Ebre 10:30 - Labib An Kreol Seselwa

³⁰ Annefe, nou konn sa enn ki ti deklare: Mwan ki pou fer vanzans, mwan ki pou donn lapey an retour. I'n osi dir: Senyer pou ziz son pep.

Ebre 10:30 Referans Kwoze

Romen 12:19

Mon bann zanmi! Pa fer zot prop vanzans, me les lakoler Bondye azir. Annefe, Senyer i deklare dan Lekritir: Mwan ki pou fer vanzans. Mwan ki pou fer peye.

Nahoum 1:2

SENYER i en Bondye zalou ki vanze. SENYER i tir vanzans, e i tre ankoler. SENYER i revanz lo son bann ladverser, e gard son lakoler kont son bann lennmi.

Psonm 50:4

I kriy ver lesyel lao e ver later pou ziz son pep:

2 Korentyen 5:10

Annefe, nou tou nou devre prezant nou devan tribinal Kris, e sakenn ava resevwar sa ki i merite, pour sa ki i'n fer avek son lekor, swa an byen, swa an mal.

Psonm 135:14

Annefe, SENYER pou rann son pep lazistis; i pou pran pitye pour son bann serviter.

Psonm 96:13

devan SENYER, akoz i pe vini; i pe vini pour ziz later. I pou ziz lemonn dapre lazistis e bann pep dan laverite.

Romen 13:4

Annefe, lotorite i dan servis Bondye pour li fer ou dibyen. Me si o kontrer ou fer sa ki mal, la alor, ou devre per, akoz pa pour nanryen ki i annan pouvwar pou pini. Lotorite i la koman en serviter Bondye pour egzekit lakoler Bondye lo tou malfeter.

Ezai 61:2

pour proklanm lannen faver SENYER e zour vanzans pour nou Bondye, pour konsol tou sa bann ki dan sagren;

Psonm 98:9

dan SENYER ki pe vini pour ziz lemonn. I pou ziz later avek lazistis, san fer okenn preferans parmi bann pep.

Ezekyel 18:30

Alor, pep Izrael! Mon pou ziz sakenn dapre son prop aksyon, Senyer BONDYE i deklare. Sanz ou lavi e abandonn ou bann move mannyer fer. Pa les ou pese detri ou.

Ezekyel 34:17

La sa ki Senyer BONDYE i deklare: Kanta zot mon troupo, mon pou ziz sakenn zot; mon pou separ bann mouton mal ek bann bouk.

Ezai 63:4

Sa zour, vanzans ti dan mon leker; lannen delivrans pour mon pep ti'n arive.

Ezai 59:17

I met lazistis koman en zile proteksyon; lo son latet i met kas delivrans. I abiy li dan lenz vanzans e anvlop li dan palto zalouzi.

Psonm 94:1

SENYER! Ou en Bondye ki fer vanzans; Bondye vanzans! Fer konnen ki ou ete.

Levitik 19:18

Ou pa pou vanze, ni gard rankin kont personn parmi ou pep; me ou devre kontan ou prosen parey ou menm. Mwan menm SENYER.

1 Samyel 25:26

Aprezan, par lavi SENYER e par ou prop lavi, pour ou prop byen, SENYER ki'n anpes ou vers disan pour vanze. Mon demande ki ou bann lennmi, bann ki oule fer ou dimal, i pas parey Nabal.

1 Samyel 26:10

David ti dir, “Par SENYER ki vivan! SENYER menm ki pou pini li; swa i ava mor kan son letan i arive, ouswa i ava mor dan lager.