Ebre 12:11 - Labib An Kreol Seselwa

¹¹ O konmansman, tou koreksyon pa sanble donn lazwa, me latristes. Me plitar, pour tou bann ki ganny disiplinen, i prodwi lape ek lazistis.

Ebre 12:11 Referans Kwoze

2 Korentyen 4:17

Nou bann pti soufrans aktyel pe prepar pour nou en gran laglwar eternel ki napa okenn konparezon.

1 Pyer 1:6

Pour sa rezon ki zot dan lazwa, menm si aprezan, zot pe pas, pandan en pti moman, par toudsort difikilte.

Ebre 12:10

Nou bann zanset ti koriz nou pour en pti pe letan, dapre mannyer ki zot ti war bon. Me Bondye, i koriz nou pour nou prop byen, pour ki nou partisip dan son sentete.

Psonm 118:18

SENYER in koriz mwan severman, me i pa'n les lanmor pran mwan.

Ezai 32:17

Lazistis pou anmenn lape. Lazistis pou anmenn trankilite ek sekirite pour touzour.

Proverb 19:18

Koriz ou zanfan tan ki i annan lespwar; me pa ale ziska swet son lanmor.

Psonm 119:165

Pour sa bann ki kontan ou lalwa, zot zouir lape; zot pa rankontre okenn lobstak.

Proverb 15:10

Sa enn ki abandonn en bon semen, pou ganny pini severman; me sa enn ki deteste repros, pou mor.

Ebre 5:14

Me nouritir solid i pour bann adilt ki, avek leksperyans, zot konn disernen ant sa ki byen ek sa ki mal.

Romen 14:17

Rwayonm Bondye pa en zafer manze ek bwar, me i lazistis, lape ek lazwa dan Lespri Sen.

Psonm 89:32

alor, mon ava pini zot avek en roten e mon ava fwet zot pour zot bann fot.

2 Pyer 2:14

Zot regar i ranpli avek dezir pour komet adilter; zot pa zanmen komet ase pese. Zot atir bann ki feb dan zot pyez. Zot leker in byen antrennen dan dezir pour ganny larzan. Zot in ganny malediksyon!

Ezai 19:22

SENYER pou pini Lezip. I pou pini li, me i pou geri li e bann Ezipsyen ava retourn ver SENYER ki ava ekout zot siplikasyon e geri zot.

2 Timote 4:8

Dezormen, kouronn lazistis in ganny rezerve pour mwan, sa enn ki Senyer ki ziz avek lazistis pou donn mwan sa zour; pa zis mwan, me osi tou bann ki'n esper war son retour.

Zenez 21:11

Sa parol ti bles bokou Abrahanm, akoz Izaak ti osi son garson.