Ebre 13:13 - Labib An Kreol Seselwa

¹³ Alor, annou sorti an deor kan e al kot li pour siport menm imilyasyon avek li.

Ebre 13:13 Referans Kwoze

Ebre 11:26

I ti aksepte ganny meprize parey Kris, ki i ti konsider koman en larises pli gran valer ki bann trezor Lezip. Annefe, son regar ti fikse lo rekonpans fitir.

Akt de Zapot 5:41

Bann zapot ti kit lasal Konsey, byen kontan, ki zot ti'n ganny konsidere diny pour ganny maltrete pour sa non Zezi.

Levanzil dapre Lik 6:22

Zot byennere, kan dimoun i ay zot, e malparl zot; kan zot ganny rezete, ensilte e dimoun i dir dimal lo zot akoz Fis-de-Lonm!

Matye 16:24

Apre, Zezi ti dir avek son bann disip, “Si en dimoun i oule swiv mwan, fodre ki i aret mazin son prop lekor. Fodre i pran son lakrwa e swiv mwan.

2 Korentyen 12:10

Pour sa rezon donk, ki mon satisfe dan febles, lensilt, detres, persekisyon ek lenkyetid pour Kris. Annefe, kan mon feb, lanmenm ler ki mon for.

Matye 5:11

Zot byennere, kan zot ganny ensilte, persekite akoz mwan; kan dimoun i koz dimal kont zot, akoz mwan!

Ebre 12:3

Mazin en pe ki mannyer i'n siport otan lopozisyon delapar bann peser. Pa les ou ganny dekouraze, ni dezespere.

1 Pyer 4:4

Aprezan, bann etranze i trouv sa drol, e kritik zot akoz zot nepli partisip dan sa bann move fason viv.

Matye 27:32

Koman zot ti pe sorti dan lavil, zot ti zwenn en zonm ki ti apel Simon, sorti Sirenn. Zot ti fors li anmenn lakrwa Zezi.

Levanzil dapre Lik 9:23

I ti dir avek zot tou, “Sa enn ki oule swiv mwan, fodre ki i aret mazin zis li. I bezwen pran son lakrwa sak zour e swiv mwan.

Ebre 12:2

Annou gard nou regar fikse lo Zezi ki lorizin nou lafwa, ki anmenn li ziska perfeksyon. Olye lazwa ki i ti merite, i'n aksepte lanmor lo lakrwa, san okenn laont. Aprezan i'n asiz lo kote drwat tronn Bondye.

Ebre 12:4

Annefe, dan zot konba kont pese, zot pa'n ankor deza lite ziska versman disan.