Mon pou ogmant zot desandans parey zetwal dan lesyel; mon pou donn zot sa pei ki mon'n promet zot desandans pour touzour.”

Deterononm 1:8

La, mon met sa pei devan zot; ale e pran posesyon sa pei ki SENYER in promet zot bann zanset, Abrahanm, Izaak ek Zakob ek zot bann desandans apre zot.

Zeremi 44:26

Alor, zot tou ki sorti Zida e ki pe reste Lezip, ekout byen sa ki SENYER i dir zot: Mon fer serman par mon gran non, SENYER i deklare: Zanmen ankor mon pour permet personn parmi zot ki reste Zida, e partou dan pei Lezip, servi mon non pour dir: Mon fer serman par Senyer BONDYE ki vivan.

Galat 3:15

Mon bann frer ek ser! Les mwan servi en legzanp dan lavi tou le zour: Personn pa kapab kas testaman en dimoun, ni azout nanryen, enn fwa ki i'n ganny ratifye.

Galat 3:18

Me si leritaz ki Bondye in promet i depann lo Lalwa, alor, i pa kapab depann lo son promes. Pourtan, se par en promes ki Bondye in donn Abrahanm son faver.

1 Kronik 16:16

Son lalyans ki i ti fer avek Abrahanm, son serman ki i ti fer avek Izaak.