Ebre 6:10 - Labib An Kreol Seselwa

¹⁰ Bondye pa enzis. I pa pou oubliy travay ki zot in fer, ni lanmour ki zot in montre pour li par servis ki zot in rann e pe kontinyen rann anver lezot kretyen.

Ebre 6:10 Referans Kwoze

Matye 10:42

En dimoun ki donn menm en ver delo fre sa enn ki pli pti parmi mon bann disip, akoz i mon disip, mon dir zot, sa i laverite: I pa pou perdi son rekonpans.

Ebre 13:16

Me pa manke fer dibyen e ed kanmarad, akoz se bann sakrifis parey ki fer plezir Bondye.

Galat 6:10

Alor, pandan ki nou annan lokazyon, annou fer dibyen tou dimoun, sirtou nou bann frer ek ser dan lafwa.

Akt de Zapot 10:4

I ti get lanz avek lafreyer. I ti dir, “Ki i annan Senyer?” Lanz ti reponn li, “Bondye in ekout ou bann lapriyer e in war ou bann lomonn anver bann pov. I pa'n oubliy ou.

1 Tesalonisyen 1:3

Annefe, devan Bondye nou Papa, nou rapel zot lafwa ki efikas, zot lanmour ki aktif, e zot lesperans ki solid dan nou Senyer Zezi-Kri.

Kolosyen 3:17

Dan tou sa ki zot fer e dir, fer tou dan non Senyer Zezi. Par li, remersye Bondye nou Papa.

Proverb 14:31

Sa enn ki oprim en pov i ensilte son Kreater; sa enn ki sekour en pov i onor SENYER.

1 Timote 6:18

Konsey zot pour fer sa ki byen; zot devre ris an bonn aksyon. Zot devre montre zot zenere e touzour pare pour partaz avek lezot.

Mark 9:41

Mon dir zot, sa i laverite: Sa enn ki donn zot en ver delo pour bwar akoz zot pour Kris, i pa pou perdi son rekonpans.”

Romen 12:13

Ed zot bann frer ki dan bezwen e pratik lospitalite.

Akt de Zapot 11:29

Alor, bann disip ti deside dapre zot mwayen, anvoy en kontribisyon pour bann frer ki ti reste dan Zide.

Galat 5:13

Mon bann frer ek ser! Zot in ganny apele pour viv lib. Me selman, pa fer sa liberte en preteks pour viv dapre dezir zot natir. O kontrer, les zot ganny gide par lanmour pour servi kanmarad.

Proverb 19:17

Sa enn ki donn en pov, i pret SENYER; i ava ganny rekonpanse pour tou.

Akt de Zapot 10:31

I ti dir mwan: Korney! Bondye in antann ou lapriyer e i pa'n oubliy ou bann lomonn.

Levanzil dapre Zan 13:20

Mon dir zot, sa i laverite: Sa enn ki akey sa dimoun ki mon'n anvoye, i akey mwan, e sa enn ki akey mwan, i pe akey sa enn ki'n anvoy mwan.”

Nehemi 5:19

“Mon Bondye! Pa oubliy mwan. Mazin tou sa ki mon'n fer pour sa pep.”

2 Timote 4:8

Dezormen, kouronn lazistis in ganny rezerve pour mwan, sa enn ki Senyer ki ziz avek lazistis pou donn mwan sa zour; pa zis mwan, me osi tou bann ki'n esper war son retour.

2 Korentyen 9:1

I pa neseser ki mon ekri zot konsernan led pour bann krwayan ki dan Zide.

Zeremi 18:20

Eski dimoun i rann lemal pour lebyen? Zot in fouy en trou pour fer mwan tonbe. Rapel kan mon ti koz avek ou dan zot faver, pour ki ou pa vin ankoler kont zot.

Nehemi 13:31

Mon ti osi retabli bann lofrann dibwa, dan lepok fikse, ensi ki bann premye fri. Mazin mwan, mon Bondye e azir dan mon faver!

Nehemi 13:22

Mon ti osi demann bann levit pour pirifye zot, pour vin vey bann laport pour fer sir ki saba i reste en zour sakre. Pour sa osi, mon Bondye, mazin mwan e protez mwan dan ou gran fidelite!

Deterononm 32:4

I en Ros protekter. Son bann aksyon i parfe e tou son bann semen i zis. I en Bondye fidel, zanmen enzis. I zis e drwat.

1 Zan 1:9

Si nou konfes nou pese, Bondye ki fidel e zis, pou pardonn nou nou pese e pirifye nou kont tou lenzistis.

Psonm 20:3

I ava mazin tou ou bann lofrann e aksepte ou bann sakrifis konplet.

Galat 5:6

Annefe, ni sirkonsizyon, ni ensirkonsizyon pa enportan. Lafwa ki azir par lanmour ini avek Kris Zezi ki konte.

Egzod 1:20

Bondye ti beni bann sazfanm e lepep ti vin pli nonbre e tre for.

Eklezyas 11:1

Zet ou dipen lo delo avek letan, ou ava ganny bon rezilta.

Zeremi 31:16

Me la sa SENYER i deklare: Aret plere, eswiy ou bann larm. Tou sa ki ou'n fer pou ganny rekonpanse. Ou bann zanfan pou sorti dan pei lennmi. Zot pou retourn dan zot pei, SENYER i deklare.

Ebre 10:32

Rapel zot sa ki ti arive avek zot apre ki zot ti'n resevwar lalimyer Bondye: Zot in bokou soufer e zot in bezwen siport en gro konba.

Matye 20:7

Zot ti reponn, “Akoz personn pa'n anploy nou.” Sa zonm ti dir zot, “Zot osi, al travay dan mon plantasyon rezen.”

Matye 25:17

Sa enn ki ti ganny de talan ti fer parey e i ti ganny ankor de lezot talan.