Ebre 11:26 - Labib An Kreol Seselwa

²⁶ I ti aksepte ganny meprize parey Kris, ki i ti konsider koman en larises pli gran valer ki bann trezor Lezip. Annefe, son regar ti fikse lo rekonpans fitir.

Ebre 11:26 Referans Kwoze

Ebre 11:6

San lafwa, personn pa kapab fer plezir Bondye. Annefe, sa enn ki apros kot Bondye i devre krwar ki Bondye i egziste e ki i rekonpans tou dimoun ki rod li.

Ebre 10:35

Alor, pa perdi konfyans e zot ava ganny en gran rekonpans.

Revelasyon 3:18

Pour sa rezon, mon konsey ou: Vin aste avek mwan lor ki'n ganny teste dan dife, e ou ava vin ris. Vin aste lenz blan kot mwan, pour ou abiye e kasyet laont ou touni. Vin aste osi en remed pour ou pas lo ou lizye pour ou kapab war kler.

1 Pyer 4:14

Si zot ganny maltrete akoz non Kris, zot devre ere, akoz Lespri laglwar, Lespri Bondye i repoz lo zot.

Ebre 2:2

Mesaz anonse par bann lanz ti annan tou son valer, e tou pese, tou dezobeisans in ganny son pinisyon ki zot merite.

2 Korentyen 6:10

Nou pas par latristes, me nou touzour dan lazwa. Nou pov, me nou anrisi bokou dimoun. Nou paret napa nanryen, me an realite nou posed tou!

Levanzil dapre Lik 14:14

Alor, ou ava ere, akoz zot, zot pa kapab rekonpans ou. Annefe, ou ava ganny ou rekonpans zour rezireksyon bann zis.”

Matye 5:12

Rezoui e santi zot ere, akoz annan en gran rekonpans pe esper zot dan lesyel! Konmsa menm ki zot bann zanset ti persekit bann profet avan zot.

Efezyen 3:8

Mon pli pti parmi tou bann krwayan. Pourtan, Bondye in donn mwan sa privilez pour anons bann non-Zwif, larises Kris ki san limit.

2 Korentyen 12:10

Pour sa rezon donk, ki mon satisfe dan febles, lensilt, detres, persekisyon ek lenkyetid pour Kris. Annefe, kan mon feb, lanmenm ler ki mon for.

Psonm 37:16

Sa pti gin ki en zis i posede, i preferab ki larises bokou malfeter.

1 Pyer 1:11

Zot in fer en gro zefor pour dekouver dan ki lepok e dan ki sirkonstans, bann lendikasyon ki Lespri Kris in donnen, ti koresponn. Annefe, sa Lespri ki ti dan zot, ti anons davans, soufrans ki Kris ti devre pas ladan ek laglwar ki devre swiv.

Ebre 13:13

Alor, annou sorti an deor kan e al kot li pour siport menm imilyasyon avek li.

Ebre 10:33

Parfwa, zot ti ganny ensilte e maltrete piblikman. Parfwa, zot ti solider avek bann ki ti pe ganny maltrete.

Filipyen 3:7

Me tou sa bann kalite ki mon ti war koman en gen pour mwan, aprezan, mon konsider zot koman en pert akoz Kris.

Efezyen 1:18

Mon priye pour ki i ouver zot lizye ver lalimyer, pour ki zot konpran sa lesperans ki i'n ofer zot; grander larises sa leritaz merveye ki i'n rezerve pour bann kretyen;

Akt de Zapot 5:41

Bann zapot ti kit lasal Konsey, byen kontan, ki zot ti'n ganny konsidere diny pour ganny maltrete pour sa non Zezi.

Matye 10:41

Sa enn ki resevwar en profet Bondye, akoz i en profet, i pou resevwar rekonpans en profet. Sa enn ki resevwar en dimoun ki zis, akoz i en zis, i pou resevwar rekonpans en zis.

Matye 6:1

Fer atansyon ou akonpli ou bann devwar relizye an piblik, zis pour fer ou ganny remarke. Sankwa, ou Papa ki dan lesyel pa pou rekonpans ou.

Ezai 51:7

Ekout mwan! Ou ki konn lazistis! Ou sa pep ki gard mon lansennyman dan ou leker! Pa bezwen per repros ki sorti kot zonm. Pa bezwen tranble ler zot ensilte ou,

Proverb 23:18

akoz i annan sirman en lavenir e ou lespwar pa pou perdi.

Proverb 11:18

En malfeter i travay pour nanryen; me sa enn ki senm lazistis i ganny en vre rekonpans.

Psonm 69:20

Mon leker i fermal afors ganny ensilte; mon dan dezespwar. Mon vin rod senpati, me personn pa pran pitye pour mwan, personn pa'n vin rekonfort mwan.

Psonm 69:7

Pour ou, mon aksepte ganny imilye; laont i kouver mon figir.

Rit 2:12

SENYER ava rekonpans ou pour tou sa ki ou fer. Ou'n vin plas ou anba proteksyon SENYER, Bondye Izrael. I pou rekonpans ou plennman.”

Revelasyon 2:9

Mon konn ou bann soufrans, ek ou mizer. Pourtan, ou ris. Mon konn dimal ki bann swadizan Zwif, me ki pa Zwif i dir lo ou. An realite, zot form en lasanble Satan.

Levanzil dapre Lik 14:33

Ensi, nenport parmi zot ki pa abandonn tou sa ki i annan, i pa kapab vin mon disip.”