Ebre 4:15 - Labib An Kreol Seselwa

¹⁵ Annefe, nou Gran-Pret i enn ki kapab soufer avek nou dan nou febles. I sa enn ki'n ganny tante dan tou keksoz, parey nou, me san komet okenn pese.

Ebre 4:15 Referans Kwoze

2 Korentyen 5:21

Kris pa'n fer okenn pese. Me Bondye in sarz li avek tou nou pese, pour ki par li, Bondye i rekonnet nou koman zis.

1 Zan 3:5

Annefe, zot konnen ki Zezi-Kri i'n vini pour fer disparet pese. Dan li napa okenn pese.

1 Pyer 2:22

Kris pa'n zanmen fer okenn pese, e zanmen okenn mansonz in sorti dan son labous.

Ebre 7:26

Zezi i sa Gran-Pret ki nou ti bezwen: I sen, inosan, san pese, separe avek tou bann peser e plase pli o ki lesyel.

Ebre 4:14

Alor, pandan ki nou annan en Gran-Pret siprenm, Zezi, Garson Bondye ki'n travers lesyel, annou tenir byen for lafwa ki nou proklanmen.

Ebre 5:2

Gran-Pret i ranpli avek febles. Alor, i kapab azir avek konpasyon anver sa bann ki dan linyorans e bann ki komet bann fot.

Levanzil dapre Zan 8:46

Lekel parmi zot ki kapab prouve ki mon'n fer pese? Si alor mon pe dir laverite, akoz zot pa krwar mwan?

Ezai 53:9

Zot ti fer son latonm parmi bann malfeter. Son tonbo ti parmi bann dimoun ris. Pourtan, i pa ti'n komet okenn vyolans; okenn mansonz pa'n sorti dan son labous.

Levanzil dapre Lik 22:28

Zot, zot parmi sa bann ki'n reste fidel avek mwan pandan mon bann letan difisil.

Levanzil dapre Lik 4:2

Laba, dyab ti tant li pandan 40 zour. Zezi pa ti manz nanryen pandan tou sa letan. Alor, i ti lafen.

Oze 11:8

Ki mannyer mon pou kapab abandonn Efraim, e debarase avek ou, Izrael? Ki mannyer mon pou kapab tret ou parey Adma, e tret ou parey avek Seboim? Sa lide i boulvers mon leker, mon konpasyon i tro for.

Egzod 23:9

Ou pa pou maltret en etranze ki reste parmi zot; zot menm, zot konn lavi en etranze. Zot osi, zot ti bann etranze Lezip.

Matye 12:20

I pa pou kas en banbou ki'n pliye, I pa pou tenny sa pti laflanm ki ankor alimen, ziska ki lazistis i ranport laviktwar.

Matye 4:1

Alor, Lespri ti anmenn Zezi dan dezer, pour li ganny tante par dyab.

Romen 8:3

Bondye in fer sa ki Lalwa Moiz pa ti kapab, akoz febles natir imen ti rann lalwa enpwisan. Bondye in anvoy son prop Garson dan en natir parey natir pese. I'n kondann pese dan natir imen.

Ebre 9:28

De menm, Kris i'n ofer son lekor en sel fwa pour detri pese en kantite dimoun: I pou aparet en dezyenm fwa, pa pour detri pese, me pour sov bann ki pe esper li.