Ebre 12:15 - Labib An Kreol Seselwa

¹⁵ Fer atansyon ki personn pa mepriz lagras Bondye. Pa les okenn rasin anmer pouse e koz problenm ki afekte kominote.

Ebre 12:15 Referans Kwoze

Ebre 3:12

Mon bann frer ek ser! Fer byen atansyon ki personn parmi zot pa posed en leker vreman move, ki refize krwar, ki tourn son ledo avek Bondye vivan.

Deterononm 29:18

I pa sipoze annan parmi zot en zonm, en fanm, en fanmir, en tribi, ki son leker in detourn kont SENYER, nou Bondye, pour al servi bann bondye sa bann nasyon. I pa devre annan parmi zot, rasin en plant ki prodwir en pwazon anmer.

Galat 5:4

Zot tou ki pe esey rod ganny zistifye par Lalwa, zot in separe avek Kris, e zot in perdi lagras.

2 Korentyen 6:1

Akoz nou bann kolaborater Bondye, nou sipliy zot pour pa negliz sa lagras ki zot in resevwar avek li.

2 Zan 1:8

Alor, fer byen atansyon ki zot pa perdi bann fri zot travay, me ki zot resevwar en rekonpans konplet.

1 Korentyen 15:33

Pa les zot ganny tronpe: Move frekantasyon, i gat repitasyon.

2 Pyer 3:14

Alor, mon bann zanmi! An atandan sa zour, fer tou zefor posib, pour ki Bondye i trouv zot pir, san defo e dan lape avek li.

Ebre 4:1

Bondye in les nou sa promes konmkwa nou pou kapab antre dan son repo ki i'n prepare pour nou. Alor, annou fer byen atansyon ki personn parmi zot pa mank lokazyon antre dan sa repo.

1 Korentyen 5:6

Zot napa okenn rezon pour zot fer vantar. Zot pa konnen ki en pti pe lelven i fer monte lapat antye?

Zeremi 2:21

Pourtan, mon ti'n plant ou koman en pye rezen bon kalite, en plant bon kalite e sir. Ki mannyer ou'n dezenere pour vin en pye rezen sovaz ki son bann fri i eg?

Proverb 4:23

Sirtou, vey lo ou leker, akoz i sours lavi.

Ebre 4:11

Alor, annou fer tou zefor posib pour antre dan sa repo, pour ki personn pa tonbe par dezobeisans, parey nou bann zanset.

2 Korentyen 13:5

Egzamin zot lekor pour war si zot pe gard zot lafwa. Teste zot lekor. Pa zot rekonnet ki Zezi-Kri i reste dan zot? Amwen ki zot pa pas tes!

1 Korentyen 10:12

Alor, sa enn ki krwar i debout, fer atansyon ki i pa tonbe.

1 Rwa 14:16

SENYER pou abandonn Izrael akoz pese Zeroboanm e pese ki i'n fer Izrael komet.

Ebre 6:11

Me nou oule ki sakenn parmi zot i reste aktif ziska lafen, pour fer sir ki zot lesperans i realize.

Deterononm 32:32

Zot boutir rezen i sorti dan en plan ki sorti Sodonm dan plantasyon rezen Gomor; zot rezen i bann rezen anpwazonnen, zot bann grap i anmer.

Deterononm 4:9

Selman, fer atansyon! Vey byen lo ou menm tou le zour ou lavi, pour ki ou pa oubliy sa ki ou lizye in war; gard zot dan ou leker. Ansenny tousala ou bann zanfan ek ou bann pti zanfan.

2 Pyer 2:18

Zot pronons bann gran diskour vid e bet. Zot servi dezir imoral zot prop natir, pour met dan zot pyez, bann ki apenn fek sape parmi bann ki viv dan lerer.

Kolosyen 3:5

Alor, met anmor bann dezir materyel ki dan zot: Limoralite seksyel, lenpirte, pasyon, move dezir, lavaris (lavaris se idolatri).

Efezyen 5:3

Zot fer parti pep Bondye. Par konsekan, veye ki tou form imoralite seksyel, lavi dezordonnen ek lanvi, pa menm ganny mansyonnen parmi zot.

Galat 2:13

Lezot krwayan Zwif ti fer parey Pyer dan en fason ipokrit, e Barnabas osi ti les li ganny enfliyanse par sa menm ipokrizi.

1 Korentyen 13:8

Lanmour i reste pour touzour. Profesi pou arete en zour; don koz diferan lalang pour fini; konnesans osi, pou disparet.

Egzod 32:21

Moiz ti dir Aaron, “Ki sa pep in fer ou, pour ki ou'n fer en tel gran pese tonm lo li?”

2 Pyer 3:11

Akoz tou pou ganny detri konmsa, ki kalite lavi zot devre viv? Zot devre anmenn en lavi sen avek respe pour Bondye.

2 Pyer 1:10

Alor, mon bann frer! Fer en pli gro zefor pour reste atase avek Bondye ki'n apel zot, e ki'n swazir zot. Si zot fer sa, zot pa pou zanmen abandonn zot lafwa.

Ezai 5:7

Plantasyon rezen SENYER liniver se pep Izrael; Sa plan rezen ki i ti telman kontan, se pep Zida. SENYER ti pe esper ladrwatir sorti ladan, me ti annan zis versman disan. I ti pe esper lazistis, me i ti antann zis bann malere kriye.

Ezai 5:4

Tou sa ki mon ti kapab fer pour mon plantasyon rezen, pa mon'n fer? Mon ti pe espere rekolte bon rezen. Me akoz in donn mwan rezen eg?

Zozye 6:18

Selman, fer atansyon zot pa pran nanryen ki devre ganny detri pour SENYER. Si zot fer sa, maler ek destriksyon pou tonm lo kan Izrael.

Levanzil dapre Lik 22:32

Me mon'n priy pour ou, pour ki ou pa perdi lafwa. Kan ou ava'n retourn ver mwan, ankouraz ou bann frer.”

Let Pol pour bann Tit 1:15

Tou i pir pour sa enn ki pir. Me pour sa enn ki enpir, e ki refize krwar laverite, napa nanryen ki pir, akoz son lespri ek son konsyans i pouri.