Ebre 6:11 - Labib An Kreol Seselwa

¹¹ Me nou oule ki sakenn parmi zot i reste aktif ziska lafen, pour fer sir ki zot lesperans i realize.

Ebre 6:11 Referans Kwoze

Ebre 3:6

Me koman son Garson, Kris i fidel dan lakaz Bondye. Sa lakaz se nou, si nou gard nou konfyans e reste solid dan sa ki nou pe espere.

2 Pyer 1:10

Alor, mon bann frer! Fer en pli gro zefor pour reste atase avek Bondye ki'n apel zot, e ki'n swazir zot. Si zot fer sa, zot pa pou zanmen abandonn zot lafwa.

Ebre 3:14

Annefe, nou kolaborater Kris, si nou gard solidman ziska lafen, sa konfyans ki nou'n resevwar depi o konmansman.

Ebre 10:22

Alor, annou apros ver Bondye avek en leker senser, ranpli avek konfyans, avek en leker pirifye avek tou sa ki donn en move konsyans e en lekor lave avek en delo pir.

Revelasyon 2:26

Sa enn ki ranport laviktwar, sa enn ki kontiny mon travay ziska lafen, mon pou donn li pouvwar lo bann nasyon.

1 Zan 3:14

Nou konnen ki nou'n sorti dan lanmor pour pas dan lavi. Nou konn sa, akoz nou kontan nou frer. Sa enn ki pa kontan, i ankor anba pouvwar lanmor.

2 Pyer 3:14

Alor, mon bann zanmi! An atandan sa zour, fer tou zefor posib, pour ki Bondye i trouv zot pir, san defo e dan lape avek li.

1 Pyer 1:21

Par li, zot krwar dan Bondye ki'n resisit li e ki'n donn li laglwar. Konmsa, zot met zot lafwa ek zot lesperans dan Bondye.

2 Tesalonisyen 3:13

Kanta zot, frer ek ser! Pa zanmen aret fer dibyen.

Romen 15:13

Bondye, ki donn lesperans, ava ranpli zot avek lazwa ek lape parfe dan lafwa. I ava rann zot ris avek lesperans, par pwisans Lespri Sen.

Ezai 32:17

Lazistis pou anmenn lape. Lazistis pou anmenn trankilite ek sekirite pour touzour.

1 Tesalonisyen 4:10

Dayer, zot deza pe kontan tou bann frer dan Masedwann antye. Me nou demann zot, frer ek ser, pour fer plis ankor.

1 Tesalonisyen 1:5

Nou pa'n anons zot Bonn Nouvel zis an parol, me osi avek pwisans, ek sekour Lespri Sen e avek konviksyon. Annefe, zot i'n war koman nou'n konport nou parmi zot, pour zot dibyen.

Kolosyen 1:5

Kan pour premye fwa mesaz laverite, Bonn Nouvel, ti ariv kot zot, zot ti ganny anonse lesperans ki ti rezerve pour zot dan lesyel. Se pour sa rezon, ki zot lanmour ek zot lafwa i fonde lo sa ki zot pe espere.

Filipyen 3:15

Nou tou ki adilt spirityelman, annou adopte sa menm preokipasyon. Me sa enn ki annan en lot lopinyon, Bondye ava ekler li lo sa size.

Galat 6:9

Annou pa fatige fer lebyen; akoz si nou pa dekouraze, nou pou rekolte dan son letan.

1 Korentyen 15:58

Alor, mon bann zanmi! Reste ferm e solid. Montre touzour plis lentere pour travay Senyer, akoz zot konnen ki avek Senyer, zot travay pa initil.

1 Korentyen 13:13

Aprezan, lafwa, lesperans ek lanmour i reste ansanm. Me lanmour i pli gran ki tou.

Matye 24:13

Me sa bann ki reste fidel ziska lafen pou ganny sove.

1 Zan 3:19

Konmsa ki nou pou konnen ki nou bann zanfan laverite. Konmsa, nou leker ava anpe devan li.

Kolosyen 2:2

Mon swete ki zot leker ava ranpli avek kouraz; ki zot reste ini dan lanmour, e posed tou bann larises konplet ki rezilta vre disernman. Konmsa, zot ava kapab konn sekre Bondye, setadir Kris li menm.

Kolosyen 1:23

Sepandan, fodre ki zot kontinyen reste fidel dan lafwa lo en fondasyon solid. Fodre pa les zot ganny antrennen lwen avek sa lesperans ki zot in gannyen depi ki zot in antann Bonn Nouvel. Sanmenm sa Bonn Nouvel ki'n ganny anonse avek tou dimoun dan lemonn antye e pour ki mwan, Pol, mon'n vin son serviter.

Romen 12:8

Sa enn ki annan don pour ankouraz lezot, i devre fer li. Sa enn ki partaz son byen avek lezot, i devre fer li avek zenerozite. Sa enn ki dirize, i devre fer li byen. Sa enn ki ed malere i devre fer li dan lazwa.

Galat 5:5

Kanta nou, nou met nou lespwar dan Bondye ki pou rann nou zis devan li. Sanmenm sa ki nou pe espere, par pwisans Lespri Sen ki travay atraver nou lafwa.

Levanzil dapre Lik 1:1

Plizyer dimoun in esey ekri sa bann levennman ki'n arive parmi nou.

Zozye 7:3

Ler zot ti retournen, zot ti dir Zozye, “Pa bezwen anvoy tou lepep atake. Anviron 2,000 a 3,000 zonm ava ase pour pran Ai. Pa fatig tou lepep, akoz napa bokou zabitan.”