Ebre 11:25 - Labib An Kreol Seselwa

²⁵ I ti prefere ganny maltrete ansanm avek pep Bondye, plito ki zouir plezir pese pandan en pti pe letan.

Ebre 11:25 Referans Kwoze

Psonm 84:10

En sel zour dan lakour ou tanp i pli agreab ki mil zour pase dan nenport ki landrwa. Mon ti ava prefere reste devan laport sanktyer mon Bondye, plito ki viv dan latant ranpli avek malfeter.

2 Korentyen 5:17

Osi, si en dimoun i ini avek Kris, i en kreasyon nouvo: Sa ki vye in disparet; sa ki nouvo ki la.

Liv Zob 36:21

Fer atansyon ou pa retourn ver lemal; pour sa rezon ki ou dan maler.

Revelasyon 18:7

Otan laglwar ek larises ki i ti fer letalaz avek, donn li osi otan tourman ek dey. Annefe, i dir dan son leker: Mon pe asize koman en larenn. Mon pa en vev, mon pa pou zanmen konn dey.

Liv Zob 20:5

boner bann malfeter pa dire; e ki lazwa en malfeter i kourt?

1 Pyer 2:10

Otrefwa, zot pa ti son pep. Me aprezan zot in vin pep Bondye. Otrefwa, zot pa ti konn konpasyon Bondye. Me aprezan zot in ganny mizerikord.

Let Zak 5:5

Zot in viv lo later dan liks e dan plezir. Zot in vin gra parey zannimo pour sa zour labatwar.

Let Zak 1:20

akoz en dimoun ankoler pa realiz plan lazistis Bondye.

Ebre 11:37

Serten ti ganny touye a koud ros; lezot ti ganny sye an de, oubyen ganny masakre par lepe. Zot ti eran, sorti dan en landrwa pour al dan en lot, kouver zis avek en lapo mouton oubyen lapo kabri, pov, persekite, e maltrete.

Ebre 10:32

Rapel zot sa ki ti arive avek zot apre ki zot ti'n resevwar lalimyer Bondye: Zot in bokou soufer e zot in bezwen siport en gro konba.

Ebre 4:9

Sa i vedir ki i annan ankor en repo pour pep Bondye. Sa i setyenm zour.

2 Timote 1:8

Pa bezwen onte pour temwanny an faver nou Senyer, ni an mon faver, mwan ki son prizonnyen. O kontrer, aksepte pour soufer avek mwan pour Bonn Nouvel an kontan lo pwisans Bondye.

Kolosyen 1:24

Aprezan, mon trouv mon lazwa dan bann soufrans ki mon pe pas atraver pour zot. Par mon bann soufrans fizik, mon pe kontinyen konplet soufrans lekor Kris, setadir, Legliz.

Romen 5:3

Anplis ki sa, nou rezoui osi menm dan nou bann soufrans, akoz nou konnen ki lasoufrans i prodwi lapasyans;

Levanzil dapre Lik 16:25

Abrahanm ti reponn li: Mon garson! Rapel ou byen ki pandan ou lavi, ou ti ganny toudsort bon keksoz, tandis ki Lazar ti ganny bokou maler. Aprezan, i pe ganny son konsolasyon, e ou, ou pe soufer.

Matye 13:21

Me Laparol pa'n pran rasin dan zot; i pa reste dan zot leker pour lontan. Alor, osito ki troub oubyen persekisyon i arive akoz Laparol, deswit zot tonbe.

Ezai 21:4

Mon'n perdi larezon; mon tranble avek lafreyer. Mon ti esper lannwit vini me aprezan, i fer mwan per.

Psonm 47:9

Tou sef bann nasyon in rasanble avek pep Bondye Abrahanm. Tou pouvwar ki lo later i sorti kot Bondye. I par lao tou.

Danyel 3:18

Menm si i pa fer li, nou fer ou konnen, ki nou pa pou servi ou bann bondye e nou pa pou ador sa stati annor ki ou'n fer.”

Akt de Zapot 7:34

Mon'n war soufrans mon pep dan Lezip. Mon'n antann zot soupir e mon'n desann pour delivre zot. Vini! Aprezan, mon pou anvoy ou Lezip.